DCAD, 04.02.2025: Arcebispo de Dili Dom Virgílio Cardeal do Carmo da Silva anuncia lia hirak ne’e ba consagrado no consagrada sira iha Festa Apresentação Na’i nian no Loron Consagrado no Consagrada Sira nian iha celebração Missa Ação de graça iha loron 4 fevereiro lorokraik (5:00 otl), iha Sé Catedral Vila-Verde Dili.
Arcebispo de Dili Dom Virgílio Cardeal do Carmo da Silva ninia reflexão ba consagrado no consagrada sira acentua liu ba Jubileu da Esperança ba vida consagrada sira nian iha fulan Outubro;
“Ohin ita haksolok halibur hamutuk iha Eucaristia ba lokraik ida ne’e nian atu agradece ba Maromak ba ita nia vocação nu’udar consagrado no consagrada, nu’udar religioso no religiosa. Tinan ida dala ida ita hetan opurtunidade ida ne’e halibur hamutuk hodi reza haksolok hamutuk iha igreja ida.
Celebra loron consagrado no consagrado sira nian iha tinan ida ne’e ita nia Amo Papa fó hanoin fila fali mai ita tinan Jubileu da Esperança katak iha fulan outubro mai sei celebra Jubileu ba vida consagrada sira nebé celebra iha mundo tomak”.
Arcebispo fundamenta tan katak, Tinan Jubileu da Esperança ida ne’e convida consagrado no consagrada ida-idak atu reflete kona ba conselho evangélico 3 nebé ita professa ; probreza, castidade no obidiência.
“Primeiro Amo Papa louva katak consagrado no consagrada sira mak sai hanesan naroman no moris liu housi conselho evangélico 3; probreza, castidade no obidiência sai hanesan naroman ba mundo ohin loron ninian; liu housi ita boot sira nia vocação moris nu’udar ema kiak “pobreza” iha kiak sira nia le’et.
Tinan ida ne’e nia laran iha ano de esperança convite ida mai ita atu bele liberta ita nia an housi ita nia atitude sira nebé belit ba sasan sira mundo ne’e ninian no buat hotu nebé sai hanesan obstáculo nebé estraga beleza vida consagrada ninian hanesan; ita nia hanoin an, ita nia karak, ita nia dependência ba buat nebé lori ita ba hanoin an deit. Tan ne’e Santo Padre dehan hakasan atu troka buat hirak ne’e ho ita nia simplicidade, generosidade, laos karak maibe fahe”.
Bibiatan ne’e hatutan; Iha ita nia vida castidade Santo Padre dehan ida ne’e mak hanesan naroman nebé mai housi Santíssima Trindade. Ita nebé renuncia amor conjugal religioso ida fó sai ba mundo katak laiha buat ida nebé boot liu ha’u nia moris selae Maromak ‘primassia’. Katak domin nebé boot liu hotu mak domin Maromak ninian. No ikus kona ba obidiência Amo Papa dehan solidário ita evita no confiança mutual. Obidiência consagrado no consagrada ida nian hetan iha ninia sentido responsabilidade nebé klean neb’e hamriik metin iha nia confiança nebé mutual. Bainhira moris naroman iha Maromak nia liafuan Amo Papa dehan, obidiência sai hanesan resposta ida ba Maromak nia domin no sinal profética ba sociedade”.
Hola parte iha Missa Eucarística ne’e Arcebispo de Dili Dom Virgílio Cardeal do Carmo da Silva, Representante Santa SE nian iha TL Mons Marco Sprizzi, vigário Episcopal para os religiosos Pe. João Suban, Presidente Superiores Maiores religiosos TL Pe. Anacleto Pires SDB inclui Padres concelebrante sira no religiosos e religiosa hotu no leigo consagrado sira.
