DCAD (13.03.2024) Papa Francisco celebra ninia aniversário Pontificia nian ba dala 12 hamutuk ho equipa médica hospital Gemelli nian iha Roma, hafoin de ne’e, Papa Francisco continua hodi participa iha exercício ano espiritual cúria Romana nian.
Sala de imprensa Santa Sé informa relaciona ho condição sira Santo Padre nian: celebração kiik oan ida iha hospital hodi comemora nia doze anos pontificado nian. Terapia sira continua hela, no Pontífice alterna oxigenação ho fluxo nebe aas durante loron tomak no ho ventilação mecânica iha tempo kalan.
Iha loron quinta-feira 13 de março lorokraik, equipa médica lori bolo no lilin ba sala interna Papa nian hodi comemora doze anos ninia eleição.
Nune’e, iha lorokraik, Papa participa mos iha exercício espirituais curia romana nian liu housi conexão vídeo sala Paulo VI nian. Tuir mai nia continua halo terapia respiratória.
Nia continua mos alterna ho ventilação mecânica iha tempo kalan no oxigenação ho alto fluxo durante loron.
Papa nia Situação clínica nian hatudu estável. No Buletim médico nian sei fo sai hikas iha aban kalan.
