DCAD (DILI, 12/12/2024) Sua Eminência Dom Virgílio Cardeal do Carmo da Silva Quarta feira nee (11/12) inaugura edifício Sucursal Comissão Nacional Educação Católica Timor-Leste (CONECTIL) nian nebe localiza iha Suco Comoro Aldeia 4 de Setembro. Iha biban inauguraçãonian neeArcebispo de Dili e Pro Presidente Conferência Episcipal Timorense Dom Virgílio Cardeal haktuir katak ho inauguração edifício foun ho fatin suficiente atu estrutura bele hakas an hodi serviço makas liu tan ho responsabilidaade basá CONECTIL mak sai hanesan liman ain Uma Kreda ninian.
“Ohin ita inaugura ona fatin ida ne’e, husu nafatin ba ema hotu liu-liu ba iha estrutura atu haka’as an, serviço maka’as liu tan, ita hatene katak desafio boot maibe responsabilidade mos boot iha area ida ne’e tanba ita hatene katak igreja nia papel educação. Masque dala barak ema dehan katak igreja toba hela, igreja la halo, igreja lian laiha maibe igreja lakoi hatudu ba iha media maibe buat nebe importante liu mak ita hahu hodi prepara neneik-neneik hodi tau husi educação no CONECTIL mak sai hanesan força liman ain uma kreda ninian”, esplica Pro Presidente CET Dom Virgilio Cardeal iha Sucursal CONECTIL Comoro.
Além de ne’e, Pro Presidente Conferência Episcipal Timorense Dom Virgílio Cardeal hatoo agradecimento ba parte relevante sira tanto 9o governo constituicional liu husi GAS nebe continua tinan-tinan fo apoio nomos ideias construtivas hosi presidente sessante sira CONECTIL nian
“Ohin CONECTIL marca tan paço ida iha história Conferência Episcopal ninian, hirak ne’e hotu ita agradece ba iha governo constituicional dasia nian liu husi GAS nebe continua tinan-tinan fo apoio hodi hadia, hanesan tuir buat nebe ita hotu hatene katak husi apoio ne’e 50% dedica ba educação maibe iha ne’e porsão ida ne’e atu hare liu-liu oinsa atu hadia liu kona ba educação etica e moral ne’e duni buat hotu hola parte iha processo boot ida ne’e. nunee mos agradece ba Presidente sessante CONECTIL ninian tanba to’o ikus mai bele hamosu fatin ida ne’e liu-liu ba nia finalidade hanesan ita hotu hatene katak Conferência Episcopal sei foun iha uma kreda Timor tanba ida ne’e esforço boot ida nebe ita hotu koko halo oinsa hodi completa la’os de’it estrutura maibe mos ba iha infrastrutura tanba to’o agora daudaun iha tempo hirak liu ba buat hotu ita aluga de’it”, tenik Sua Eminência Dom Virgilio Cardeal Pro-Presidente CET.
Iha sorin seluk Presidente CONECTIL sesante Pe. Mateus Afonso haktuir sobre construção refere katak rai ida ne’e hola husi chefe suco antigo bebonuk nia alin José de Jesus da Costa ho ninia medida 11 X 25, folin rai ho uma ne’e hamutuk 45 mill.
“Gastos ba obra ne’e por volta 80 mill e tal no aumenta tan ba uma ida iha oin ne’e gastos hamutuk 12 mill. Mão de obra nian foufoun ba estrutura fo 25 mill maibe tau azulezo, monta ahi no foru ninian ne’e por volta 12 mill ne’e duni poupa ida que poupa hodi hetan fatin ida ne’e”, dehan Presidente CONECTIL sesante Padre Mateus Afonso.
Atu taka Padre Mateus Afonso ho fuan nebé klean agradece ba governo liu husi subsídio nebe entrega ba uma no husi uma kreda CONECTIL hetan prosão ida, prioridade ne’e ba formação maibe fatin mos tem que aranja então ho ida ne’e mak ha’u nia kbiit nebe iha momento neba ha’u hahu no ohin loron ita realiza duni inauguração.
Presença iha benção no inauguração edificio foun ne’e mak Arcebispo Arquidiocese de Dili, equipa husi gabinete GAS ninian, Vigario Geral Arquidiocese Dili nian, Presidente CONECTIL ho ninia colabores sira, Chefe suco Comoro no sarani vizinho edificio CONECTIL nian.
