DCAD (Vaticano, 22 de Janeiro 2024) Sua Santidade Papa Francisco simu Presidente da República Democrática de Timor Leste Senhor José Manuel Ramos-Horta iha Palácio Apostólico Vaticano nian, iha segunda-feira ne’e hafoin Papa remata audiência ho Cardeal Secretário Estado, Pietro Parolin no Secretário Relações Estado e Organismos Internacionais, Arcebispo Paul Richard Gallagher iha Vaticano-Roma.
Tuir informação nebé Vatican News fo sai katak Secretária Estado destaca kona ba relação di’ak entre Santa Sé no Timor-Leste no contribuição nebé Igreja católica oferece loron-loron ba país ne’e, katak iha relação di’ak ho autoridade sira. Tuir kedas mai parte rua ko’alia hodi sublinha liu aspecto balun kona ba situação econômica no social nação ne’e nian, hanesan problema nebé mosu tanba causa hosi mudança climatica iha região sira.
Durante encontro entre Papa Francisco ho Presidente José Manuel Ramos-Horta hahu hosi tuku 10:15 no remata iha tuku 10:50 horas Vaticano nian, hodi troca opinião sira kona ba situação internacional no regional ho referência nação sira iha Sudeste Asiático nian.
Iha sorumutu entre Papa no Presidente RDTL ne’e aproveita kedas oportunidade hodi troca presentes ba malu, Santo Padre oferece ba senhor José Manuel Ramos-Horta estatua bronze ida nebé representa fraternidade, documentos Papa nian kona ba Mensagem ba Paz tinan ida ne’e nian, além de ne’e iha mos livro kona ba Aparamento Pontifício nian nebé editado hosi LEV.
Representante Timor oan nian ne’e, Senhor José Manuel Ramos-Horta oferece mos presente ba Sua Santidade tais Timor ida ho imagem pintura artesão local Papa Francisco nian, Rosário ho fatuk sândalo, café local nebé ho qualidade as iha mundo, nebé nia fuan laku sira bele han (didelfiídeos (Opossum), oferece mos documento kona ba fraternidade nian nebé asina hosi Parlamento Timor-Leste. Lider Nobel da Paz Timor nian ne’e husik Palácio Apostólico iha horas tuku 11:00, horas Vaticano nian
Vatican News mos fo sai kona ba sensus população Timor iha tinan 2010 nian nebé população 96,9% maioria Católica Roma; Protestante ou Evangelicalismo 2,2%; Muçulmano 0,3% no religião seluk ou gentio 0,5%.
