25.4 C
Díli
Sexta-feira, Julho 12, 2024
No menu items!
spot_img

Quaresma; Hadera-an, Conversão no Jejum-Abstinência

DCAD DILI – (06/02/2024); Maromak iha Ninia providência, oferece mai ita Quaresma, “sinal sacramental ba ita nia conversão nebé haklaken no possibilita ita hodi fila hikas ba Maromak ho fuan no laran tomak liu husi hakribi salan”. Iha dada lia ho Padre Bernardo Pereira Domingues Paiva hanesan diretor CARITAS Arquidiocese Metropolitana de Dili no Administrador Paroquial Paróquia Sagrado Coração de Jesus–Becora hateten, Liu tiha Quarta feira CINZAS, Creda Católica guia nia povo sarani sira ba tempo Quaresma.

“Liu tiha Quarta feira CINZAS, Creda Católica guia nia povo sarani sira ba tempo Quaresma. Buat nebe principal liu iha tempo Quaresma mak; hadera-an, conversão no Jejum-Abstinência. Relaciona tempo jejum-abstinência ne’e, Uma Creda hakma-an ona exigência ba lalaok rua ne’e hodi convida sarani atu hamenus hahan wainhira jejum no labele han buat ruma nebé ita kaan resin wainhira ita hala’o Abstinência. Kona ba nee, ita ida-idak mak controla-an rasik hodi pratica lalaok hirak ne’e. Jejum no abstinência, Uma Creda convida ita hodi hala’o tuir ita nia capacidade humana. Ba Jejum, Uma Creda permite de’it ema ho idade 14 ba leten too idade 50. Ba abstinência, Uma Creda Católica permite de’it ema ho idade 18 too 50. Idade 17 mai kraik no idade 50 ba leten la precisa aplica abstinência tanba questão saúde”.

Nailulik ne’e haklean mos tan katak, ita reflete kona ba loron 40 nee baseia ba história povo Israel ninian no tentação desafia Jesus iha deserto (rai fuik maran).

“loron 40 eh Quarenta dias ita hare kedas husi história povo Israel ninian mai, mak povo Israel sira lao iha diserto nia laran. Iha loron 40 ne’e maka profeta Moises hasoru malu ho Maromak iha foho Sinai. No iha loron 40 ne’e mos tentação desafia Jesus iha deserto (rai fuik maran); iha neba demónio mosu ho forma oioin hanesan animal fuik, espírito aat, hodi tenta Jesus nia aspecto humano. Ne’e duni, iha loron 40 ne’e nia sentido klean tebes ba ita sarani católico hodi hanoin kona ba exercício espiritual; oração, Jejum no esmola”.

Padre Bernardo haktuir katak, Iha hahalok essensial atu iha Quaresma ne’e ita ida-idak buka atu cumpre ho neon no laran mak Abstinência, Oração, Jejum no Esmola ka Caridade. Oração lori ema fila ba Maromak katak fila ba ema nia hun. Esmola ka caridade lori ema atu hatene katak ema moris hamutuk ho ema seluk iha sosiedade ida, no jejum lori ema ba hodi reconhece kona ba nia an.

”Esmola nebé iha loron boot sira hanesan quaresma ita fó hanesan um acto da fé, um acto de caridade e um acto da reconciliação entre ita ho Maromak no ita ho ema seluk. Ne’e duni, ita fo esmola ne’e hanesan ita hasa’e ita nia conversão ida nebe ita halo iha ita nia moris katak ita haka’as an atu husik buat a’at sira nebé ita halo iha kotuk no iha momento loron 40 nia laran ne’e haka’as an atu oferece netik buat foun ruma ba Maromak liu hosi forma esmola ne’e. Esmola la significa katak tem que fo  osan, maibe esmola bele liu hosi visita ema moras sira, fahe tempo atu bele dada lia ho sira nebe lakon tiha ona esperança atu moris, desanimado ka sira nebe estres hosi ne’e ita halo exercício espiritual atu bele halo purificação ba ita nia an”.

Nailulik ne’e haklean mos tan katak, Confissão ne’e hanesan reconciliação ho Maromak nomos ita nia an rasik. No meios ida ita bele purifica nafatin ita nia an hodi medita Jesus ninia mistério mate no moris hias.

“Santo Agostinho dehan ‘wainhira ita reconhece ita nia sala sira, ita consencializa ita nia an’ katak ha’u halo pecado ona no ha’u halo decisão hodi hakat ba Uma Creda buka na’ilulik ida atu confessa, ne’e graça ida extraordinário. Depois Santo Agostinho dehan tan, iha perante exercício nia laran ita keta haluhan halo oração. Tanba ne’e nia dehan a oração é a força do homem e a fraquesa de Deus”.

Atu remata, Nailulik ne’e husik hela ninia mensagem ba sarani sira relaciona ho tempo quaresma nee hateten, durante ita nia caminhada iha mundo ne’e hanesan sarani fiar na’in ida hakas-an atu purifica nafatin ita nia an minuto ba minuto, oras ba oras no loron ba loron, la’os de’it iha tempo quaresma no páscoa mak confessa maibe purificação ne’e lor-loron.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles