25.4 C
Díli
Sexta-feira, Julho 12, 2024
No menu items!
spot_img

Pe. Matias Pinto,SDB:Domin Laos Hatudu iha Liafuan maibe ‘Moris’

DCAD (Quarta-feira, 14 de Fevereiro 2024) Pe. Matias Pinto,SDB be preside celebração Quarta-feira Cinzas nian iha Igreja Maria Auxiliadora dos Cristãos Comoro iha ninia reflexão hateten celebração quarta-feira cinzas tinan ida ne’e ita reflete símbolo tolu importante; Coração, Cruz no Ahi kdesan.

“Iha tinan 2018 ita celebra loron domin ho quarta-feira cinzas nian dala ida, no tinan 2024 ita celebra hikas dala ida tan loron domin no Sinzas. Tanba ne’e, iha tempo quaresma husu ba inan aman sira atu hatudu domin ba oan sira, oan sira hatudu domin ba inan aman no domin ba parseiro sira. Domin la’os ita hatudu iha liafuan de’it maibe domin nebe tem que ser halo iha moris. Domin ne’e katak halo buat nebe di’ak hanesan Maromak halo buat

barak di’ak ba ita hodi foti ita ema nebe sala na’in sai Maromak nia oan. Domin nebe Maromak halo ba ita mak domin nebe nonok no paciência nunca complain.

Padre celebrante ne’e hateten, iha tempo quaresma nia laran hamutuk ho Jesus hatudu ita nia domin ba Nia hodi participa iha Nia domin,

“Iha valentine day ninian ne’e domin nebe importante mak Maromak hamutuk ho ita, ita ho Maromak no domin ho família sira. Domin nebe laiha critéria mak domin Maromak nian ba ita, ita mos hatudu domin ida ne’e la’os aifunan de’it, la’os coklat de’it maibe domin nebe hosi fuan ho laran, tenik Padr Matias Pinto SDB”.

Reflete ba Cinzas ne’e Padre celebrante ne’e haktuir, Maromak nebe mai terus hamutuk ho ita  tanba Nia hadomi ita hodi terus no simu cruz terus to’o mate tanba Nia hadomi ita, oinsa mos ita hadomi ita nia Maromak ida ne’e ho ida nebe ita halo iha loron 40 nia laran iha ita nia jejum ba parte isin ninian no parte Espíritual ninian.

 “Iha ahi kdesan fo hanoin mai ita katak ita ema ne’e fraco, mai hosi rai sei fila ba rai, dala ruma ita nia domin ne’e menos tanba ita ema fraco maibe ita la conduz Maromak nia graça hanesan ohin São Paulo dehan graça Maromak nian nafatin fo mai ita oinsa ita bele reflecte domin Maromak ninian ne’e atu suli nafatin iha ita nia fuan atu hadomi ida ne’e domin

nafatin, atu hatudu nafatin domin ida ne’e, hahalok di’ak domin nian ba ema seluk, ida ne’e mak Maromak husu nafatin ba ita iha tempo quaresma nia laran atu ita mos bele hola parte iha Maromak nia domin ho domin ida nebe sacrifica An ba ita nia an rasik nebe mate ba ita nia an rasik, mate ba seluk hanesan Maromak  hadomi ita, Nia mate tanba ita hodi foti ita sai Maromak nia oan, sublinha Padre Matias”.

Iha loron Sinzas nian iha Paróquia Maria Auxiliadora dos Cristão Comoro Dili ne’e sarani wain mak participa hodi reza no hananu hodi reconhece sira nia an katak ita ema mai husi rai no husi rai nee Maromak fo is moris.  

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles