Vigário Episcopal Assunto Sociais

Pe. Emanuel Lelo Talok CMF

Vigário Episcopal para os Assuntos Sociais, halao knaar atu coordena Instituição sira Uma Creda Arquidiocese Dili nian. Tau matan ba proclamação Evangelho ba sociedade, ba povo tomak laos deit iha ambão, maibe sai ba to’o liur hodi hasoru ema sira concretamente iha sira nia realidade moris loro-loron.”

Instituição sira nebe hamahan-an iha Vigário Episcopal ba Assuntos Sociais nian mak:

Cáritas Arquidiocese Dili, Justiça e Paz, Comunicação Social no Saúde.

knaar Cáritas Arquidiocese Dili nian atu tau matan no hakbiit kbiit laek sira, Justiça e Paz atu cria no haburas justiça ho paz iha sociedade. Comunicação Social atu tulun bispo Arquidiocese nian halao ninia knar apostolado liu husi tatoli Liafoun Di’ak Ksolok no fahe informaçõ sira kona ba bispo ninia atividade no buat sira nebe diocese dili tomak halao usa meios comunicação sira hotu nebe disponível.

Saúde atu servi ema sira hotu liu husi promove moris saudavel no apostolado ba ema moras sira hodi nune sira bele hetan laran metin no ksolok iha  ita Nai Jesus be doutór no medico lolos.

Departamento Comunicação Arquidiocese Dili nian halao ninia serviço iha ârea comunicação nian hodi fahe informação sira hotu kona ba Arquidiocese ninia moris ba sarani sira no ba público. Knar ida ne’e halao ho ninia objetivo geral mak atu tulun bispo Arquidiocese Dili nian halao didiak ninia missão servi Maromak nia povo iha Timor Leste, especialmente iha Arquidiocese Dili.

Liu husi informações no conhecimento kona ba verdade da fé nebe Santa Creda comunica, sarani sira bele iha comunicação (vida) ida íntima liu tan ho Maromak no moris profundamente iha ninia moris nudar ema cristã.

  • Haklaken Maromak nia reino no Nai Jesus Cristo nia evangelho
  • Hato’o ba povo sarani sira hanorin sira husi Magistério igreja católica nian
  • Tulun Bispo nudar autoridade lugar iha ninia serviço pastoral sira.
  • Colabora ho departamento sira diocese Dili nian, ho instituiçoes eclesiásticas ba comunicação diak ida kona ba ita nia fé iha igreja particular Dili.
  • Centro Televisivo da Arquidiocese de Dili (CTAD)

Produz programa religioso hodi transmitte iha Televisão, iha youtube, iha facebook, iha vimeo, iha website diocese nian

  • Rádio Timor Kmanek (RTK)

Produz varios programas radiofónicos ba creda no sociedade Timorense

  • Semanário Ite (ITE)

Haklaken Maromak nia reino liu husi noticias ho informaçõs sira be kona ba ema nia moris ho Maromak no ho ema sira

  • Buletim Seara (SEARA)

Divulga documentos oficiais sira Arquidiocese Dili nian

  • Serviços Fotográficos (SF)

Halo documentação fotográfico iha album no iha file digital

  • Pagina internet ka site Arquiiocese Dili

Site Arquidiocese Dili nian ho naran Arqddili.tl Site atu divulga informação multimédial ba sarani sira no ba sociedade timorense kona ba diocese nia moris no kona ba Bispo Arquidiocese Dili ninia atividade pastoral sira.

Comissão Justiça e paz ne’e Dom Carlos Felipe Ximenes Belo,SDB hari iha loron  8 fulan Maio 1995. Comissão ne’e halao ninia missão ho princípio ou kilat musan mak “ The Voice of Violes” katak  “Sai Lian ba Kbi’it Laek Sira”. Ninia missão mak atu halo advocacia no promove Justiça, paz no Respeita Direitos Humanos.

Hahu kedas iha tinan 1995 Comissão Justiça e paz halao ninia knar quase iha Timor laran tomak. Redução ba território ninia missão acontece de’it wainhira mosu tan diocese rua seluk, diocese Baucau no diocese Dili.

Depois de restauração Timor-Leste ninia independência comissão ne’e la hapara ninia serviço maibe hakasan hadiak liu tan ninia serviço hodi servi ba dame no justiça iha Timor laran tomak. Hahu iha tinan 2002 Comissão Justiça e Paz ninia serviço cobre deit iha paróquia 30 be hetan iha vigararia Dili, Ermera, Same no Oecusse. Oras ne’e iha paróquia sira ne’e comissão estabelece hotu ona ninia estrutura. Estrutura ne’e tama to’o iha mos capela sira hanesan sub-comissão. Ho dalan ida ne’e halo sarani sira bele mos sai colaborador no promotor ativo ba justiça no paz iha rai no creda Timor nian.

  • Povu Timor Leste bele moris iha cultura ida be nakonu ho dame, respeita direitos humanss, egualdade género
  • Povo sira bele hakonu sira nia necessidade básica iha sira nia moris
  • Povo hatene cuidade no respeita criatura tomak
  • Povo hatene tane as unidade ho olidaridade .
  • Pomove no oferece formação iha área justiça ho paz, direitos humanos no cuidade no haburas integridade criação nian.
  • Luta hodi defende direitos humanos no egualdade do género
  • Promove undiade no solidaridade
  • Ofrese oportunidadeba Povo sira hotu atu hetan sira nia necessidade básica.
  • Atu pomove dignidade humana tuir princípios Doutrina social da Igreja.
  • Halo educação cívica hodi haforça consciência kona ba moris la ho violência maibe moris ho justíca
  • Promove democracia no estabelidade iha povo sira nia let.
  1. Educação ba Paz
  2. Direitos humanos
  3. Movimento Social
  4. Terras e Propriedades.

Cáritas Diocese Dili serviço hahu hodi servi comunidade sira iha fulan Agosto 1976. Serviço ida ne’e hahu ho naran Delegatus Social (Delsos). Amo Bispo Dom. Martinho contacto ho Amo Bispo Sulama iha diocese visinho Atambua hodi hahu serviço social ida ne’e. situação todan bolu atenção uma creda nian atu tulun ema wain nebe hamlaha no sai refugiados iha rain rasik, balu halai ba liur tanba funu nia hahalok.

Oras ne’e Cáritas Arquidiocese Dili iha ona tinan 40 (2016).

  1. Visão

Atu Timor oan sira moris nakonu ho matak malirin (prospriedade). Iha comunidade nia let fo fatin ba vulnerável sira atu labele hela iha kotuk maibé hotu-hotu hamutuk bele contribui ba dame, serviço makas hodi aumenta ninia capacidade hodi bele foti nia rain hosi moras, kiak no beik tuir uma Creda nia hanorin.  

  1. Missão
  • La’o hamutuk ho ema vulnerável sira, ema abandonado sira hodi tulun sira labele lakon esperança ba moris ne’e.
  • Atu ema nebé kuran tulun hetan inspiração no brani luta hodi hasai an husi kiak no mukit laran.
  • Foti dignidade ema hotu nian, liu-liu marginalizado sira iha mundu ida nebé materialismo mak domina hodi integra fali sira ba domin comunidade nian no domin Aman Maromak nian.
  • Hatudu katak Maromak mak domin, no ita hotu mak sai sasin ba domin ida ne’e hodi serviço no servi malu nafatin.
  1. Objetivo
  • Atu paróquia ida-idak husi cooperação Cáritas Arquidiocese Dili nian bele tau matan ba ema vulnerável sira iha sira nia paróquia.
  • Atu vulnerável sira bele hetan dalan hodi tulun an, no ikus mai nia mos iha atenção boot ba ema vulnerável seluk.
  • Respeito tebes ema vulnerável sira hodi mos mantein ligação direta ho sira
  • Atu Cáritas Arquidiocese Dili nudar instituição eclesial ida labele depende de’it ba doadores, maibé buka atu sustenta an ho kbi’it nebé iha tuir necessidade rai laran.
  1. Grupo Tarjeto
  • Kiak iha saúde: HIV/SIDA, TB, Leproso.
  • Eco farm. Ida ne’e liga ho desastre naturais, mudansa climática, malnutrição.
  • Faluk, orfanato, deficientes no sira nebé ema husik hanesan tráfico humano.
  • Pastoral social economia hodi tulun povo sira poupa ba sira nia future. Iha ne’e hahu ho crédito união (CU).

Diretores sira Caritas Diocesana Diocese Dili nian

10 Diretór: Leão da Costa (1976-1981)

20 Diretor: Pe. Jose Alvaro Monteiro (1982-1987)

30 Diretor: Amo Leão da Costa (1988-1993)

40 Diretor: Pe. Francisco Barreto (1996-2000)

50 Diretor: Senhor Rogerio dos Santos (2000-2004)

60 Diretor: Me. Idalia, H. Carm (2005-2009)

70 Diretor: Pe. Evaristo da Costa (2009-2010)

80 Diretor: Pe. Adriano Ola Duli (2011-2022)

90 Diretor: Pe. Bernardo Pereira Domingues Paiva (2022-)