25.4 C
Díli
Sexta-feira, Julho 12, 2024
No menu items!
spot_img

“São Francisco Xavier” Sai Mahein Catequista sira Arquidiocese Dili nian

DCAD, 3 Dezembro 2023, Formação catequista sira Arquidiocese Dili nian nebé halao hela iha Oe-cusse hodi celebra loron padroeiro nian loron ponto culminante liu mak iha festeja São Francisco Xavier iha Domingo 3 de Dezembro 2023. Tinan ida ne’e festa padroeiro nian monu los iha Domingo dahuluk tempo advento nian.

Festa padroeiro catequista sira nian ne’e halao hahu ho celebração Eucaristia be realiza iha capela Bihali paróquia Padiae, capela ne’e ninia mahein mak São Francisco Xavier. Eucaristia nee presidida husi Padre Jovito Rêgo de Jesus Araújo, Vigário Episcopal assunto pastoral Arquidiocese Dili nian ho comcebrante nailulik na’in neen seluk tan. Sarani sira capela Bihali nian contente simu catequista sira hodi celebra hamutuk festa ida ne’e. Nudar sinal ksolok nian depois de missa sarani sira tara tais ba catequista sira ida-idak no oferece almoço comfraternização ida hamutuk.

Loron ikus formação nian sai mos tempo ba catequista sira halo avaliação ba actividade tomak be realiza durante loron haat ne’e iha Vigário Oecusse. Avalia kona ba formação, oradores, matériais de formação, acomodação, alojamento no seluk tan. Atividade avaliação nian ne’e halo iha kalan.

Kalan ne’e sai hanesan kalan entratenimento nian ba catequista no sarani sira nune preenche mos ho danças sira nebé grupo crianças sira apresenta no tebe-dahur. Iha kalan ikus ne’e hamutuk Vigário Episcopal pastoral ho equipa pastoral no catequista sira decide tuir rifa katak tinan oin atividade formação ba catequista sira no celebração festa padroeiro catequista sira nian ne’e sei halao fali iha vigararia Same.

Actividade formação ba catequista no celebração sira ninia padroeiro São Francisco Xavier durante loron haat encera husi Vigário Episcopal Assunto Pastoral nian, Padre Jovito Rêgo de Jesus Araújo no dia 4 loraik, catequista sira nebé hela iha rai boot sei fila ho ro ba ida-idak ninia paróquia no sira nebé hela iha rai ketan Oecusse sira hela nafatin iha Oecusse maibe hotu-hotu sei continua halao missão ida deit nafatin, haklaken Cristo nia evangelho ba ema no criatura tomak.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles