PARÓQUIA NOSSA SENHORA DA GRAÇA METINARO

KRONOLOGIA BADAK IGREJA METINARO TUIR FIAR SARANI SIRA NIAN

 (HAKTUIR HUSI YANTO DA COSTA MATOS)

Paróquia Metinaro hahu ho capela kiik ida iha tinan 1963. Iha capela ne’e rasik antes hari ho sarani nain 7 de’it maka hanesan; Domingos, Agapito Fernandes, Madalena Rosa, Manuel Oliveira, Francisca no Cesar Agosto Oliveira.

Iha tinan 1963, Domingos hanesan guarda fio recomenda ba Secretário Estado do Mar husi Espanha, nebe visita liurai sira iha Paróquia Laclo, atu António Guterres sai nudar Catequista hodi tau matan ba sarani iha Metinaro.

Iha tinan 1965 Capela Metinaro trasnforma ba Estação ho ninia Padroeiro São Francisco Xavier.

iha tinan 1967-1983, Estação São Francisco Xavier transforma fali ba Estação Missionário ho ninia Padroeira Nossa Senhora da Graça.

Iha tinan 2015, Estação Missionária Nossa Senhora da Graça Metinaro hetan despacho husi Diocese de Dili atu nakfilak ba Quase Paróquia.

Iha loron 15 dezembro 2015, Quase Paróquia Metinaro hetan despacho husi Diocese de Dili atu nakfilak an ba Paróquia ho ninia mahein Nossa Senhora de Graça ao mesmo tempo Dom Virgílio do Carmo da Silva inaugura Igreja foun Metinaro.

Antes atu sai Paróquia, sarani no grupo Categoriais iha Estação Missionário nee ladun participa diak basá preucupa liu ho sira nia moris lor-loron nian. Liu tiha tinan barak nia laran, muda husi Estação Missionário ba Quase Paróquia, sarani sira quase ativa ona iha programa pastoral tomak.

História sifnificativo boot liu husi Paróquia Metinaro hanesan tuir mai; antes nee São Francisco Xavier mak sai nudar mahein ba sarani sira iha Metinaro. Depois de sai Estação no ba Paróquia foti hikas Nossa Senhora de Graça. Ho graça ne’e mak sarani sira uluk la conhece Igreja, sira nebe gentio, sira nebe uluk iha religião seluk, nakfilak an ba Igreja ida ne’e.