25.4 C
Díli
Sexta-feira, Julho 12, 2024
No menu items!
spot_img

Sua Santidade Papa Francisco sei to’o Timor iha tuku 14:00 otl Lorokraik

DCAD – Relaciona ho visitação Sua Santidade Papa Francisco mai Timor-Leste iha loron 09-11 fulan setembro tinan 2024. No iha loron 09 Papa Francisco sei to’o Timor mais -menos tuku 14:00 Otl. Hateten hosi Sua Eminência Dom Virgílio Cardeal do Carmo da Silva, SDB liu hosi ninia discurso iha cerimônia abertura oficial serviço voluntários iha loron 29/06/24, iha Salão DIT, Aimeti-laran Dili.

 “Hanesan ita hotu hatene ona katak iha Visitação Sua Santidade Papa Francisco mai Timor Leste sei realiza durante loron tolu hosi 09-11 de Setembro no iha dia 09 Papa Francisco sei too Timor mais-menos tuku 14:00 Otl nian. No Papa Francisco hosi Papua Nova Guinea sei too Aeroporto Presidente Nicolau Lobato, sei ba diretamente Nunciatura Apostólica iha Motael nian hodi descansa ituan”.

Dom Virgílio Cardeal hatutan ” iha parte lorokraik iha tuku 18:00 Amu Papa sei iha encontro oficial ho estado Timor iha Palácio Presidencial Aitarak-Laran-Dili nune mos Primeiro Ministro Vaticano nian Sua Eminência Cardial Parolin sei visita mós Primeiro Ministro Timor Leste Kay Rala Xanana Gusmão iha Palácio do Governo”.

Líder Igreja Timor ne’e informa atividades ba loron daruak nian iha parte dader tuku 10:00 Papa Francisco, sei iha encontro oficial ida ho Bispos, Padres, Madres, Seminaristas, Leigos no Catequistas iha Sé-Catedral Dili nian. Maibé molok atu ba liu Catedral Amu Papa sei liu hosi Congregação ALMA iha Bebonuk nian tanba Congregação ida ne’e tau matan ba labarik deficiente sira iha Timor no hafoin amo Papa ba Catedral no iha parte Meudia nian Papa Francisco sei hasoru malu ho Amu-lulik sira hosi Congregação Sejuita nian iha Nunciatura no iha tuku 16:00 lorokraik hafoin celebra Eucaristia hamutuk ho Sarani Timor nian iha Tasi-tolu, dehan Arcebispo Metropolita de Díli Dom Virgílio.

Sua Eminência esplica atividade Iha loron datolu nian, Papa Francisco molok hiit ain hosi Timor ba Singapura Amu Papa sei hasoru malu ho representante joventude ka foinsae Timor hamutuk rihun-rua iha CCD-Mercado Lama no se lá fila ba Nunciatura sei ba diretamente Aeroporto Internacional Presidente Nicolau Lobato hodi halo cerimônia despedida nian hafoin Sua Santidade sai hosi Timor”.

Dom Virgílio encoraja sarani Timor tomam katak iha Visitação Pastoral Sua Santidade Papa Francisco nian ne’e sei acontece dala-ida deit iha ita bo’ot Sira nia Moris no hanesan ita hotu hatene tuir história iha loron 12 Fulan outubro tinan 1989 ne’e Timor hetan Visita primeiro hosi Papa João Paulo II no Nia husik Hela nia mensagem ba Rai Timor katak ” IMI MAK MASIN RAI NE’E NIAN NO NAROMAN MUNDO NIAN”; Graças a Deus liu deit tinan sanulu Ita hetan ona Consulta Popular no agora ita hetan tan oportunidade ba segundo nian visita Papa Francisco, mai ne’e hodi afirma ita nia identidade nudar Pais ida  no nudar Timor oan nian, tanba ne’e mak ita tau tema “QUE Á VOSSA FÉ SEJA Á VOSSA CULTURA”.

(Leo S’maus)

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles