(DCAD, 31/01/2025) – Papa Francisco nomeia ona Mons. Marco Sprizzi nudar presidente Gabinete Trabalho Sé Apostólica. Comunicado de Imprensa ne’e fó sai iha Vaticano iha Sala de emprensa Vaticano nian iha loron 31 fulan janeiro tinan 2025.
Mons. Marco Sprizzi, to’o agora halao hela nia knar nudar Encarregado Negócio Estrangeiro Santa Sé nian ou Representante Santa Sé nian iha Timor Leste. Mons. Marco Sprizzi moris iha Messina, Italia iha loron 7 fulan Outubro tinan 1967. Hetan ordenação nudar amo lulik iha tinan 1999. Hafoin halo hotu ninia Doutoramento iha Direito Sivíl iha tinan 1991 nia hetan bolso estudo hodi hala’o pesquisa Direito Laboral iha tinan (1992-1993). Profesor Direito Sivíl, Direito Laboral no Filosofia Direito iha tinan (1992-1993); Licenciado iha Teologia husi Gregoriana iha tinan (1998) no Licenciado iha Teologia Dogmática iha tinan (2000). Remata mos ninia estudo iha Direito Canónico iha tinan (2002). Profesor Direito canónico iha tinan (2007-2008). Iha fulan Junho tinan 2009, hanesan Capelão Sua Santidade nian. No Professor Teologia Dogmática iha tinan (2016-2018).
Mons. Marco Sprizzi ocupa ona cargo diplomático oioin: ida ikus liu nudar Encarregado Negócio Estrangeiro Santa Sé ou Representante Santa Sé nian iha Timór Lorosa’e
