DCAD (DILI, 30 de Janeiro 2024) Magno Chanceler Universidade Católica Timorense (UCT), Dom Virgílio Cardeal do Carmo da Silva SDB ohin loron Segunda, 30 de Janeiro 2024 hamutuk ho Magnífico Reitor Frei Joel Casimiro Pinto, OFM no diretiva tomak Universidade Católica Timorense nian fó posse ba estrutura diretiva universidade nian balu iha Salão Nobel da Paz UCT Balide Dili Timor-Leste.
Atividade tomada de posse ba estrutura diretiva Universidade nian mak hanesan Decanos, Administrador Geral, Vices Reitores inclui docentes no seluk tan iha Universidade halo hodi completa requesitos no necessidade sira Universidade nian inclui mos hatan ba pedido ka exigência hosi Agência Nacional de Avaliação da Acreditação Académica (ANAAA) nian .
Iha intervenção Arcebispo Arquidiocese Metropolitana de Dili Sua Eminência Dom Virgílio Cardeal do Carmo da Silva SDB nian ba Orgão Diretiva Universidade Católica Timorense nian katak, “objetivo hosi posse ba diretivas foun no docente sira iha UCT ne’e atu fó apoio do serviços ida nebe di’ak liu no qualidade ba Universidade Católica Timorense nian no
objetivo ida seluk mak atu hatan ba pedido ka exigência hosi Agência Nacional de Avaliação da Acreditação Académica (ANAAA) nian nebe hameno desde 2021 kona ba Avaliação ba Acreditação Instituicional nian nebe sei acontece iha tinan ida ne’e, desde que Ministério do Ensino Superior fó licença ba UCT atu hahu ninia primeira operação académica nian”.
Iha ocasião ne’e mos Magnifico Reitor Frei Joel C. Pinto halo mos exoneração ba membro diretiva balu universidade nian ho razão atu ba continua sira nia estudos iha rai liur hodi nune’e iha futuro fila fali mai bele fó assistência dos serviços nebe efetivo liu tan ba Universidade Católica ida ne’e nian.
Participação iha tomada de posse ne’e mak hanesan Magno Chanceler, Magnifico Reitor, Vice Reitores, Diretores dos Departamentos no docente sira.
