DCAD (22.10.2026) Santo Padre Papa Leão XIV haktuir lia hirak ne’e iha início de abertura Inscrição Jornada Mundial Juventuda nian nebé sei raliza iha Coreia do Sul “Seul” hahu husi loron 3 too loron 8 fulan Agosto 2027 ho ninia tema “Imi aten Barani ba! Basá hau Manan tiha Mundo” Jo. 16.33
Iha início de abertura Inscrição Jornada Mundial Juventuda nian ne’e Santo Padre convida foin-sa’e sira hosi mundo tomak atu hola parte iha evento iha Seul, Loron Mundial Juventude dahuluk pontificado Leão XIV nian no nia husu atu iha peregrinação ida ne’e, imi (foinsae sira) sei lori buat hotu nebé imi iha no buat nebé imi rai hela iha imi nia fuan inclui imi nia mehi sira, desejos no esperanças, no mos imi nia kanek no dificuldade sira hodi hasoru malu ho Maromak”
“Ha’u nia belun foinsae doben sira, ohin, ho abertura inscrição Jornada Mundial da Juventude nian, hau convida imi hotu ho laran tomak atu mai iha Seul. Ne’e laos deit apenas convite ida hodi visita cidade furak ne’e, maibe nudar apelo ida hodi bolu ita ba peregrinação fé, amizade no esperança nian.” Tenik Pontífice
Ligado ho peregrinação ne’e, Pontífice acrescenta katak, ida ne’e laos atu ita descobre kona ba vida cristão nian iha fatin refere, maibe atu ita fo biban no espaço hodi ita hasoru malu ho Maromak klean liu tan, tanto pessoalmente quanto iha vida dinâmica Igreja nian. No buat nebe mak sei mosu iha Seul ho presença foinsae sira mundo tomak nian, sei permite sira atu haburas sentido unidade nian nebé klan liu tan no hametin liu tan sira nia fiar. Além ne’e, Leão XIV ho ksolok boot hein katak “foinsae sira sei cria hela lembranças ksolok no hari hela amizades nebé que dura iha sira nia moris tomak “.
Iha loron nebé hili ba início inscrição nian ne’e, 22 de outubro, celebra mos memória litúrgica de São João Paulo II nian. Papa cita liafuan famoso husi nian predecessor nebé dehan – “KETA TA’UK. Loke Odamatan ba Cristo” ho liafuan hirak hodi encoraja juventude católica sira atu sira bele kuda hela iha sira ida-idak nia laran. Iha peregrinação ida ne’e, husu atu imi ida-idak lori buat hirak nebé imi rai hela iha imi laran, liu-liu imi nia mehi, desejos no esperanças, nune’e mos imi nia dificuldade no kanek sira”.
“ha’u ansioso teb-tebes hakarak hare imi iha Seul”, ho ida ne’e Santo Padre concluiu hodi haraik bênção apostólica no fo hanoin nafatin ba sira katak Na’i bolu ita ida-idak atu hamoris fila fali ita ninia esperança hodi hetan moris ksolok plenitude nian.
Tema ba Loron Mundial Juventude nian iha Seul nian maka “Aten barani ba: ha’u manan ona mundo!” (João 16:33), no evento neʼe sei halaʼo iha loron 3 toʼo loron 8 fulan Agostu tinan 2027, iha capital Coreia do Sul nian.
