DCAD – (DILI, 07-10-2024) – Iha loron 5 outubro tinan 2024 foin lalais nee, Congregação Canossiana iha timor leste liburan hamutuk iha Catedral Villa Verde Dili hodi encerra jubileu tinan 250 Santa Madalena nian ho missa ação de graça. Celebração eucarística Jubileu tinan 250 Santa Madalena de Canossa nian nee preside husi Presidente Conferência Episcopal Timorense (CET) e Bispo da Diocese de Maliana Dom Norberto do Amaral, hamutuk ho padre concelebrantes sira.
Iha missa ação de graça nee Dom Norberto iha ninia reflexão toca liu ba lalaok moris Santa Madalena nian kona ba domin.
“Trigo musan nebé monu ba rai nia la mate karik hela mesak maibe mate karik sei fó fulin barak temque mate hodi fó fuan barak nee husu ba ita atu renuncia buat mundo raiklaran nian hodi kaer didiak moris ida nebé Jesus fó ba ita katak hewai buat nebé satan ita ho Jesus. Buat ne’e depende bai ta ida-idak nia hahalok no liafuan iha nia moris lor-loron nian”.
Bibiatan nee husu ba Comunidade canossiano e canossiana sira tomak atu nafatin ba nati tuir nafatin Santa nia lalaok moris nian hodi servi Maromak.
“Ne’e mak domin ida nebé Santa Madalena nebé nia festa moris nian nia celebra 250 anos nia bendito, nia diak hotu-hotu, la kuran ba buat ida, nia husik buat hotu nee katak husik nia palácio hodi sai ba karik hodi hamutuk ho povo ida nebé kiak no kiik hodi hatudu nia domin ba ema sira; hadomi emak kiak no kiik nee hanesan hadomi Jesus rasik, hodi halo tuir Jesus nia liafuan tomak ba ema nebé kiak no kiik”.
Bibiatan ne’e sublinha: Nia hari congregação Canossiana nebé mak hili Filha de Caridade sira sempre os pobres atu oan sira bele ba nati tuir buat nebé nia rasik halo iha nia moris tomak. Mai ita reza ba Congregação Canossiana atu Na’i Maromak haraik graça no bênção ba santa prudente oan sira nebé namkari iha rai tomak atu sira bele hetan tulun husi Na’i Maromak hodi halao didiak sira nia missão nebé Na’i Maromak haraik ba sira ida-idak nia liman laran hodi rai firme iha sira nia laran domin mak importante liu buat hotu-hotu ba moris diak iha Na’i Maromak nia graça no bênção.
Iha biban agradecimento nian Pe. Clemente hanesan concelho geral Canossiano iha Timor Leste representa família carismático canossiano, madres canossiana província São José, irmão no padres canossianos iha Timor hakarak agradece ba Maromak ba graça moris, charisma no espiritualidade liu husi Santa Madalena de Canossa nian iha santa creda no mundo.
“Iha dia 29 de abril 2024 hamutuk ho família carismático canossiano husi mundo tomak ba hasoru Amo Papa iha Vaticano no Amo Papa hato’o mensagem nebé dehan; canosiano e canossiana sira ohin loron atu hare no aprende husi Santa Madalena inan fundadora matan nebe contempla Cristo cruxificado ho domin nebé la nahas, Maromak nia domin nebe boot teb-tebes no liman nebé nakloke hodi simu kiak, kiik sira ohin loron nian, hodi nune’e bele fiel nafatin ba dalan espiritual nomos charisma Santa Madalena nian.”
Participa iha celebração eucarística encerramento Jubileu tinan 250 Santa Madalena de Canossa nia moris nee, Dom Norberto do Amaral, vigário gerais, nailulik sira, madres husi congregação oi oin, sarani sira.
