DCAD (Manufahi, 8 de Março de 2024) Vigário Episcopal Para Assunto Educação Pe. Guilhermino da Silva, sexta dader nee (08/03), inaugura Edifício foun Colégio São Miguel Arcanjo Same “(COSAMAR) nune mos halo lançamento fatuk dahuluk ba edifício foun balu colégio ninian (3 Ciclo).
Iha ocasião inaugarção no lançamento ne’e Vigário Episcopal Para Assunto Educação Pe. Guilhermino da Silva hato’o ninia apreciação ba manorin nain sira ninia mudança de mentalidade, aparência, organiza an no disciplina no mos desemvolvimento Infraestrutura fisica sira iha Escola Colégio São Miguel Arcanjo Same.
“Uluk nanain hau hakarak hato’o hau nia parabens ba imi laos tanba edifício ne’e, maibe hau nota buat ruma iha imi kona ba imi manorin nain sira nia mentalidade, aparência, organiza an no disciplina sira basá se hakarak estudante sira disciplina uluk liu professores tem que
organiza an diak liu mak foin estudante sira bele moris tuir ita. Se ita professores mak la organiza an, la disciplina concerteza estudante sira mos sei la hetan no aproveita buat ruma. Tamba nee parabens no continua hatudu diak liu tan. Hein katak ba oin imi nia gestão escola nian ne’e mos bele furak liu tan atu nune’e ho infraestrutura física bele utiliza duni ho ema sira nebe iha qualidade”, dehan Vigário Episcopal Para Assunto Educação Pe. Guilhermino da Silva
Além ne’e Vigário Episcopal Para Assunto Educação Pe. Guilhermino da Silva mos fó motivação ba estudante sira colégio São Miguel Arcanjo atu nafatin hakas an hatudu sira nia disciplina iha processo sira aprendizagem nunee mos hatudu qualidade humana principamente iha Moral no Espiritual nian.
“Ba estudante sira mos temque hatudu nafatin imi nia disciplina máxima iha imi nia formação aprendizagem iha escola ida nee. Qaulidade nee laos deit iha intellectual, maibe qaulidade humana principalmente iha moral no espiritual. Ho nee deit mak ema bele iha qualidade nebe útil ba sociedade masque ita hasoru desafios boot ho mundo nia mudança bele tenta ita hodi la foco iha ita nia missão. Maibe husu hanesan ema sarani ita comfia iha Na’i Maromak atu ita bele sai ema lolos iha ita nia Igreja no sociedade”.
Iha sorin seluk Diretor da Escola Colégio são Miguel Arcanjo Same Pe. Albino Marques iha ninia intervenção sira agradece ba apoio sira material no Espiritual hodi finaliza construção refere.
“Uluk nanain ita agradece ba Maromak ba Nia bênção mak ohin ita hamutuk ho Vigário Episcopal Assunto Educação nian atu bele fó bênção ba edifício escolar EBC São Miguel Arcanjo Same ninian. Tan ne’e, lori Professores no Estudantes sira hotu agradece wain ba amo nia presença ne’e hanesan fó apoio mai ami no motiva nafatin ami iha Município Manufahi iha escolar COSAMAR nian ne’e atu lao nafatin ba oin iha serviço tomak sei lao tuir buat hotu nebe husi Igreja husu no educador nebe diak nune’e mos bele sai centro formação diak ida iha fatin ne’e.
Edifício ida nee hari hetan apoio orsamento husi Paróquia Same rasik, Vigario Episcopal Educação liu husi Escola Sacrojes Becora no São José Operário Balide no CARITAS. Tulun hirak nee mak tau hamutuk hodi hari edifício refere, dehan, Diretor da Escola Colégio são Miguel Arcanjo Same Pe. Albino Marques.
Evento inauguração Edifício foun Colégio São Miguel Arcanjo Same “(COSAMAR) nune mos halo lançamento fatuk dahuluk ba edifício foun balu colégio ninian (3 Ciclo) participa husi Vigário Episcopal Para Assunto Educação Pe. Guilhermino da Silva, Diretor da Escola Colégio são Miguel Arcanjo Same Pe. Albino, Presidente Autoridade Município Manufahi, Professores, inan-aman no Estudantes.
