DCAD (Roma, 11.05.2025) Hafoin oração Regina Caeli, iha domingo ne’e, 11 maio, Papa Leão XIV hato’o nia discurso perante sarani católica rihun 100 nebé liburan iha Praça São Pedro nian ho mensagem solidariedade no súplica nian, hodi husu paz iha regiões sira nebé sei iha funu no violência nia laran. Iha nia apelo sira, nia hanoin hikas horror segunda Guerra mundial nian no nia husu atu iha comprimisso foun ida husi líderes sira mundial nian ba Paz.
“tragédia boot Segunda Guerra Mundial nian termina ona iha tinan 80 liu ba, iha loron 8 fulan maio, hafoin resulta ema rihun 60 sai vítima. Iha senado dramático funu mundial datoluk nian iha pedasuk-pedasuk hanesan dala ruma Papa Francisco sempre hateten, nune’e mos hau dirige hikas ba poderoso sira mundo ne’e nian, hodi repete fila fali apelo sira nebé sempre atual: “labele iha tan Funu”.
Ho coração Pastoral nian, Papa manifesta ninia proximidade especial iha territórios sira balun particularmente marca hela ho conflito sira:
“ha’u lori iha ha’u nia fuan sofrimento sira husi povo doben Ucraniano nian. Atu buat hotu nebe bele possível hodi alcansa lalais liutan paz ida nebé autêntica, justa no duradoura. Atu dadur sira hotu bele hetan Liberdade nune’e mos atu labarik sira bele fila ba sira nia família”
Tuir mai, hare ba iha situação humanitário nian nebé grave tebes iha média Oriente, Santo Padre halo pedido ida nune’e: ha’u sente triste tebes ho buat nebé mak acontece iha Faixa Gaza nian. Hapara imediatamente tiruteio sira! Atu nune’e ajudos humanitária nian bele to’o ba população civil sira nebé exausta no ba sira nebé reféns bele liberdade.
Iha contraste ho região sira nebé sei iha comflito, Leão XIV expressa ninia esperança hasoru avanso diplomático sira foin lalais ne’e iha Ázia do Sul: ha’u simu ho laran haksolok anúncio kona ba cessar-fogo entre Índia no Paquistão no hein katak liu husi negociação sira tuir mai, bele hetan acordo ida nebé dura iha tempo badak”. Amo Papa conclui nia exortação hodi tau confiança tomak ba iha intercessão Nain Feto nian.
Conflitos seluk nebe existe dadaun hela iha mundo ne’e, hau tau confiança tomak ba iha liurai Feto dame nian atu Nia bele apresenta ba iha Nain Jesus, atu ita bele hetan milagre dame nian.
