DCAD (Dili, 12-10-2024) – Loron 13 fulan Outubro tinan tinan Creda Universal comemora festa aparição Ita Nain Feto nian ba Pastorinhos nain 3 ; Francisco, Jacinta no Lúcia iha Cova da Iria. Comemoração tinan ida ne’e completa ona tinan 107 aparição Nain Feto ba bibiatan nain tolu; Francisco, Jacinta no Lúcia iha Cova da Iria. Nune’e Creda Local Timor-Leste mos hamutuk ho Sarani tomak liburan iha Paróquia de Santo António Motael Dili hodi halo Procissão reza ho hananu hodi lori ilas Ita nain Feto do Rosário de Fátima nian ba to’o ressinto Largo Nossa Senhora Imaculada Conceição Lecidere Dili.
Iha comemoração festa aparição ita Nain Feto nian no procição housi Motael too ba iha recinto Largo Nossa Senhora Imaculada Conceição Lecidere Dili nee preside housi Vigário Geral Arquidiocese Metropolitana de Dili Pe. Graciano Santos Barros, acompanha mos ho presença Padres, Madres, Seminaristas, estudantes housi escola hotu no Sarani tomak.
Vigário Geral Arquidiocese Metropolitana de Dili Pe. Graciano Santos Barros iha ninia reflexão sublinha; Nain Feto escolhe labarik inoscente sira hanesan nia colaboradores priviligiado atu combate moras sira ita ema nian la ho arma sira moderno no tecnologia sira sofisticada, maiho arma de oração, penitência, sacrifício no sofrimento”.
“Ohin ita hamutuk halo procissão ida ne’e hodi comemora tinan 107 aparição Nossa Senhora ba Pastorinhos nain tolu iha 13 de outubro 1917 iha Cova da Iria Portugal. Nain Feto escolhe labarik inoscente sira hanesan nia colaboradores priviligiado atu combate moras sira ita ema nian la ho arma sira moderno no tecnologia sira sofisticada, mai ho arma de oração, penitência, sacrifício no sofrimento. Tanba sa! Resposta mak ida ne’e método serviço Na’i Maromak nian lahanesan ho ita ema nian”.
Nia sublinha tan; Na’i Maromak hili ema fraco sira ba nia projeto sira, Nia husu atu ita uja de’it oração, penitência, sacrifício, cruz, terço hodi transforma ita nia mundo.
“Mensagem importante iha aparição nian mak ne’e; reza terço lor-loron, reza atu funu iha mundo remata no mundo hetan paz; reza no halo sacrifício barak ba conversão pecadores nian”.
Nailulik ne’e hateten; iha aparição iha Fátima, mensagem ba pastorinhos mak ida ne’e; Ha’u hakarak imi hari iha ne’e capela ida, ha’u mak Nossa Senhora do Rosário.
“Bibiatan ida housi sira nain tolu ne’e ‘Lucia’ husu ba Nain Feto; saida mak ita hakarak mai ami? Ha’u hakarak imi hari iha ne’e capela ida, ha’u mak Nossa Senhora do Rosário. Nain Feto husu ba bibiatan no ba ita hotu atu ita iha perseverança iha ita nia oração sira”.
Nia sublinha; nain Feto husu atu hari capela laos ita nia interpretação laos deit iha sentido físico maibe iha sentido de edificação igreja viva, povo Na’i Maromak nian. Nain Jesus no Nossa Senhora de Fátima convida ita atu sai nia mensageiro hodi fahe domin ba sira nebé lahetan domin no lori esperansa ba sira nebé moris iha mukit no kloot laran. Husu ita atu fó liman ba malu hodi hari mundo ida mais magno, justo no prospero. Remata tiha reflexão, continua kedas ho Adoração Santíssimo.
