DCAD (28.02.2025) Arcebispo Arquidiocese Metropolita de Dili Dom Virgílio Cardeal do Carmo da Silva hatun despacho liu housi Vigário Episcopal Assunto Educação Arquidiocese Metropolitana de Dili Pe. Guilhermino da Silva hodi nomeia Rev. Pe. Carlito tetilaca ba kna’ar Diretor Geral Escola Católica Colégio de São Pedro e São Paulo (COSPEPAL) Aileu hodi troca Diretor Sessante Rev. Pe. João Felisberto atual Pároco Aileu.
Vigário Episcopal Assunto Educação Arquidiocese Metropolitana de Dili Pe. Guilhermino da Silva iha biban de posse ba Diretor foun ba COSPEPAL Aileu nian ne’e, lori Arquidiocese nia naran hakarak agradece ba diretor sessante Pe. João Felisberto nebé assume ona knar Diretor Geral Escola Católica COSPEPAL durante tinan 6 nia laran.
“Pe. João Felisberto nebe assume ona knar Diretor Geral Escola Católica COSPEPAL durante tinan 6 nia laran no nia dedicação ba escola ida ne’e boot tebes basá hanesan diretor ao mesmo tempo hanesan mos pároco tanba ne’e pastoral iha escola no pastoral iha paróquia concerteja iha ninia consequência no nia todan rasik, tenik Pe. Guilhermino”.
Mensagem de motivação Vigário Episcopal Assunto Educação Arquidiocese Metropolitana de Dili Pe. Guilhermino da Silva ba Diretor Geral foun Escola Católica COSPEPAL hakasan iha serviço hamutuk ho professores no conselho estudantil ao mesmo tempo concelhos dos pais hodi hasae qualidade educação iha escola refere hodi compete iha vida académico mundial.
“uluk nanain Parabens ba Pe. Carlito tanba disponível hodi simu knar ida ne’e nudar Diretor Geral foun Escola Católica COSPEPAL Aileu. tanba ne’e ho gestão de liderança nebe diak no orientação claro qualidade ita sei bele garantia. Iha Aileu iha escola católica, escola público no escola CÁFE. Hare ba realidade dadaun ne’e escola Cáfe iha tinan ida kotuk mak sai primeiro lugar iha exame nacional. Tanba ne’e, hau hein katak iha escola colégio COSPEPAL Aileu mos bele esforço an hodi compete. Atu bele compete precisa estudante nia esforço no precisa liu serviço makas housi professores sira nia educação ho gestão de liderança nebe diak no orientação claro iha qualidade.
Nune’e mos Vigário Episcopal Assunto Educação Arquidiocese Metropolitana de Dili Pe. Guilhermino da Silva reconda ba Diretor foun atu hare parte administração iha escola hodi halo mudança. Tanba ne’e husu ba professor sira atu serviço makas liu tan hamutuk ho Diretor hodi soluciona problemas kiik sira be mosu. Nune’e ba conselhos dos pais buka mos atu colabora diak liu tan ho professor sira atu nune’e buka solução hodi melhora liu tan escola refere.
Sorin seluk Pe. Carlito Tetilaca iha nia parte agradece ba Dom Virgílio Cardeal do Carmo da Silva liu housi Vigário Episcopal Assunto Educação Arquidiocese Metropolitana de Dili Pe. Guilhermino da Silva nebé deposita confiança ba nia nudar Diretor Geral Escola Católica COSPEPAL Aileu.
Uluk liu agradece ba MAROMAK ba confiança nian ho capacidade nebé naton maibe nia fihir ha’u atu lidera escola refere. No tuir mai mos atan hau hakarak agrdece ba Amo Cardeal nebé deposita confiança ida ne’e mai hau atu lidera escola COSPEPAL Aileu liu husi Vigário Episcopal Assunto Educação nia presença iha escola ida ne’e. Ba ita boot sira nia confiaça mai hau pronto atu servi ho conhecimento nebe suficiente ho Maromak buat hatu bele. Sorin seluk hau mos hakarak Agradece mos ba pároco nudar diretor sessante ba ninia disponibilidade no colaboração ba iha decisão sira arquidiocese nian hodi refere hau hodi assume knar refere. Tanba ne’e ho conhecimento nebe suficiente hau garante katak hamutuk ho professores, concelho estudantil no mos conselho dos pais sei melhora liu tan processo aprendizagem iha escola COSPEPAL Aileu, dehan Pe. Tetilaca”
Housi Diretor Geral Escola Católica COSPEPAL foun nia parte Hare ba nia husu atu prof hahu housi primária too secundária atu serviço hamutuk diak liu tan ho fuan ba iha escola ida ne’e atu ita nia oan sira bele conhece ciência no conhece diak liu tan Maromak no hadomi liu tan ema seluk.
Iha biban ne’e mos halao toma de posse ba conselho Estudante nian hodi colabora diak liu tan iha processo aprendizagem iha escola Católica Colégio de São Pedro e São Paulo Aileu.
Participa iha processo tomada de posse ba Diretor foun ne’e hanesan Vigário Episcopal Assunto Educação Pe. Guilhermino da Silva, Pároco de Paróquia Aileu, Presidente Autoridade Município Aileu, Diretora Educação Município Aileu, Comandante Polícia Aileu, Diretores da Escola sira Aileu nian, conselhos do Pais no estudantes
