23.6 C
Díli
Sexta-feira, Julho 12, 2024
No menu items!
spot_img

Dom Norberto Celebra Missa Abertura Ano Acadêmico ba Seminarista Seminário Maior Fatumeta

DCAD (9 de Fevereiro 2024) Sexta semana ne’e, Dom Norberto do Amaral atual Presidente CET e Bispo da Diocese de Maliana preside Santa Missa de abertura ano Acadêmico tinan 2024 nian ba Seminarista Seminário Maior Interdiocesano São Pedro e São Paulo Fatumeta Dili

Dom Norberto nia reflexão ba Missa de abertura ano Acadêmico nian ne’e inicia ho liafuan Jesus nian ba Apóstolo sira ba missão nian nebe dehan; Dame hela ho imi no hu iis Espírito santo nian ba sira hodi hato’o ba sira missão ida katak, missão ida nebe atu reconcilia ema ho Maromak.

“Jesus mak dame na’in, dame ida nebe lolos, hakuak ema hotu-hotu, la fihir ema ida tanto atu religião, cores no buat oi-oin maibe halibur sira hotu-hotu iha luhan ida de’it, hotu-hotu hetan fatin iha Nia fuan hodi halo ema hakmatek iha laran, moris iha hakmatek nia laran

hafoin Jesus huu iis ba sira ho Espírito nian nebe bele halo buat hot-hotu no hafoun buat foun ho início foun ida ba apóstolu sira atu bele hala’o missão ida hodi hala’o didi’ak Espírito Santo iha mundo raiklaran ida ne’e”.

Além nee bibiatan Diocese Maliana nian nee haktuir mos kona ba Dons ka Presente Espírito Santo nian; Sapiência (neontasan), Entendimento (neonnaroman), Conselho (hanorin los), Fortaleza (beran metin), Ciência (matenek), Piedade (fo laran ba Maromak) no Temor de Deus (hamtauk Maromak) nebe halibur no lori ema atu moris didi’ak;

“Espírito ida ne’e duni mak dudu apóstolo sira hodi hala’o ho didi’ak sira nia missão, kna’ar ida nebe hodi fo-an tomak ba mate, ne’e duni sira ho Espírito ida ne’e hala’o sira nia missão atu servi ema hodi reconcilia ema ho Na’i Maromak katak ba dame malu ho Na’i Maromak iha ita nia moris lor-loron nian”.

Atu remata ninia reflexão Dom Norberto nafatin motiva no encoraja seminarista sira Seminário Maior nian atu estuda didiak, moris tuir regulamentos no orienta didiak sira nia moris atu sai hanesan frater ida nebe di’ak liu iha seminário ida ne’e ninia laran nune’e bele lori claro lolos sira nia atividade nebe sira hala’o iha sira nia moris lor-loron ninian.

“Hakmatek didi’ak iha imi nia estudo nia laran par bele hala’o didi’ak imi nia estudo sira, hakmatek iha seminário ba formação nebe formador sira fo atu bele exercita imi nia an hodi sai ba di’ak no ba  mundo  iha imi nia escolha sira. Ho atitude ida ne’e, ita loke ita nia ano letivo foun nian atu hanoin hirak ne’e hotu hodi tau iha imi nia neon no laran atu hakmatek iha fatin ida ne’e atu estuda didi’ak hodi buka didi’ak, nune’e lori imi nia an didi’ak iha Maromak nia futar oin”.

Missa ne’e halao iha Capela Seminário Maior Interdiocesano São Pedro e São Paulo Fatumeta Dili nebe celebrante mak Dom Norberto do Amaral Bispo da Diocese de Maliana Atual Presidente Conferência Episcopal Timorense (CET), concelebrante sira Equipa Formadores Seminário Maior nian, participa iha Santa missa nee Seminarista sira.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles