23.6 C
Díli
Sexta-feira, Julho 12, 2024
No menu items!
spot_img

Artista Timoroan Contribui Música ho nia Título “Hein Santo Padre”; S.E Dom Virgílio Cardeal Agradece ba Iniciativa ne’e

DCAD, (Dili, 11-07-2024) – Artista timoroan sira nebé composto hosi Artista Senior no Junior quinta feira ohin hola iniciativa hodi hasoru malu ho Sua Eminência Dom Virgílio Cardeal do Carmo da Silva SDB iha Câmara Eclesiástica Arquidiocese Metropolitana Lecidere Dili hodi apresenta música ida nebe nia compositor husi artista timoroan sira rasik ho nia título “HEIN SANTO PADRE” hanesan Contribuição ba evento boot Santo Padre nia visita mai Timor-Leste iha fulan Setembro tinan ne’e.

Artista Senior Anito Matos iha ocasião sorumutu ho Dom Virgílio Cardeal do Carmo da Silva ne’e hateten, nudar Artista Timoroan no nudar sarani, Ami hakarak hola iniciativa hodi contribui ba evento boot visita Santo Padre nian mai ita nia rai doben Timor-Leste ne’e liu husi música.

“Ami sira ne’e mai husi Artista nebé senior liu to’o sira nebé junior. No música nebé ami canta hanesan contribuição ruma ba visita Santo Padre nian no ami mos husu Sua Eminência nia sugestão ruma ba música ne’e” dehan Anito Matos.

Iha biban hanesan Sua Eminência Dom Virgílio Cardeal do Carmo da Silva sente orgulho no agradeçe ba iniciativa hosi Artista timoroan sira ne’e.

” Hau agradeçe tebes ba iniciativa ne’e no husi música nebé ita rona hamutuk hau sente furak los no husi ha’u laiha correcção ruma, maibe ha’u sei husu Padre sira nebé hatene música, karik sira iha sugestão ruma” Dehan Sua Eminência Dom Virgílio Cardeal.

Artista sira nebé halao sorumutu ho Sua Eminência maka hanesan Anito Matos, Tonny Pereira, Vitorino dos Santos, Lindo Casenube, Leo Moniz, Quito Belo, Eric Martins Casenube no seluk tan. Tuir informação katak, música refere sei halo nia lançamento oficial iha fulan Augusto.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles