23.6 C
Díli
Sexta-feira, Julho 12, 2024
No menu items!
spot_img

Tema Pastoral Arquidiocese de Dili 2024 “Pessoa Eucarística e Pessoa Ecológica iha Espírito Bom Samaritano Nian”

DCAD -(08/02/2024) EUCARÍSTIA E ECOLÓGIA : Pessoa Eucarística e Pessoa Ecológica Iha Espírito Bom Samaritano nian (Lc. 10:29-37) sai tema Pastoral Arquidiocese Dili ba tinan 2024. Tema Pastoral ne’e hili liu hosi Assembleia Geral Arquidiocese de Dili iha loron 7 fulan Novembro tinan 2023 iha Salão Lecidere – Dili.

Iha dadalia ne’e Pe. Juvito Rêgo de Jesus Araújo hanesan Vigário Episcopal Assunto Pastoral Arquidiocese Dili nian hateten, tema pastoral tinan ida ne’e (2024) EUCARÍSTIA E ECOLÓGIA : Pessoa Eucarística e Pessoa Ecológica iha Espírito Bom Samaritano nian (Lc. 10:29-37).

Tema ida ne’eba terceiro ano ona mak ita implementa temática boot ida ne’e. Primeiro ita implementa ona kona ba Eucaristia ho Ecologia; Segundo ano nian ita ko’alia kona mos ba Pessoa. Ne’e duni, ita la ko’alia de’it ba sasan, maibe Eucaristia hanesan celebração litúrgica ida, paixão, morte no ressureição Jesus Cristo nian, haktuir Pe. Juvito Rêgo de Jesus Araújo iha talk show Bíblia iha mini estúdio Centro Televisivo Arquidiocese de Dili Câmara Eclesiástica Lecidere Dili Piso 3 iha loron 8 Fevereiro tinan 2024”.

Pe. Juvito Rêgo hateten,equipa pastoral Arquidiocese Dili hare katak, iha Bom Samaritano nian ne’e iha hahalok sanulu resin tolu iha nebé exprime iha verbo sira texto ida nia laran faseadamente ne’e bele lori ema tama kle’an atu nune’e bele halo buat ida be Eucaristia ho Ecologia ne’e sai tebes parte vida sarani sira ninian. Espíritualidade ida nudar vínculo ka norma ida nebé ema sarani sira precisa implementa ho hahalok, ho atitude comportamento bom samaritano nian ne’e tanba iha nebá hateten nune’e; samaritano nebé liu husi nebá haré tiha ema ne’e, nia hanoin nia teb-tebes. Samaritano ne’e hakbesik ba ema nebé monu ba ema naokten sira liman hodi tau mina ho tua ba nia kanek sira hodi falun sira, hafoin foti ema ne’e ba nia kuda rasik no lori nia ba uma ida hodi tau matan ba nia. Loron tuir mai nia hasai osan rua hodi fó ba uma nain dehan; haré nia didiak no buat nebé ita gasta ha’u sei selu wainhira ha’u sei fila mai. ne’e katak atitude sira iha progressividade ida ético nebé lori ema ne’e ba to’o iha finalidade ida katak ema nia hahalok ida nia halo ne’e tem que realiza tanba buat hot-hotu nebé ita halo ne’e hakarak atu ba bem estar ema nian.

Liga ba mentalidade timor ninian, Pe. Juvito haktuir, ita tem que hanoin positivo katak Timor ne’e sei iha esperança ba futuro.

“Dala barak ne’e ho mentalidade nebé ita começa tradicionaliza, institucionaliza buat nebé la di’ak katak ema balun hanoin de’it atu hari maibe balun hanoin atu hakanek nafatin, harahun nafatin, tanba ne’e atu sai ema eucarística ho ecológica precisa ecologia ida nebé iha fuan, iha neon, iha hanoin, iha hahalok, buat sira ne’e mai hosi Eucaristia nebé tem que aprende. Ha’u fiar katak ho tema ida ne’e ita sei la hakanek tan natureza tanba ne’e obra Maromak ninian nebé Maormak halo ho domin tem que hare katak Maromak halo buat hotu iha nebá iha vantágem ba ema, ema hanesan ida nebé Maromak cria nia ho natureza ida, ne’e duni ita estraga ida ne’e hanesan ita estraga ita nia an, ita oho natureza hanesan ita oho ita nia an, tenik Pe. Juvito Rêgo”.

Iha biban hanesan Pe. Cirilo dos Santos Maia hanesan Diretor Comissão Juventude Católica Arquidiocese Dili (COJUCAD) reforsa mos katak tema pastoral iha tinan ida ne’e lori duni moris ida, fo inspiração ida katak ita precisa espiritualidade bom samaritano ninian.

“Liga ho Espiritualidade Bom Samaritano nian ho mundo ohin loron nian ne’e katak ita precisa hatudu ita nia solidariedade ida nebé íntimo atu tau matan ba ema sira nebé iha problema, atu cura ema sira nebé iha moras. Liga karik ho foinsae sira ha’u bele dehan aimoruk ida nebé bele cura jovem sira nia moras mundo ida ohin loron nian ne’e mak atitude moral, reconsiliação, conversão dos pecados, haktuir Pe. Cirilo dos Santos Maia”.

Relaciona ho atitude oinsa atu cuidado natureza tuir tema Pastoral nian, Diretor COJUCAD iha ninia afirmação katak ita precisa halo mos curativo ba natureza tanba problema iha contexto Timor-Leste ne’e nian mak comportamento humano.

“Ha’u hanoin dalan ida nebé mak atu buka solução ba problema comportamento humano ne’e é formação contínua liu hosi consencialização ba família, tanba família mak sai hanesan centro ou núcleo ba educação bele transforma comportamento humano ne’e quando iha colaboração. Precisa mos ita nia fuan ida nebé iha sentido de pertence atu nune’e ita iha espírito nafatin hola imagem bom samaritano nian hanesan ohin dehan ona katak ema soe foer arbiru então ida ne’e precisa formação contínua atu nafatin motiva ema hodi bele compreende kona ba natureza lolos ne’e ema  nian liu-liu ema hanesan imagem Maromak nian atu bele cuida fali natureza ida ne’e; nebé, oras ne’e fo moris ba ita, ne’e duni ha’u nia hanoin dalan ida nebé di’ak liu mak ita precisa formação contínua ho presença direta atu nune’e hatudu duni sasin ida nebé hanesan profetico lori sira didi’ak hodi compreende kona ba moris ida nebé ita hakarak hot-hotu atu combate ne’e quando ita sai sasin la’os ho liafuan de’it maibe hanoin mos ho hahalok tenik Padre Cirilio dos Santos”.

Iha sorin seluk Sr. Alexandre Bruno Sarmento hanesan Diretor Executivo Fundação Carbon Offset TL hateten katak se ita taa ai ida significa ita hakanek ona natureza maibe se ita kuda fali ai ida significa ita curativo ona natureza.

 “Ami nia princípio orientador ida iha organização mak ne’e reconsiliação entre homens e natureza. Ne’e katak reconsiliação ne’e la’os de’it ema ho ema tanba ne’e mak ami hare kuda aihoris ne’e hanesan atividade reconsiliação ida e mos atividade bom samaritano nian ida tanba ita hare planeta ne’e kanek no ita simu ida ne’e hanesan convite ida atu cura kanek ne’e liu hosi kuda fali ai oan”.

Liu tan ne’e Diretor Executivo Fundação Carbon Offset TL nee afirma katak ema nia fiar iha criação Na’i Maromak nian sai ponto central ida hosi atividade nebé halo. “Ita hatene katak Eucaristia mai hosi liafuan grego ‘agradecimento’ então iha espírito de reconsiliação ho natureza ne’e ita mos bele dehan é uma ação de agradecimento tanba natureza ne’e bele existe sem ita mais ita labele existe sem natureza ne’e duni ida ne’e sudah sepantasnyalah ita halo ida ne’e atu expressa ita ninia agradecimento ne’e ba natureza, ba ita nia casa comum nebé sustenta ita no iha ami nia atividade sira ne’e sempre involve comunidade sira hanesan ita hotu hatene katak população Timor tomak maioria católico nune’e ami sempre halo oração, sempre harohan wainhira kuda aihoris no sempre liga ba Maromak wainhira hala’o atividade sira. Tanba ne’e ami nia vizão longo prazo mak atu involve comunidade hot-hotu iha Timor liu-liu comunidade sira iha areas remotas atu sai ida ho sira nia ambiente não quer dizer sira labele halo exploração ba sira nia ambiente porque uma coisa imeditavel hanesan taa ai hodi tein, kee rai hodi halo estrada ida ne’e halo distruição, exploração ba ita nia ambiente  maibe depois de ida ne’e faze tuir mai ita halo mitigação katak kuda fila fali buat nebé ita halo atu selu fali atividade destritiva sira nebé halo ona iha area ida ne’e tanba planeta ne’e ida de’it nebé tulun ema moris mak planeta terra nebé ema moris ba”.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles