DCAD (13.05.2025) Dom Virgílio Cardeal do Carmo da Silva terça-feira ne’e to’o hikas timor Leste Avião Citilink iha oras 12:10 Otl hafoin patricipa missa Fúnebre ba Papa Francisco nian nune’e mos hodi participa iha processo Conclave nian. Hafoin to’o hikas iha Timor, Dom Virgílio Cardeal do Carmo da Silva haktuir mensagem nebé hato’o ba Santo Padre Papa Leão XIV kona ba timoroan nia domin ba Santo Padre.
“Uluk nanain ha’u hodi timoroan tomak nia naran congratula Santo Padre. No ha’u mos dehan ba Papa Leão XIV katak, ita boot la mesak, Igreja Timor-povo timor hanesan ami hadomi Papa Francisco ami mos hadomi ita boot “Papa Leão XIV” ami reza ba ita boot”, haktuir Dom Virgílio Cardeal do Carmo da Silva iha Aero Porto Internacional Nicolau Lobato Dili Timor-Leste.
Além de ne’e Dom Virgílio Cardeal lori timoroan nian naran husu ba Amo Papa Leão XIV atu reza mai timoroan sira liu-liu ba foinsae sira hotu.
“ha’u lori timoroan nia naran husu ba ita boot Santo Padre atu haraik bênção no reza ba povo timor liu-liu reza ba iha foinsae sira. Ida ne’e mak ha’u nia mensagem dahuluk ha’u hato’o iha primeiro encontro ho Papa Leão XIV. Hanesan ami hadomi Papa Francisco nune’e mos ita nafatin reza ba Papa Leão XIV no ha’u mos husu Papa atu reza mai ita liu-liu ba juventude sira”.
Dom Virgílio Cardeal do Carmo da Silva fundamenta katak Santo Padre nia mensagem primeiro mai ita mak paz. Papa ida nebé mai ho vizão nebé claro no mai atu continua buat nebé Papa Francisco hahu tiha ona. Papa Leão XIV mai hodi continua oinsa atu hakuak ema hotu hodi moris iha Paz.
Mai ita timor iha Papa nia fuan hau husu fatin especial ba Santo Padre atu reza ba jovem timoroan sira. Tanba ne’e, ita timoroan no foinsae sira ita hotu hakasan atu Papa nia lifuan sira bele toca ita nia fuan no mos mensagem paz nian ne’e habelar ba mundo tomak.
