25.4 C
Díli
Sexta-feira, Julho 12, 2024
No menu items!
spot_img

Dom Virgílio Cardeal Inaugura Edifício Foun iha SENOFA

DCAD (19 de Janeiro 2024) Arcebispo Metropolita de Dili Dom Virgilio Cardeal  do Carmo da Silva SDB sexta-feira semana ne’e inaugura edifício foun “Cove house” iha Seminário Menor Nossa Senhora de Fátima (SENOFA) Balide Dili. Edifício ne’e hahu nia lançamento primeira pedra iha loron 19 setembro 2023 nebé responsabiliza hosi compania LEVI ho orçamento hamutuk dolar rihun sia nulu resin rua, atus lima ($92.500.00) no finaliza nia construção iha fulan Janeiro 2024 no iha loron 19 janeiro. Cove hause ne’e rasik completa ho sala 3 hanesan; sala de Música, sala de Multimédia no sala de Biblioteca hodi bele completa facilidade ba ensino Secundária tanba seminário além de Casa formação ba Nailulik maibe nia realidade ida seluk mos hanesan ensino secundária.

Iha ambienta inaugaração ne’e Arcebispo Arquidiocese Metropolitana de Dili Dom Virgilio do Carmo da Silva,SDB nia mensagem ba seminarista sira, educadores sira no inan aman sira atu hatene agradece ba graça nebé Maromak haraik mai ita.

“Ita agradece ba di’ak tomak nebé Na’i Maromak haraik hela ba ita, fo tan oportunidade ida ne’e ba ita ba tinan 2024 nian, nakloke ba buat barak maibe sei acontece iha tinan ida ne’e liu-liu imi sira nebé mai buka matenek, forma imi nia an, ba imi sira nebé foin mak tama iha SENOFA ne’e, mai ho visão ida, objetivo ida, ne’e duni tau iha imi nia neon katak fatin ne’e laos escola secundaria bai-bain, nebe laos mos hanesan pre-universitario nebe aas liu maibe aprende iha fatin ida ne’e hodi imi mos bele descobre Maromak ninia bolu, dehan Arcebispo Arquidiocese Metropolitana de Dili”.

 Além de ne’e Reitor SENOFA, Padre Natalino Soares iha ninia intervenção hateten “agradese ba Sua Eminência Dom Virgilio Cardeal ninia disponibilidade hodi fo bença ba edificio foun nebé mai duni husi Sua Eminência nia fuan, domin ba cada informação sira hodi aceita halo construção ba sala tolu; sala aprendizagem, sala música no sala curso ninian no mos sala kiik ida  ba equipa currículo ninia office. Total orçamento nebe utiliza ba edificio foun ne’e hamutuk dolar rihun sia nulu resin rua, atus lima ($92.500.00) nebé lança iha fulan setembro 2023 nian no ohin bele utiliza ona tanba iha esforço maka’as ba serviço nian hosi compania nebé contrato ba.

Iha sorin seluk Padre Natalino Soares Agradese mos ba inan-aman sira hotu nia colaboração, participação no apoio ba casa formação ida ne’e, ba oan sira nia di’ak, serviço hamtuk mak sei bele transforma oan sira nia mentalidade.

Participa iha inauguração ne’e, Arcebispo Metropolita de Dili Sua Eminência Dom Virgilio Cardeal  do Carmo da Silva SDB, Reitor Seminário Nossa Senhora de Fátima Pe. Natalino Soares, Padres, Madres, Frater, Seminaristas, Professores, ina-aman, inclui convidado sira.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles