23.6 C
Díli
Sexta-feira, Julho 12, 2024
No menu items!
spot_img

Mensagem Papa Francisco Loron Mundial Comunicações Sociais nian ba dala LVIII

Mensagem Papa Francisco Loron Mundial Comunicações Sociais nian ba dala LVIII

(12 de Maio de 2024)

Inteligência artificial no sabedoria fuan nian:ba comunicação ida Plenamente humana

Maun alin inan feton doben sira!

Evolução husi sistemas nebé hanaran «inteligência artificial», kona ba saida mak tetak ona iha Mensagem ba Loron Mundial Dame nian nebé foin lalais ne’e, nebé modifica ho forma radical mos ba informação no comunicação no, liu husi sira nudar bases husi convivência civil balun. Trata liu husi mudança ida nebé afeta la’os de’it ba profissionais, maibe bae ma hotu. Difusão nebé lalais husi invenções nebé kmanek, ho ninia funcionamento no potencialidades nebé mak labele compreende ba parte boot husi ita, hamosu hakfodak nebé namlele entre entusiasmo no desorientação no inevitavelmente hatuur ita iha questões fundamentais ne’e nia leet: Então saida mak ema, nebé ho ninia especificidade no futuro ida oinsa husi ita ninia espécie nebé hanaran homo sapiens iha era inteligências artificiais nian ne’e? Oinsa ita bele permanece plenamente humanos no orienta ba buat diak iha mudança cultural nebé la’o?

Hahu husi fuan

Uluk liu laiha buat ida, di’ak liu hamoos rai husi leituras catastróficas no ninia efeitos paralisadores. Iha ona século ida husi Romano Guardini, reflete kona ba técnica no ema, convida ona atu labele contra bebeik saida mak «foun» iha tentativa husi «conserva mundo ida furak hodi condena ida nebé desaparece». Maibe, iha biban hanesan, ho apelo profética nebé todan: «Ita ninia posição iha futuro. Ita bele hatama-an iha, ita ida-idak iha ninia fatin (…), adere dadaun ho honestamente, maibe permanence dadaun ho sensíveis, ho fuan ida incorruptível, ba buat hotu nebé mak nia iha hodi harahun no la’os humano». No concluí: «Trata liu ba – katak lialoos – husi problemas natureza técnica nian, científica no política; maibe sira bele de’it resolve liu husi ema.

Bele forma tipo humano foun ida, hasanto ho espiritualidade ida nebé klean liu, husi liberdade foun ida no husi interioridade foun ida».[1] Iha tempo ida ne’e mosu risco hodi sai riku iha técnica no kiak iha humanidade, ita nia reflexão bele de’it hahu husi fuan ema nian.[2] Somente hasantu ho hateke spiritual nian, apenas hafoun sabedoria ida husi fuan mak it abele le no interpreta ba novidade husi ita ninia tempo no descobre dalan ba comunicação ida nebé plenamente humana. Fuan, entende biblicamente hanesanhorik fatin liberdade nian no husi decisões tomak nebé importantes husi vida, mak símbolo husi integridade no husi unidade, maibe evoca mos ninia afetos, desejos tomak, mehi sira, no liu-liu fatin nebé kle’an liu husi hasoru malun ho Maromak. Tanba ne’e sabedoria husi fuan mak virtude nebé habiban ita atu conbina ho buat hotu ba partes tomak, decisões tomak ho sira ninia consequências, grandezas tomak ho ninia fragilidade sira, passado ho futuro, saida mak ha’u ho saida mak ita.

Sabedoria ida ne’e husi fuan sei husik atu hasoru malun husi se mak buka no husik atu hare se mak hadomi; antecipa kedas se mak hakarak no ba buka se mak soin husi nia (cf. Sab 6, 12-16). Ho hela se mak simu fo hanoin (cf. Pr 13, 10), ho se mak iha fuan siak, fuan ida nebé rona (cf. 1 Re 3, 9). Mak dom ida husi Espírito Santo, nebé habiban atu hare sasan sira ho matan Maromak nian, compreende interligações tomak, situações tomak, acontecimentos tomak no descobre ninia sentido saida. La ho sabedoria ida ne’e, existência ne’e sai bar deit, tanba ne’e mak precisamente sabedoria nebé fo gosto ba vida: abut latina sapere associa ba sabor.

Oportunidade no perigo

Ita labele hein sabedoria ida ne’e husi máquinas. Embora termo inteligência artificial muda tiha ona termo correto liu hodi utiliza iha literatura científica ho naran machine learning (aprendizagem automática), ninia uso rasik husi liafuan «inteligência» mak halai kleuk (falacioso). Loos duni katak máquinas iha capacidade ida nebé imensamente boot liu fali ema ninia ser hodi memoriza dados no relaciona ba malun, maibe compete ba ema, no ba de’it nia, descodifica ninia sentido.

Tanba ida ne’e duni mak, la exige máquinas sai ema; maibe atu conscencializa ema husi hipnose nebé halo nia monu tanba imaginação ba omnipotência, ninia fiar an tomak hakruk loos no autorreferencial, haketak husi ligação social tomak no haluha husi ninia condição hanesan criatura.

Loos duni katak, ema sempre iha ona experiência hodi la sente haksolok ba nia an rasik no buka hakat liu ninia vulnerabilidade hodi usa meio oioin nebé iha. Hahu ona husi instrumentos préhistóricos dahuluk, utiliza hanesan prolongamento ba liman, hakat ba meios comunicação hanesan extensão husi liafuan, ita too ona ba loron ohin katak máquinas nebé sofisticadas nebé funciona hanesan auxílio ba pensamento. Entretanto realidades hirak ne’e bele sai contaminada husi tentação primordial hodi sai hanesan Maromak sem Maromak (cf. Gen 3), ne’e katak, tentação husi naran ema bele conquista forças rasik ba saida mak bele halo, oin seluk, halibur hanesan dom Maromak nian no moris iha relação ho ema seluk.

Sasan sira ida-idak iha ema ninia liman sai oportunidade ou perigo, tuir orientação husi fuan. Isin ne’e, cria atu sai fatin comunicação no comunhão nian, bele sai instrumento husi agressão. Ho forma hanesan, prolongamento técnico ida-idak husi ema bele sai instrumento husi serviço amoroso ou husi domínio hostil. Sistemas husi inteligência artificial bele contribui ba processo husi libertação ba ignorância no facilita ba troca informações entre povos no gerações nebé lahanesan. Por exemplo, sira sai acessível no compreensível ba património boot husi conhecimentos, escrito iha épocas nebé liu ona, ou habiban ema hotu atu comunica ona iha línguas nebé sira mak desconhece ona. Maibe simultaneamente bele sai instrumentos husi «poluição cognitiva», alteração husi realidade liuhusi narrações parcial ou totalmente falsas, maibe fiar – no partilha– hanesan ne’e mak buat los. Hanoin de’it iha problema husi desinformação nebé ita enfrenta, iha ona tinan barak, iha caso husi fake news[3]no katak ohin loron serve ba deep fake, ida ne’e mak, husi criação no divulgação ba imagens nebé parece perfeitamente plausíveis maibe mesak falsas (acontece ona mos mai ha’u sai objeto ba sira), ou mensagens áudio nebé usa lian husi ema ida, dehan buat sira nebé nia rasik nunca dehan. Simulação, nebé mak iha nia base husi programas hirak ne’e, bele sai útil iha campos específicos balun, maibe sai perversa wainhira distorce ba relações hoe ma seluk nomos realidade.

