23.6 C
Díli
Sexta-feira, Julho 12, 2024
No menu items!
spot_img

Atualização Programa no Progresso sira Visita Santo Padre nian mai Timor-Leste

DCAD (DILI, 9 JUNHO 2024); S.E Dom Virgílio Cardeal do Carmo da Silva,SDB Coordenador Geral Equipa Igreja nian ba visita Santo Padre mai Timor-Leste hamutuk ho Monsenhor Marco Sprizzi Representante Santo Padre nian iha Timor-Leste ohin atualiza programa no progresso sira ba visita Santo Padre nian mai Timor-Leste.

Resultado hirak ne’e fó sai liu housi conferência inprensa nebé halo iha mini Estúdio Centro Televisivo Arquidiocese de Dili Piso 3 iha Câmara Eclesiástica Lecidere Dili. Monsenhor Marco Sprizzi Representante Santo Padre nian iha Timor-Leste atualiza programa sira hanesan:

“Iha quinta feira, 5 de julho foin lalais ne’e, iha Vaticano divulga ona programa sira viagem apostólica Santo Padre nian ba paises 4 hanesan Indonésia, Papua Nova Guine, Timor-Leste no Singapura. Tanba ne’e ohin hakarak atualiza ba ita boot sira hotu kona ba horários visita apostólica Santo Padre nian iha Timor-Leste. Santo Padre sei too iha Timor-Leste iha loron Segunda feira, 9 de setembro oras tuku 2:10 lorokraik Otl, sei simu direta housi Presidente RDTL, no Primeiro Ministro juntamente ho equipa governo nian, nune mos ho autoridades Igreja nian. Depois de boas vindas iha Aeroporto, Santo Padre sei desloca ba Nunciatura Apostólica. Iha tuku 6:30 lorokraik Santo Padre sei hasoru malu ho Presidente da República iha Palácio Presidencial Nicola Lobato Dili, hodi halo mos discurso sira kona ba timor nian iha aspeto Políticos, social, fraternidade no seluktan ba sociedades civil no autoridades sira seluk. Iha 7:30 santo Padre sei fila ba Nunciatura hodi descança.

Seguinte dia, 10 de setembro Santo Padre sei visita Instituto das Irmãs Alma nebe quida labarik deficiente sira iha tuku 8:30 dader. Hafoin iha tuku 9:30 dader Santo Padre sei liu ba iha Catedral hodi hasoru malu ho autoridades Igreja nian. Remata husi Catedral Santo Padre fila ba Nunciatura hodi almoço no descança. Finalmente iha tuku 3:50 Santo Padre liu ba Tasi Tolu hodi missa hamutuk ho sarani sira durante oras ida. Depois de missa Santo Padre movel ba fatin sira iha Campal hodi fo bença ba sarani sira antes fila ba Nunciatura. Hafoin iha loron quarta feira, 11 julho Santo Padre sai housi Nunciatura liu ba CCD hodi hasoru malu ho jovem timorense sira. Remata tiha encontro ho jovem sira iha CCD iha tuku 10:30 Santo Padre liu ba Aeroporto hodi halo despedida antes liu ba Singapura. Ida nee mak apresentação programa oficial Visita Santo Padre nian iha Timor-Leste.   

Iha ocasião ne’e mos, S.E Dom Virgílio Cardeal do Carmo da Silva,SDB hanesan Coordenador Geral Equipa Igreja nian ba visita Santo Padre mai Timor-Leste haktuir katak Papa nia visita mai Timor-Leste nudar visita pastoral pastor São Pedro ninian hodi hasoru nia bibi sira. Tanba ne’e Amo Papa mai atu hasoru ema hotu la exclui ema ida.

Liga ba progresso sira preparação visita Santo Padre mai Timor-Leste, S.E Dom Virgílio Cardeal do Carmo da Silva,SDB hateten, daudaun ne’e atinge ona 80% no falta deit 20% hodi completa.

“Preparação hotu ita hare katak depois de última visita equipa delegação ninian no Amo Papa aprova tiha ona, ne’e hatudu passo boot ida mai ita. No hare hosi progresso tomak Igreja ninian to’o agora serviço lao diak no serviço tomak ita to’o ona iha 80%. Ne’e hare hosi parte liturgia, parte ministro extraordinário, parte prepara sibório 4 mil, música, formação sira hanesan oração sira no mos manual catequese nian nebé fahe ba Diocese sira no tun ba Paróquias, escolas no instituções Superiores no secundários, hirak ne’e la’o ona no agora ita hein deit 20 % hodi completa tan deit.

Relaciona ho acolhamento ba peregrinos hosi diocese sira tuir Dom Virgílio Cardeal haktuir katak, acolhamento sira iha equipa rua hanesan equipa Igreja no equipa governo nian. Iha parte governo nian sei hare liu ba parte logística nian tanba nee parte governo aloca ona 40 mil ba cada município maske la cobre buat hotu maibe hodi ajuda prepara transporte, fatin no hahan sir aba peregrino sira.

“Peregrino sira nebé atu mai sei coloca tuir fatin sira hanesan; parte lorosae nian sei mai hela iha Hera ninian, parte hosi raiklaran sei hela iha kasnafa, parte Maliana nian sei hela iha Tibar, no mos Ermera sei iha mos Tibar. Tanba ne’e fatin sira identificado hotu ona. Ita nia governo hamutuk ho Igreja local hodi cria condições nebé diak hodi tulun ita nia peregrino sira mai hodi participa iha visita Santo Padre nian iha Tasi Tolu ho diak”.

S.E Dom Virgílio Cardeal do Carmo da Silva,SDB acressenta tan katak, camisolas nebe comissão sira prepara hodi distribui ba timor tomak hamutuk 700 mill. Tanba ne’e iha ohin lorokraik parte Governo oficialmente sei entrega camisolas ba parte logística Igreja nian no camisolas hirak ne’e sei fahe iha loron nebé atu tama ba iha Tasi Tolu.

Kona ba Ritos missa nian iha Tasi Tolu, Missa iha língua português, leituras iha lian Tetum, oração dos Fieis sei uja lian dialect sira; Baiquenu, Makasae, Mambae, Bunak, Galole no Fataluco. No Homilia Santo Padre sei koalia iha lian Espanyol no sei iha tradução ba lian tetum.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles