23.6 C
Díli
Sexta-feira, Julho 12, 2024
No menu items!
spot_img

S.E. Dom Virgílio Cardeal: Quaresma Dalan ida atu ita Fila ba Maromak

DCAD, (14 de Fevereiro de 2024) Arcebispo Arquidiocese Metropolitana de Dili Sua Eminência Dom Virgílio Cardeal do Carmo da Silva,SDB sai Celebrante principal iha missa Quarta-feira Sinzas nian iha SÉ Catedral Vilaverde Dili. Missa Sinzas ne’e hahu dader oras, tuku 7:30 otl nebe sarani wain mak hola parte iha Eucaristia Santa ne’e.

Sua Eminência Dom Virgílio Cardeal hahu ninia reflexão nebé foca liu ba lalaok Quaresmal nian katak dalan ida atu ita fila ba Maromak.

“Ita hahu ohin dalan quaresma ninian loke ho liafuan Profeta Joel ninian nebe sai hanesan matadalan nebe bolu ita nebe dehan Fila Imi laran mai Ha’u. “Quaresma dalan ida atu ita fila ba Maromak. Quaresma momento ida convida ita laos atu hatan de’it ho liafuan maibe convite ida nebe dirige ba ita nia ser tomak nudar ema katak tempo ida atu ita bele verifica dala ida tan nudar Ema, nudar Timoroan, nudar sarani no Escolante Jesus nian atu hodi la’o tuir dalan nebe los”.

Liu tan ne’e Dom Virgílio Cardeal haklean tan katak, Ahu Kdesan fo hanoin mai ita katak ita ema husi rai mak Maromak halo ita no husi rai ida ne’e Maromak fó is no is ida nee mk moris.

“Rai rahun ida ne’e sai ema tan Maromak fó is moris, rai rahun ida nee iha ninia dignidade tan Espírito Maromak ninian tan ne’e ita laos rai nee nian mai Maromak nian tan nee, moris la ho Maromak ita labele halo buat ida. Tanba ne’e loron ida nee convite ida mai ita atu reconcília ho Maromak. Atu fila fali ba Maromak la depende deit ba ha’u nia capacidade, maibe ho graça Maromak nian mak bele salva ita. Tanba nee quaresma hanorin ita atu hakruuk liu tan iha moris atu hatene servi, hatene rona, hatene diálogo, hatene hakuak ema hotu”.

Matadalan mai ita atu contempla didiak iha tempo quaresma nian nee tuir Arcebispo katak, cruz mak sai guião ba ita sarani.

“iha tempo quaresma nee hanesan sarani hare no contempla didiak cruz. Ita hotu iha ita nia uma iha cruz, no ita mos tara cruz, tan nee fó pausa ituan hodi hateke ba cruz nebe ita lori iha ita nia moris. Cruz mak cátedra silenciosa de Deus, fatin ida nebe ita bele contempla kona ba Maromak nia nonok hodi koalia mai ita iha nebe lor-loron ita hare ba nia kanek sira ita hare ita nia sala, ita hare ita nia fraqueza no miséria”.

Quarta feira sinza hanesan início tempo quaresma nian atu sarani sira bele contempla didiak iha moris Abstinência, Jejum, Oração no caridade.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles