23.6 C
Díli
Sexta-feira, Julho 12, 2024
No menu items!
spot_img

CET Realiza Sínodo Episcoporum ba Daruak

DCAD-(16-17 de Maio 2024) Conferência Episcopal Timorense (CET) realiza SÍNODO DOS BISPOS BA DARUAK NIAN, nebé toca liu ba pilar tolu inportante hanesan; “Comunhão, Participcão no Missão. Sínodo dos Bispos fase daruak nian ne’e continuação hosi Sínodo fase dahuluk nian nebé realiza ona iha tinan 2021. Atividae Sínodo durante loron rua ne’e realiza iha Salão Nobel da Paz Universidade Católica Timorense São João Paulo II Balide Dili Timor-Leste.

Presidente Conferência Episcopal Timorense (CET) e Bispo de Malianan Dom Norberto do Amaral iha biban ne’e hateten, Ita liu tiha ona fase ida, nebé Dom Virgílio ba tuir tiha ona fase ida ne’e no halo tiha ona ninia sítio hodi fó  ba ita hot-hotu no ita hotu hatene. Iha fase Segundo nian ita atu ko’alia kona ba ita nia interdependência todas as partes tanto pároco, leigos oinsa ita atu bele serviço didi’ak ho coresponsabilidade atu lori ita nia missão ida ne’e ba oin tuir sínodo ne’e rasik mak ; participação, comunhão no missão.

Iha ocasião ne’e Comissão Organizadora ba Sínodo episcoporum Frei Professor Doutor Joel Casimiro da Costa Pinto, OFM esplica mos kona ba Sínodo ne’e hodi hateten ; Sínodo ida ne’e ho pilar tolu; Comunhão, Participação no Missão. Ninia fundamento nian ne’e mak Batismo.

“Ohin ne’e acontece evento boot ida iha Igreja Timor nian liu husi Sínodo Bispo sira nian. Maibe Sínodo ida ne’e ho nia sentido diferente ituan tanba Sínodo kona ba Igreja sinodal katak la’o hamutuk. Nune’e igreja nebé la’o iha tempo moderno nian liu hosi Papa Francisco convoca Sínodo ida ne’e ho pilar tolu; Comunhão, Participação no Missão. Ninia fundamento nian ne’e mak Batismo comum hosi sarani sira hotu “atu nia amululik, bispo no Carderal, Papa ou nia sarani ida hotu-hotu liu hosi batismo tama ona iha comunhão ida comunidade

Santíssima Trindade nian katak, nia forma Na’i Maromak nia povo. No iha comunhão ne’e ita iha relação interdependência ba malu, laiha ema ida nebe la’o mesak de’it. Iha Pariticipação katak ita nebé simu ona batismo sente kalae ha’u ne’e sarani; definição kona ba sarani ne’e katak ema nebé simu ona batismo no tama ona iha comunidade Maromak nian ne’e. tan ne’e creda nebé moris tanba batismo ne’e. nune’e participação ativa ne’e laos nailulik deit, laos religioso religiosa deit maibe hotu-hotu participa hodi lori ksolok ba iha mundo ida ne’e. pilar ida ikus nian mak missão katak hotu-hotu simu ona batismo no confirma fila fali iha sacramento crisma ita hotu maduro iha fé no ita iha responsabilidade boot atu haklaken missão Maromak nian ba hotu-hotu.”

Iha sorin seluk mos Arcebispo Arquidiocese Metropolitana de Dili Dom Virgílio Cardeal do Carmo da Silva haktuir mos katak realização Sínodo dos Bispos ne’e objetivo atu bolu ita atu fila fali ba igreja hodi la’o hamutuk tuir buat nebé ita Na’i Jesus Cristo nia hakarak. ko’alia kona ba participação, los duni katak wainhira ita dala barak halo serviço oinsa mak bele inclui ema hotu, dala barak ita nia paróqua, ita nia diocese, ita nia grupo sira, ita nia congregação dala ruma ne’e ita esclui ema barak, seidauk loke liman atu hakuak ema hotu, maibe oinsa loke atu ema hotu bele hola parte.

Participa iha sínodo dos bispos fase daruak nian ne’e mai hosi Presidente Conferencia Episcopal, Bispo Arquidiocese Dili, Bispo Diocese Baucau, Representante Santa Sé iha Timor Leste, Padres, Madres, Leigos/as sira.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles