DCAD, DILI, 16 julho 2024 Governo liu hosi Secretariado da Comissão Alto Nível Institucional visita Sua Santidade Papa Francisco nian mai Timor-Leste, tersa ne’e realiza Lançamento ba Formulário Acreditação Imprensa ba visita Santo Padre nia mai Timor-Leste. Além de ne’e lança mos Programa TALK SHOW nebé sei transmite liu hosi Canal Rttl. Ep nebé sei hahu iha fulan Agosto ho nia contiudo oinsa mak atu bele dissemina preparação Amo Papa nian mai Timor-Leste no programa ne’e sei halo iha Secretariado Comisão Alto Nível nebé sei convida convidados compotentes nebé bele esplica kona ba preparação ba visita Santo Padre nian.
Secretário Estado Comunicação Social (SECOMS) Sr. Expedito Dias Ximenes relata katak, Cerimónia ida ohin nian ne’e oinsa mak equipa media visita Sua Santidade Papa Francisco mai Timor-Leste iha processo acreditação ba media nacional no estrangeiro.
“Ba lokraik ida ne’e ita sei hare ba processo acreditação liu-liu ba critério nebé atu equipa media ba visita Amo Papa nian sei halo verificação detalho dadus no documento sira nebé jornalista sira sei submete mai depois sei halo verificação inclui mos autenticidade ba iha informação clara no valida fila fali documento sira nebe sei hato’o. Tanba limitação ba iha ita nia fatin cobertura maka programa visita amo Papa nian ne’e assegura diak liu tan cobertura jornalista nebé organizado no assegurado nebé diak no profecional no atu hadia mos qualidade profecional ba media sira hodi halo cobertura. Nunee mos sei regula acreditação ne’e ba iha quantidade jornalista sira nian iha evento no espaço nebé Amo Papa sei visita ba, haktuir Sr. Expedito Dias Ximenes.
Secretário Estado Comunicação Social (SECOMS) fundamenta tan katak, Processo sira sei halo ho transparente no rigoroso hodi garante katak jornalista sira nebé hetan credencial iha condição nebé necessário hodi bele hala’o nia serviço ho diak.
Iha fatin nebé hanesan, Sua Eminência Dom Virgílio Cardeal sente orgulho tebes ba eventos preparativo sira iha parte media nian atu nune’e bele tais didiak hodi hare ida nebé soin duni hodi fó sai menságem, imagem liu hosi ita nia media hasoru evento boot ne’e.
“Liu hosi evento ne’e hodi lança acreditação ba média nacional nian ita bele dehan katak tau ona fatuk inan nebé inportante teb-tebes ita nia preparação ba evento ne’e. Ida ne’e fó hanoin duni mai ita latak, ita hakarak hatudu duni ba mundo buat nebé qualidade identidade nudar nação ida. Liu hosi acreditação ne’e atu bele tais hodi hare ida nebé soin duni hodi fó sai menságem, imagem liu hosi ita nia média”
Iha sorin seluk Sua Eminência Dom Virgílio Cardeal parabeniza Sua Excelência Secretário Estado Comunicação Social (SECOMS) Sr. Expedito Dias Ximenes nebé ho iniciativa diak ne’e hahu lança acreditação média nacional no estrangeiro hodi bele tulun ita hotu prepara ita nia an diak liu tan ba hasoru evento boot ne’e.
Sua Eminência Dom Virgílio Cardeal mos desejo ba media sira aproveita didiak oportunidade ida ne’e no serviço hamutuk bele lori duni Timor ba mundo.
Parte ikus nian Coordenador Geral Alto Nível em Exercício Sr. Tomás do Rosário Cabral fundamenta mos katak, husu ba media nacional sira tem que professional hodi halo cobertura nebé máximo hodi dissemina informação ba evento inportante ne’e ba ita nia sarani sira no ba mundo.
Ohin ita marca evento ida ba credencial ne’e fase inportante ida e sei lança mos serviços nebé media sei halo cobertura ba eventos inportante ne’e. Ita hare ba processo preparativos sira sasan sira começa tama no iha 23 até 25 buat hotu sei to’o ona iha Dili no iha ami nia encontro nebé ohin halo iha fatin ne’e katak iha dia 11 de Agosto sei hatur ona sasan sira balun iha Tasi Tolu. No iha biban ne’e mos atan ha’u hamutuk ho Cardeal sei assina comissão conjunta ida atu nune’e Igreja ho Estado atu serviço diak liu ba preparativos ne’e”.
Participa iha evento ne’e S.E Dom Virgílio Cardeal do Carmos da silva, Secretário de Estado Comunicação Social Expedito Dias Ximenes, Ministro Aministração Estatal e Cordenador Geral Alto Nível visita Santo Padre iha TL Tomás do Rosário Cabral, no Pe. Bento Barros Pereira cordenador média parte Igreja nian.
