DCAD (3.8.2026): Eminência Dom Virgílio Cardeal do Carmo da Silva hodi relata informação atuis no serviços preparativos sira ba Transladação Prelados Restos Mortais Bispo nain tolu nian mai Timor-Leste wainhira dadalia iha Mini Estúdio Comsos Arquidiocese Dili nian.
Iha biban ne’e Dom Virgílio Cardeal haktuir katak, Liga ba Dom Alberto Ricardo nian, atividade ba missa, veneração no reza terço cada paróquias to’o dia 30 de Agosto lokraik sei iha atividade hodi hatama ninia urna ba iha caixão nebé prepara hafoin sei halo velada ikus nian. Depois 31 dader sei iha missa no hafoin de missa ita sei halo procissão hodi lori Dom Ricardo nia ruin ba Tasi tolu tamba dia 1 se setembro ne’e restos mortais to’o ona mai sei concentra hotu iha Tasi-Tolu
Hare ba transladação restos mortais bispos nain tolu nian, Dom Virgílio Cardeal hatete, Hafoin de missa despedida de agradecimento ba igreja Portugal nian, iha dia 19 de agosto restos mortais entrega ona ba agéncia nebe governo contrata atu nune’e agéncia halo preparação hodi translada mai iha Timor no sei too iha timor iha dia 1 de setembro.
Liga ba iha recessão sira wainhira restos mortais too mai iha dia 1 de setembro, Dom Virgílio tenik tan katak, parte governo mak sei organiza no simu hahu husi aero porto liu husi onra sira no sira lori mai entrada Uma laku nian molok tama ba fatin esplanada hodi entrega official ba Igreja hafoin hodi halo procissão ba iha fatin esplanada Tasi Tolu nian.
Ligado ho Monsenhor Martinho ninia visita sira Dom Virgílio esplica; iha dia 2 dader Monsenhor Martinho ninia restos Mortais sei lori kedas ba iha paróquia Laleia to’o dia 3 de setembro fila-fali mai Manatuto tamba onra nebé governo atu fo ba Monsenhor Martinho sei halo iha Manatuto nomos hodi inaugura ponte Manatuto ne’e hodi tau naran Monsenhor Martinho. Nia hatutan; Hafoin kalan ida iha Manatuto no dia 4 fila fali mai Tasi-Tolu. Iha dia 5 de setembro Monsenhor Martinho sei ba visita ninia residência iha Lahane depois iha missa ruma hafoin lokraik lori hikas ba Tasi-Tolu. Nune’e mos kona ba Dom Jaime nian katak dia 5 de setembro Dom Jaime ninia restos mortais sei lori ba ISFIT hafoin lokraik lori fali ba Tasi-Tolu.
Ne’e ba iha Dom Jose no Dom Ricardo ninian nebe la lori sai sei nakloke ba sarani sira hodi ba visita no velada. Tamba hafoin de Dom Jaime no Mons. Martinho too fila fali ba Tasi-Tolu hahu husi 5 to dia 9 de setembro ita sei realiza programas sira nebe comissão traça ona atu nune sarani sira husi diocese tolu nian inclui instituiçãi hotu-hotu atu bele visita hodi fo homenagem nunee too dia 10 dader hahu taka hodi preparação ba missa encerramento iha tuku 5 lorokraik no depois de missa hodi lori sira nia restos mortais mai iha Catedral hodi haloot.
Dom Virgílio hateten, Bispo nain 4 ne’e ninia contribuição boot tebes ba iha rai ida ne’e tamba ne’e mak ita nia Primeiro Ministro hakarak hari Monumento ida hodi reconhece bispo sira, amululik sira religiosos no religiosas sira nebe contribui on aba nação ne’e ninia independência. Tamba ne’e governo hamutuk ho Igreja hakarak halo evento ida ne’e hodi dignifica sira nia contribuição. Tamba ne’e ho sira nia presença ne’e bele lori matak malirin liu tan ba rai ida ne’e, karik durante ne’e iha fukun ruma ita halo hasoru sira no ita husik no rai hela to’o oras ne’e karik, aproveita opurtunidade sira nia presença ne’e atu ita reconhece ita nia hahalok ruma nebe ita halo karik contra sira, atu ita reconcilia hodi Hadia ita nia an, Hadia ita nia moris, Hadia ita nia instituição sira.
