DCAD-(DILI 11/12/2024) Comissão Nacional da Educação Católica de Timor Leste (CONECTIL) ohin halo lançamento ba livro manual aluno nian kona ba Educação Moral e Religião Católica 10o de escolaridade iha Instituto Superior de Filosofia e Teologia (ISFIT) Fatumeta Dili.
Iha lançamento ne’e Presidente CONECTIL Pe. António Quenser do Balino do Carmo hateten iha ninia discurso dehan buat ida nebe sai razão atu halibur ita iha fatin ida ne’e mak ita hotu preocupa ho educação. Questão nebe fundamental no importante tebes ba construção do estado, ba Timor pilares nebe mak importante além pilares sira seluk de construção do estado mak questão Moral no Religião Católica.
“Educação Moral e Religião desempenha papel fundamental iha formação character no construção valores iha individo no sociedade timorense. Educação moral iha religião proporsiona comprensão ida klean liu tan kona ba moris no ajuda cultiva virtude sira honestidade, compaixão, paciensia, justica, respeita no seluk tan”, esplica Presidente CONECTIL Pe. António Quenser.
Padre António Quenser haklean liu tan dehan religião conserteza hanorin importancia husi domin no perdão tanba ne’e atu responde ba necessidade fundamental ba educação moral, character no religiosa, igreja católica ho autoridade Conferencia Episcopal Timorense liu husi papel CONECTIL nian estabelece curiculo formal ida hodi hanorin no forma timor oan sira no ohin dala ida tan kreda católica afirma ita nia contribuição ba estado timorense ho lançamento manual aluno, moral e religião católica 100 ano ho ninia tematica principal consciênçia no decálogo.
Iha consciência no decálogo liu-liu decálogo ko’alia kona ba oinsa ita nia relacionamento ho Maromak no ita nia relacionamento ho ita nia maun alin sira.
Liu tan ne’e Presidente CONECTIL haktuir dehan tuir plano deximinação ba manual 10 o ano ida ne’e sei la’o iha inicio tinan letivo 2025 ho participa hanorin moral e religião católica hamutuk 250 nebe namkari iha teritório Timor laran tanba ne’e iha fatin ida ne’e iha momento especial hakarak agradece ba entidade hot-hotu nebe contribui, colabora, involve iha proceso tomak to’o ohin ita halo lançamento ba manual ida ne’e no continua processo hirak ne’e ita implementa ona.
Iha fatin hanesan Secretário Estado do Ensino Secundário Geral Ensino Técnico Vocacional, Sr. Domingos Lopes Lemos dehan manual ida ne’e la’os de’it conjunta matéria academica sira maibe ida ne’e apresenta compromisio klean liu ba qualidade educação ba futuro ita nia joven sira tanba educação mak instrumento ida nebe aas, bele transforma moris ho comunidade sira no ohin ita halo paço importante ida ba futuro ida nebe nabilan liu no defensor liu ba ita nia estudante sira.
“Ministerio Educação espera katak manual ida ne’e inspira estudante sira atu dedica sira nia an ba sira nia estudo mak apostura area conhecimento foun sira no atu sai sidadão nebe iha consciência no resposabilidade”, afirma Sr. Domingos Lopes Lemos iha ninia discurso.
Secretário Estado do Ensino Secundário Geral Ensino Técnico Vocacional ne’e aprecia katak CONECTIL hala’o papel fundamental iha dezenvolvimento educacional iha ita nia rai doben Timor Leste, ho manual ida ne’e nu’udar sasin ida kona ba lider missão atu promove educação ho qualidade baseia ba principio ético no gestão nian.
Iha biban ne’e Pro Presidente CET Dom Virgilio Cardeal do Carmo da Silva SDB dehan Igreja católica marca tan paço ida nebe significativo tanba educação ne’e la’os de’it preocupação ida igreja local ninian maibe preocupação igreja universal ninian então uma kreda ita bele dehan katak liu husi educação desde uluk uma kreda eserçe papel ida ne’e wainhira ko’alia kona ba educa ita evangeliza no husi evangeliza ita educa, character rua ne’e ita bele dehan katak labele haketak iha missão uma kreda ninian.
Dom Virgilio Cardeal dehan Igreja halo nia parte hodi prepara matéria sira, hodi cria ambiente sira ne’e hotu, hodi forma maibe mos ho igreja de’it la to’o, buat nebe importante liu tan ami mos hakarak husu nafatin ba parte governo nian atu serviço hamutuk liu tan liu-liu atu bele oficializa ensino moral e ética iha ita nia escola sira hanesan ita hotu hatene katak Timor ne’e maioria católica maibe ita hakarak mos atu lori sira maioria ne’e atu continua fo hanoin ba iha 9o governo constituicional ninia politica atu bele karik fo força liu tan ba iha ensino moral e ética ne’e liu-liu hodi to’o mos ba iha exame nacional.
Pro Presidente CET ne’e hakelan liu tan dehan tanba ita hatene katak buat nebe la to’o ba iha exame nacional nian ne’e maka sei halo estudante sira aprende ho didi’ak ne’e duni hanoin ida ne’e desafio boot duni maibe hakarak atu hato’o ba governo liu-liu iha ministerio educação nian atu bele hare atu garante iha ninia cuntinuidade tanba buat hotu nebe ita hamutuk lori to’o mai iha ne’e ita hakarak buat hotu iha história ida maibe ita hakarak hetan liu tan nia pezo iha ita nia sociedade tanba formação ética moral ne’e mihis oituan iha sociedade.
Ikus liu Dom Virgilio Cardeal lori Conferencia Episcopal nia naran agradece ba Secretário Estado ho ninia comitiva tomak ba parte curricular no agradece ba colabores sira hotu iha fatin ida ne’e no agradece ba ema hotu nebe serviço maka’as iha tempo naruk ida ne’e hanesan ita hatene katak sira serviço la sura kolen atu lori projeto ida ne’e ba to’o ninia rohan.
Participa iha lançamento livro manual ne’e mai husi Pro Presidente CET, Secretario Estado do Ensino Secundario Geral e Tecnico Vocacional, Vigario Geral Arquidiocese Dili e Coordenador da Comissão Tecnica Superior da CET, Diretor Geral direção Tecnica e Ensino Secundario Tecnico vocacional, Secretario Executivo da CET, Reitor ISFIT, Diretores e Coordenadores Comisões da CET, Diretores da Educação municipal de Dili, Padres, Madres, Diretores , chefes do dapartamentos da Educação Católicas, Vice reitor ISFIT, Presidente CONECTIL sesante, docentes no funcionario ISFIT.