Hahu kedas ona iha primeira vaga inteligência artificial nian – ba redes sociais – ita compreende ninia ambivalência, constata dadaun ba oportunidades nune’e mos riscos tomak no ninia patologias. Nível daruak husi inteligências artificiais geradoras hatadak, indiscutivelmente, salto qualitative ida. Tuir mai mak importante atu iha possibilidade atu  percebe, compreende no regulamenta instrumentos nebé, iha liman nebé sala, bele mos loke cenários negativos. Algoritmos tomak, oinsa mak buat nebé sai husi hanoin no husi ema ninia liman, la’os neutros. Tanba ne’e mak necessário atu prevene hodi hatuur modelos regulamentação ética nian nebé hamosu efeitos danosos, discriminadores no socialmente injustos husi sistemas inteligência artificial nian no contrasta ba ninia utilização hodi halo redução ba pluralismo, ba polarização husi opinião pública ou ba construção husi pensamento único.

Nune’e ha’u hato’o iha ne’e ha’u ninia exortação ba «Comunidade das Nações ba serviço nebé halibur atu adota tratado internacional ida nebé vinculativo, nebé regula desenvolvimento no uso husi inteligência artificial iha ninia formas oioin».[4] Entretanto, hanesan iha âmbito humano hotu, la’os suficiente ba regulamentação.

Cresce iha humanidade

Ita hotu hetan bolu hodi cresce  hamutuk, iha humanidade no hanesan humanidade. Desafio nebé ita hasoru mak realiza salto de qualidade ida atu ita hela iha altura husi sociedade ida nebé complexa, multiétnica, pluralista, multirreligiosa no multicultural. Cabe ba ita atu questiona an kona ba progresso teórico no utilização prática husi instrumentos foun comunicação no conhecimento nian. Ba ninia possibilidades boot husi buat di’ak mak acompanha husi risco katak buat hotu sei transforma iha cálculo abstrato ida nebé reduz ema ba dados, pensamento ba esquema ida, ba experiência caso ida, buat di’ak ba lucro, ho risco nebé liu-liu sei hotu hodi nega singularidade husi ema ida-idak no husi nia história, dissolve dadaun realidade concreta iha  dados estatísticos nebé oioin.

Revolução digital bele halo ita sai livres liutan, maibe certamente sei la consegue halo ita prende iha modelos nebé ohin loron designa hanesan echo chamber (câmara de eco). Iha  caso sira ne’e, em vez de aumenta pluralismo husi informação, halai ba risco hodi lakon  iha pântano anónimo ida, favorece dadaun interesses tomak husi mercado ou husi poder. La’os  aceitável katak utilização husi inteligência artificial conduza ba pensamento anónimo ida, montagem husi dados nebé la certificados, ba desresponsabilização editorial coletiva ida. Representação husi realidade husi big data (dados boot), embora funcional ba gestão husi máquinas, implica iha realidade perda substancial ida husi verdade sasan sira nian, saida mak dificulta comunicação interpessoal no halai ba risco hodi danifica ita rasik ninia humanidade. Informação labele haketak husi relação existencial: implica isin, hela iha realidade; husu atu correlaciona la’os de’it dados, maibe experiências; exige oin, hateke, compaixão no sei partilha.

Ha’u hanoin iha narração husi funu no iha «funu paralela» ne’e hodi trava liuhusi campanhas desinformação nian. No ha’u hanoin iha repórteres barak nebé kanek ou mate ona iha fatin naldulas nian hodi habiban ba ita hare saida mak mai husi sira ninia matan. Tanba hodi de’it kaer pessoalmente sofrimento husi labarik sira, inan feton sira no mane sira mak ita bele compreende caráter absurdo husi funu.

Utilização husi inteligência artificial sei bele proporciona contributo positivo ida iha âmbito husi comunicação, se la anula  papel husi jornalismo iha fatin, antes pelo contrário se apoia nia; sei valoriza ninia profissionalismo husi comunicação, responsabiliza ba cada comunicador; sei devolve ba ema ninia ser ida-idak papel husi sujeito, ho capacidade crítica, husi comunicação ne’e rasik.

Interrogativos ohin loron no loron aban nian

No mosu, teki-teki, questões balun: Oinsa tutela profissionalismo no dignidade husi trabalhadores iha campo husi comunicação no informação, juntamente ho utentes iha mundo tomak? Oinsa garante interoperabilidade husi plataformas? Oinsa mak empresas nebé desenvolve plataformas digitais assume sira ninia responsabilidades relativamente ba saida mak divulga hodi hasai sira ninia lucros, husi forma análoga ba saida mak acontece ho editores tomak comunicação tradicionais? Oinsa mak transparentes liu ninia critérios subjacentes ba algoritmos husi indexação no desindexação no ba motores husi pesquisa, capazes hodi exalta ou cancela pessoas no opiniões, histórias no culturas? Oinsa mak garante transparência husi processos husi informação? Oinsa mak sai evidente ba paternidade husi escritos no rastreáveis ba fontes, Evita ba anin sasurut husi anonimato? Oinsa husik claro imagem ida ou video ida nebé retrata acontecimento ou simula ida? Oinsa mak evita katak fontes sei reduz ba ida de’it, ba pensamento único ida nebé elabora algoritmicamente? No, ao contrário, oinsa promove ambiente ida adequado atu salvaguarda pluralismo no representa ba complexidade husi realidade? Oinsa mak it abele sai sustentável iha instrumento poderoso ida ne’e, caro no extremamente energívoro? Oinsa mak ita halo nia acessível mos ba países iha vias desenvolvimento?

Hahu husi respostas ba questões hirak ne’e no sira seluk, ita compreende inteligência artificial sei hotu hodi harii castas foun nebé basea iha domínio informativo, hahoris dadaun formas husi exploração no desigualdade ou wainhira, pelo contrário, sei lori igualdade barak liu, promove dadaun informação correta ida no consciência boot husi transição época nian nebé mak ita hakat liu ba, favorece dadaun rona ida husi múltiplas carências ema tomak nian  no husi povos, iha sistema ida husi informação articulado no pluralista. Husi sorin ida, ita hare hodi siik de’it espetro husi escravidão foun, seluk mak conquista husi liberdade; sorin seluk, possibilidade husi sira oituan mak condiciona pensamento ema seluk nian, husi seluk mak possibilidade atu ema hotu participa iha elaboração husi pensamento.

Resposta la’os iha escrita; depende husi ita. Compete ba ema nebé decide atu iha hodi sai alimento ba algoritmos ou fo han ninia fuan liberdade nian, sem saida mak labele cresce iha sabedoria. Sabedoria ida ne’e amadurece hodi valoriza  tempo no hakoak vulnerabilidades. Cresce iha aliança entre gerações tomak, entre se mak iha memória husi passado no se mak iha visão ba futuro. Somente hamutuk mak bele cresce iha capacidade hodi tetu, matan moris, hare buat hotu hahu husi ninia termo. Atu la lakon ita ninia humanidade, ita buka Sabedoria nebé existe molok buat hotu (cf. Sir 1, 4), nebé, hakat dadaun liuhusi fuan sira nebé moos, prepara-an hanesan belun Maromak no profetas nian (cf. Sab 7, 27): iha atu ajuda ita hodi orienta sistemas tomak husi inteligência artificial ba comunicação ida nebé plenamente humana.

(Tradução: Mario Oliveira Pires/DCAD)

Roma – São João de Latrão, 24 de Janeiro de 2024.


[1] Cartas do Lago de Como (Brescia 52022), 95-97

[2] Em continuidade com as anteriores Mensagens para o Dia Mundial das Comunicações

Sociais, dedicadas a «encontrar as pessoas onde estão e como são» (2021), «escutar com o

ouvido do coração» (2022) e «falar com o coração» (2023).

[3] Cf. Mensagem para o LII Dia Mundial das Comunicações (2018): «“A verdade vos tornará

livres” (Jo 8, 32). Fake news e jornalismo de paz».

[4] Mensagem para o LVII Dia Mundial da Paz: 1 de janeiro de 2024, 8.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles