DCAD (DILI,14-15.01.2025):Arquidiocese Metropolitana de Dil i, durante loron rua nia laran tersa to’o quarta feira(14-15) fulan ne’e hala’o encontro Anual hodi halo avaliação Financeira no Plano Pastoral Arquidiocese Dili nian ba periodo 2025-2030. Encontro Anual ne’e halao iha Salão São João Paulo II UCT Balide Dili.
Arcebispo de Dili Dom Virgílio Cardeal do Carmo da Silva agradece ba ema hotu ninia presença durante loron rua nia laran tanba presença mak sai folin liu hotu laos resultado ita hetan durante loron rua ne’e, maibe presença marca kona ba oinsa ita moris iha sinodalidade “igreja lao hamutuk” liu-liu tur hodi rona, ko’alia ba malu kona ba serviço nebe ita halo iha igreja.
“Hanesan iha loron primeiro no ohin tan ita ko’alia nafatin kona ba buat hotu ita halo ba uma kreda no ba povo seja religiosos, diocesano no leigo maibe tanba ita nia domin ba uma kreda mak halibur ita hotu ho ita nia an hodi serviço”.
Liu tan ne’e Dom Virgílio Cardeal afirma katak ita nia plano pastoral ko’alia mos kona ba governo eclesial katak ida idak contribuí hodi hala’o kna’ar nebe uma kreda tau iha ida idak nia liman ho responsabilidade no ho transparência.
“Laos osan deit maibe ita nia moris iha ita nia pastoral mos hanesan loron primeiro ita ko’alia ne’e too ohin ita prática buat ida nebe sínodo nian tan ne’e husu mos ba ita hametin liu tan ita nia responsabilidade sira nebe ita halo”, tenik Arcebispo Dom Virgílio Cardeal.
Observação nebe foti husi ita nia apresentação sira ne’e atu fo hanoin katak paróquia no escola sira nebe ita iha laos tanba osan maibe osan ne’e meios ida nebe usa hodi hadia serviço pastoral sira maibe finalidade ne’e laos osan tan ne’e osan nebe ita hetan, buka usa ho responsabilidade no transparência.
Ikus liu Arcebispo husu nafatin ba padre sira hotu atu iha pastoral sira nebe ih loron primeiro ko’alia tiha ona ne’e no iha loron segundo nian mas que balun la consegue
apresenta tanba questão tempo la permite, hein katak ita boot sira bele implementa atividade hirak ne’e iha ita boot sira nia paróquia laran atu tau matan ba didi’ak ba labarik sira tanba ne’e mak iha diocese iha OPIAM, hein katak iha paróquia sira hot hotu mos fo oportunidade atu promove atividade infância sira nian, tau matan mos ba família no foinsa’e sira tanba ida ne’e mak ita hotu nia preocupação.
Encontro ida ne’e nu’udar encontro annual nebé Arquidiocese halo hodi avalia andamento financial no hare plano pastoral nebé sei halao iha tinan 2025. Participa iha encontro Annual ne’e Arcebispo de Dili, Vigários Episcopais, Reverendos Párocos, Diretores do Departamentos e Diretores da Escolas, religiosos e religiosas no leigo sira.
