26 C
Díli
Quarta-feira, Julho 24, 2024
No menu items!
spot_img

Na’i Maromak bolu hikas ona Pe. Ildefonso Xavier ba Nia Kadunan Santo

DCAD (Dili, 25 de Janeiro 2024); Grande Maestro da Música Liturgista iha Creda Timor nian Pe. Ildefonso Xavier fila hikas ba Aman Maromak nia Kadunan Santo iha loron Quinta dader loron 25 Janeiro 2024, tuku 7:45 (otl)  iha Hospital Guido Valadares Dili (HNGV) tanba sofre moras Diabetes (ran Midar).

Pe. Ildefonso Xavier consegue hala’o tratamento quase fulan tomak ida iha Hospital boot Guido Valadares Dili atu Doutor sira trata ba ninia moras. Masque dotores hakasan ho meios no alternativas oi-oin hakarak atu Pe. Ildefonso bele recupera hikas fali hosi nia moras, maibe labele tanba moras nebé nia hetan liu ona nia capacidade isin nian ka grave. Tan ne’e iha loron quinta feira dader Grande Maestro timoroan ba Música Liturgista iha Creda timor Pe. Ildefonso termina nia peregrinação iha mondu ne’e “mate”.

Pe.IIdefonso Xavier moris iha loron 17 Maio 1952 iha Dug-Hau, Suco Luga-Tu, Distrito de Ainaro. Oan hosi Adelino dos Reis e de Adelina Xavier, Processo estudo sira hosi primeira Classe too Quarta Classe hala’o iha timor ainaro no Soibada no Seminário Dare. Hafoin tinan barak nia laran halao nia curso sira iha área Música liturgia nian iha Portugal  too hetan; DIPLOMA DE BACHARELATO PRE-BOLONHA-1990 iha  área de Música – Composição Geral) no DIPLOMA DE ÓRGÃO LITÚRGICO -1998 Iha área de Liturgia – Órgão B. La to’o ne’e de’it, maibe iha tan curso música liturgia nian nebe nia halo tan iha Portugal.

Pe.IIdefonso Xavier mos sai organista ba iha Seminário Maior de S. Pedro e S. Paulo Braga, Portugal iha tinan 1973-1978. Nomeado mos hanesan Organista official ba Diocese de Viana Castelo, Portugal, desde 1993-2023. Direge grupo coro barak iha Portugal.

Matebian Pe.IIdefonso Xavier mos sai nudar Professor provisório de Educação Musical iha Melgaço, Portugal, iha tinan 1982-1988.

Iha tinan 2005,  hahu hanorin Educação Musical iha Seminários Maior de S. Pedro e S. Paulo no Seminário Menor de Nossa Senhora de Fátima, Díli, Timor-Leste, tanba pedido hosi D. Basílio do Nascimento, Administrador Apostólico da Diocese de Díli altura neba. Além de hanorin educação Música Matebian Pe.IIdefonso Xavier mos

Hanorin português iha Seminário Maior de S. Pedro e S. Paulo, nune’e exerce mos cargo de professor de Disciplina, durante o Reitorado Pe. Domingos Alves da Costa, primeiro Reitor do ISFIT altura neba no sai hanesan equipa formador iha Seminário Marior.

 Iha tinan 2022-2023,  primeiro semestre, exerce nia cargo de professor de português ba primeiro ano de filosofia iha ISFIT e universidade católica de timor no dedicar  música em geral no música litúrgica em especial.

Matebian Pe.IIdefonso Xavier mos Hakerek no publica antologia musical intitulada “Kreda Hananu” no Salmos Responsoriais “Mai Ita Hananu Salmos Responsorias” hodi fahe tuir ano Litúrgicos A-B-C.

Iha loron 25 Janeiro 2024 Na’i Maromak bolu hikas ona Pe. Ildefonso Xavier ba Na’i Maromak nia Kadunan Santo iha tuku 7:45 (otl) iha ICU  Hospital Guido Valadares Bidau, Dili. Oras ne’e dadaun mate isin Pe. Ildefonso tranlada ona ba Catedral Dili hodi missa no velada tuir Paróquia sirato’o aban loron 26 janeiro, tuku 2:00 (otl) taka ho missa funeral nebe sei preside hosi Arcebispo Arquidiocese Metrolitana de Dili Dom Virgílio Cardeal do Carmo da Silva, SDB iha SÉ Catedral Dili. Hafoin de missa sei translada no funeral iha Cemitério dos Padres Maloa Ailok-Laran Dili.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,080InscritosInscrever

Latest Articles