25.4 C
Díli
Sexta-feira, Julho 12, 2024
No menu items!
spot_img

Governo Atribui Subvenção 15 Milhões de Dólares ba Igreja Católica

DCAD-DILI (15 de Fevereiro 2024) Assinatura acordo anual ba subvenção tinan 2024 nian ne’e, hanesan continuação relação bilateral entre estado Timorense ho Igreja Católica iha nebe fortifica ona ho implementação Concordata, ou seja, documento oficial nebe regula relação entre Estado timorense no Igreja Católica, nebe assinado iha dia 14 de agosto de 2015 iha Díli.

Arcebispo Arquidiocese Metropolitana de Dili S.E. Dom Virgílio Cardeal do Carmo da Silva, SDB iha ninia intervenção relaciona ho subvenção ne’e hateten, tinan-tinan Igreja Timor celebra acordo anual ba implementação acordo Quadro nebe assina ona iha tinan rua liu ba.

“Hau representa Conferência Episcopal Timorense no parte husi governo nian Vice Primeiro Ministro, Ministro Coordenador dos Assuntos Sociais e Ministros dos Desemvolvimento Rural e Habitação Comunitária Senhor Mariano Assanami Sabino ami assina acordo Quadro ida ne’e baseia ba acordo Internacional nebe assina hosi Estado Vaticano ho Estado Timor-Leste no atu implementa ida ne’e mak iha acordo Quadro mai cada tinan 5, no tau ninia princípio gerais katak tinan-tinan ho Governo nebe de’it ami ami sempre renova acordo ida ne’e tenik Dom Virgílio Cardeal”.

Dom Virgílio Cardeal esplica mos kona ba orçamento sira nee sei aloca tuir nia categoria sira hanesan Educação, Serviço Social no governo eclesial

 “Iha espírito concordata ninian no mos acordo ne’e, orçamento ne’e aloca ba iha categoria tolu mak hanesan; Educação, Serviço Social no governo eclesial. Osan ne’e sei fahe ba Diocese tolu (Arquidiocese Dili, Diocese Baucau no Diocese Maliana) haktuir Arcebispo Dom Virgílio Cardeal após termina assinatura acordo nian iha Palácio do Governo Dili Timor-Leste”.

Iha biban assina acordo nian ne’e, Conferência Episcopal Timorense (CET) mos apresenta ba IX Governo além de administrativos, CET apresenta mos osan nebe aloca ba dezenvolvimento ninian iha construção físicos sira; Capelas, Paróquias, Edifícios e Escolas Paroquiais no ba administração, formação no categoria sira.

“Tinan-tinan ami halo budget no igreja nian mos liu hosi comissão rua; Comissão Técnica Diocesana cada Diocese ho Comissão Técnica Superior igreja ninian nebe hamutuk continua halo contacto ida ne’e ho governo ninian, la’os de’it mai simu osan maibe liu-liu atu apresenta relatório nebe los no di’ak tuir lalaok Governo nian. Tinan ida ne’e liu hosi sociedade sivil começa ona aloca fundos ruma atu continua ba construção igreja aimutin maibe ne’e la tama iha 15 milhões nebe agora daudaun assina acordo ne’e maibe reflecte nafatin iha contrato ohin maibe loke espaço ida nebe hosi Nunciatura, hosi Confêrencia Episcopal apoia hotu atu loke fundos rua; ida ba Catedral Baucau no ida ba Igreja Aimutin atu bele to’o nia rohan, tenik Dom Virgílio Cardeal”.

Vice Primeiro Ministro, Ministro Coordenador dos Assuntos Sociais e Ministros dos Desemvolvimento Rural e Habitação Comunitária Senhor Mariano Assanami Sabino iha ninia intervenção mos hateten, IX Governo nafatin fo importância katak educação ne’e prioridade importante ba ita nia sociedade no liu-liu Timor Leste ba oin, atu hateke ba futuro educação ba ita nia oan sira, ba geração foun tanba ne’e Governo ida nee fo apoio total ba serviço nebe Igreja Católica halo iha Timor Leste.

“Iha sociedade civil nafatin fo apoio mos ba NGO sira, ba congregação religoso sira seluk, sempre nafatin iha apoio ida sira iha ne’e maibe ida ne’e acordo Governo Timor Leste ho Santa Sé nebe maka governo se de’it mak mai sempre cumpri nafatin atu fo continuidade no ida ne’e importante tebes tanba fo duni prioridade ba educação tanba ne’e mak ohin quase involve ona organização internacional lubuk ida no ita precisa rai ne’e ba oin precisa investe iha ema, investe iha ita nia oan sira tanba ne’e papel igreja nian boot teb-tebes iha investe ema, desde uluk mos ita barak mak matenek mai hosi escola católica sira tanba ne’e maka nafatin fo continuidade no nafatin fo papel importante atu igreja católica halao nafatin sira nia papel importante ne’e ba investimento iha setor educação nian dehan Vice PM Mariano Assanami”.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles