DCAD(27/01/2025) Arcebispo Arquidiocese Metropolita de Dili Dom Virgílio Cardeal do Carmo da Silva SDB, sábado (25/01) semana ne’e inaugura valetas nebé localiza iha Cemitério dos Padres Maloa Ailok laran Dili ninia kotuk. Obra ida ne’e halo ho objetivo atu assegura rate amululik no bispo sira nian, seminário, UNIO no comunidade nebé hela iha fatin refere.
Dom Virgílio Cardeal dehan obra boot ida ne’e (bee dalan) besik metro atus 6 nebé halo iha fulan 8 nia laran no obra ida ne’e halo tanba iha tinan 2021 ho inundação nebé quase tama Dili laran tomak hodi estraga comunidade sira nia hela fatin. Tanba ne’e uluk nana’in hanesan Arcebispo Arquidiocese Metropolitana de Dili hakarak hodi diocese nia naran rasik, hodi comunidade sarani hotu nebé hela haleu iha fatin ida ne’e hakarak agradece ba iha IX governo ba iha subsídio nebé fo ba iha Conferência Episcopal depois to’o ba iha diocese ida-idak ikus mai housi diocese aloca mai hodi bele construi valetas refere.
Dom Virgílio Cardeal haktuir mos katak, buat hotu nebé halo la’os atu assegura deit ba diocese maibe ba mos comunidade no ba ita hotu. Tanba ne’e mota ne’e tun karik comunidade lalika preocupa tanba bee halai ona tuir nia dalan. Tan ne’e hakarak agradece ba iha consultan ba sira nia serviço hotu, sira estudo sira oinsa mak atu halo duni bee dalan ida ne’e di’ak no ohin ita hare no ba companhia Bonavide ninia serviço maka’as masque ho dificuldade hotu nebé sira hasoru maibe ho chefe aldeia sira nia apoio ikus mai comunidade apoio nafatin to’o obra ninia rohan.
Iha biban hanesan ne’e Arcebispo Dom Virgilio Cardeal acressenta tan katak razão halo valeta ida ne’e hanoin mos ba oin oinsa atu bele salva guarda rai diocese ninian tan ne’e mak iha tinan kotuk ami hahu ona hodi convida madre congregação ida husi Coreia nebé
ho naran Congregação São Vicente de Paulo husu sira atu mai Timor hodi bele loke clínica ba timoroan tanba congregação ne’e iha ona clínica ida nebé qualidade tebes. Congregação ne’e hatan ba ita nia convite no sira hakarak duni loke clínica ida hodi fo assistência ba iha comunidade sarani neb’e la’os ba sarani de’it maibe ba timoroan hotu nebé hela haleu no sai mos cooperação ho universidade católica nebé iha ninia faculdade medicina atu sira mos bele aprende oinsa atu sai enfermeiros, médicos ba futuro haktuir Dom Virgilio Cardeal do Carmo da Silva.
Arcebispo Dom Virgílio mos dehan tan katak los duni igreja desde uluk la’os hare de’it buat’e fiar ninian, escola ninian maibe hare mos buat nebé saúde, serviço social nebé sai tiha ona mos característica ida. Tan ne’e mak situação saúde ita nia rai laran ninian, ami hanoin mos hakarak convida madre sira ne’e no sira
Congregação São Vicente de Paulo comprometido katak tinan ida ne’e se contrução uma ne’e remata ona sira hanoin ona atu buka meios oinsa hatama dadaun contentores, equipamentos, medicamentos mai Timor.
Participa iha inauguração valeta ne’e mai husi Arcebispo, equipa GAS ninian, vigario geral da Arquidiocese Dili, Presidente UNIO, companhia, colsultor, chefe suco bairo pite, chefe aldeia, seminarista no sarani sira.
