DCAD-19.02.2025 Liafuan barulho ne’e sai ona slogan ida ba jovem Timor, certamente Sua Santidade Papa Francisco dehan Jovem tem que barulho maibé barulho ida ho intenção ruma nebé diak no iha nia tempo no iha Fatin. Pe. Joaquim Sarmento, SJ reforça Santo Padre nia mensagem hirak ne’e ba estudante foun sira iha Universidade Católica Timorense, iha loron 19 Fulan Fevereiro tinan 2025 iha Salão SENOFA, Balide-Dili.
Pe. Joaquim haktuir katak Santo Padre fo valor boot tolu hanesan Liberdade, Compromisso no Fraternidade ba jovem Timoroan sira, precisa kaer metin hodi desenvolve.
“Liberdade (Ukun rasik-aan); katak jovem tem que hatene auto-governo. Nudar jovem ida tem que hatene governa nia-aan. Barulho iha liberdade ne’e katak Laos atu halo qualquer nebé ita hakarak maibé liberdade ne’e, tem que iha escolha iha moris tomak, atu hili buat nebé mak Los no Diak ba hau nia moris. Katak nudar jovem ida liberdade ho ninia limitação.
Compromisso; katak tempo difícil hamosu ema forte, ema forte hamosu ema fácil, tempo fácil hamosu ema fraco no ema fraco hamosu tempo difícil. Nudar jovem ida barulho ho compromisso ne’e significa tem que hatudu reacção ka halo reacção ba Timor ninia necessitario, liu-liu ba causa sira. Jovem labele nonok deit iha fatin maibé tem que barulho hodi defende. Katak nudar jovem ida halo compromisso nia-aan ba igreja no ba sociedade Timor.
Fraternidade; katak hare ema seluk nudar companheiro de Viagem no nudar maun-alin. Diferença sempre iha hanesan diferença ba Fiar, Ideia no Cultura maibé ho defirença hirak ne’e la importante, ida fo valor no importante liu Mak respeito malu, tanba na finalidade mak comum katak ita hotu mai hosi hun ida deit. Liafuan barulho ne’e significa sa los? Certamente Barulho ne’e Laos atu hakilar nar-naran, tuda malu loron kalan no toca música kalan too rai loron, maibé barulho ne’e katak fuan la hakmatek ba moris compromisso ida, hodi defende assunto sira nebé necessário ba Igreja no sociedade nian. Tenik Pe. Joaquim Sarmento”.
