25.4 C
Díli
Sexta-feira, Julho 12, 2024
No menu items!
spot_img

Pe. Ildefonso nia Isin mate Halo’ot ona iha Cemitério dos Padres Maloa Ailok-Laran Dili

DCAD (26 de Janeiro de 2024); Grande Maestro da Música Liturgista iha Creda Timor nian Pe. Ildefonso Xavier nia isin maten sexta nee (26/01) depois de missa Funeral halo kedas tranladação ba iha Cemitério Nailulik sira nian iha Maloa Ailok-Laran Dili hodi halo processo Fúnebre ba Maktoban Maestro da Música Liturgista iha Timor Pe. Ildefonso Xavier.

Missa Funeral nee preside hosi Arcebispo Arquidiocese Metropolitana de Dili Dom Virgílio Cardeal do Carmo da Silva, hamutuk ho Concelebrante sira Bispo da Diocese Maliana e Presidente Espiscopal Timorense Dom Norberto do Amaral no Bispo da Diocese de Baucau Dom Leandro Maria Alves, Padres hosi Arquidiocese Dili, Diocese Baucau no Maliana inlcui colega Padre nebé uluk halao estudo hamutuk ho matebian Pe. Ildefonso Xavier, iha Portugal hanesan Pe. Domingos Alves no Padre Domingos Soares (Amo Maubere).

Iha missa Funeral ne’e Pe. Domingos Alves hanesan belun diak be lori reflexão iha missa ikus nee hato’o nia sentimento triste no apreciação ba Maktoban Padre Ildefonso.

 “ Wainhira rona Amo Ildefonso laiha ona hau sente triste tebes, hanoin fali momento sira ami iha Portugal. Amo Ildefonso, ema nebe maka tau concentração makas ba iha música liturgico, wainhira sei iha seminario Dare, nia toka ona piano para ami canta iha Missa” Dehan Padre Domingos Alves.

Entertanto Arcebispo Arquidiocese Metropolitana de Dili, Dom Virgilio Cardeal do Carmo da Silva iha nia discursso, hato’o agradecimento nebe klean ba Maktoban Padre Ildefonso  no mos ba Amo matebian nia familia.

“lori hau atan nia naran rasik hakarak hato’o agrdecimento ba Padre Ildefonso ba ninia dedicação tomak ba Creda Timor, liu-liu iha parte música liturgico e desculpa mos karik durante iha buat ruma ladun diak iha ita nia hamutuk sira no agradece mos ba Amo nia famillia no desculpa” dehan Dom Virgílio Cardeal

Hola parte iha Missa Funeral Grande Maestro da Música Liturgista iha Creda Timor nian Pe. Ildefonso Xavier nian ne’e  Arcebispo Arquidiocese Metropolitana de Dili Dom Virgílio Cardeal do Carmo da Silva, Bispo da Diocese Maliana e Presidente Espiscopal Timorense Dom Norberto do Amaral no Bispo da Diocese de Baucau Dom Leandro Maria Alves, Padres hosi Arquidiocese Dili, Diocese Baucau no Maliana, Religiosos e religiosas, Frater no sarani sira no família boot husi matebian Pe Ildefonso Xavier.

Grande Maestro da Música Liturgista iha Creda Timor nian Pe. Ildefonso Xavier fila hikas ba Aman Maromak nia Kadunan Santo iha loron Quinta dader loron 25 Janeiro 2024, tuku 7:45 (otl)  iha Hospital Guido Valadares Dili (HNGV) tanba sofre moras Diabetes (ran Midar).

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles