23.6 C
Díli
Sexta-feira, Julho 12, 2024
No menu items!
spot_img

Congregação dos Filhos e Filhas de Caridade Canossiana Comemora Existência Congregação nian iha Kreda Timor

DCAD-Sábado 11 de Maio 2024, Congregação dos Filhos e Filhas de Caridade e Servas dos Pobres FdCC sábado foin lalais ne’e haliburan hamutuk iha Paróquia Sagrado Coração de Jesus Becora hodi comemora 250 anos Sta. Madalena de Canossa nia moris no presença Canossiana nian iha Creda Timor nebé completa ona tinan 145. Celebração ne’e hahu ho missa nebé preside hosi Arcebispo Metropolita de Dili Dom Virgílio Cardeal do Carmo da Silva SDB.

Iha santa missa ne’e Arcebispo Dom Virgílio Cardeal iha ninia reflexão sira refete liu kona ba 250 anos Sta. Madalena de Canossa nia moris no presença Canossiana nian iha Creda Timor iha nebé complete ona tinan 145.

“Ohin ita halibur hamutuk iha ne’e atu agradece ba Maromak ba domin nebé hatudu mai ita liu hosi Santa Madalena ninia presença iha Kreda nebé completa ona tinan 250 no presença Congregação Canossiana nian nebé hahu iha rai Timor nebé completa mos ona tinan 145 hodi halo contribuição ba promoção feto liu hosi educação, escola, formação formal nune’e mos informal. Ne’e hotu ita hanoin fila fali missionarios to’o rai Timor iha século ida liu ba sira nia sacrifício, estrada laiha, electricidade laiha, transporte mos laiha, hanoin fila fali kona ba sira nia espirito sacrfício ninian, desafio sira tempo neba ninian maibe la hamate sira nia ânimo, sira nia zelo pastoral atu hanorin Maromak nia liafuan liu hosi catequese sira. Ida ne’e sai razão boot ida  ba  ita ohin hamutuk ho família Canossiana ita fo obrigado ba Maromak, obrigado ba Santa Madalena ba nia generosidade nia pronto hatan ba Maromak ninia convite, tenik Cardeal”.

Arcebipo Dom Virgilio Cardeal salienta tan katak; Santa Madalena hakarak tuir Cristo mais radical hodi kolu ninia an, halo nia an kiik, halo nia an kiak atu bele besik ba kiak sira, literalmente nia husik buat hotu tanba Cristo, mate ba ninia an.

“Maluk doben sira, Santa Madalena sente teb-tebes domin Maromak ninian tan ne’e celebração tinan 250 Santa Madalena nia moris convite ida ba  ita hotu liu-liu ba familia Canossiana, momento iha tinan ida ne’e la’os de’it momento atu agradese maibe momento ida atu husu ba  ita nia an oinsa mak bele concretiza agradecimento ida ne’e atu fo agradecimento ne’e la hela de’it iha loron ida ne’e hotu ona maibe passos nebé mais concreto atu halo charisma Santa Madalena nian mais atual relevante iha ita nia tempo ohin loron nian ba  ita nia foinsa’e sira, ba  ita nia povo, ba  ita nia uma kreda, tenik Dom Virgilio Cardeal”.

Dom Virgílio Cardeal ninia motivação ba Canossiana sira katak ohin Santa Madalena hakarak atu dehan ba iha nia oan doben sira, la to’o de’it ona atu contente ho ita nia obra sira nebé ita halo furak no kapas, se karik Santa Madalena moris ohin nia husu to’o ona ka? Wainhira nia hare kiak, nia hare joven sira, nia hare problema ohin loron saida mak Santa Madalena sei dehan ba ita ohin loron? Saida tan mak ita precisa halo? Tanba ne’e ita agradece ba Santa Madalena nebé fo mai ita rikusoin boot ida ne’e iha uma kreda, iha rikusoin boot ida ne’e sai ona abut iha Timor iha tinan 145, século ida ho balun tiha ona, ita  bele dehan katak sai ona timoroan maibe oinsa mak ita bele halo charisma Santa Madalena ninian sai duni, encarna duni iha cultura ida ne’e iha rai ida ne’e iha kreda ne’e.

Participação iha aniversário Santa Madalena de Canossa nian ne’e mai hosi Padres, Madres, Reprsentante Santa Sé nian iha Timor Leste, Vigário Geral Diocese Maliana, Religiosos/as, Representante Governo, Famílias Carismaticos Canossiana, Leigos, Professores, estudantes, meninas colégios antigos alunos Canossiana, Grupo Santa Madalena, Grupo Santa Bakhita no sarani sira.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles