25.4 C
Díli
Sexta-feira, Julho 12, 2024
No menu items!
spot_img

Papa Francisco Nia Primeira Vizita Iha Nação Mongolia

Santo Padre halo nia visita pastoral ba nação Mongolia iha 1 de Setembro to 4 de Setembro. Wainhira iha viajem nia laran Papa Francisco hateten ba jornalista sira katak nia hakarak los ba visita nação sira nebé população uitoan maibé ho cultura nebé mak precisa Ita nia matenek atu comprende. Mongolia nação ida iha continente Asia no localiza entre nação Cina no Russia. Nação ida nebé bot número 7 iha continente Asia maibé ho total ema 3,447,157 de’it ho maioria ki’ak. Mongolia conhecido ho nia natureza nebé mak furak no animal sira hanesan Kuda Camelo, Ikan no seluk tan…

Papa Francisco to’o iha Aeroporto internacional Chinggis Khaan, cidade Ulaanbataar capital Mongolia iha Sexta  mais ou menos tuku 10.00 oras Mongolia, simu husi Ministra Negocio Estrangeira Mongolia nian Battsetseg Batmunkh ho joven ida nebé mak oferece susuben Maram hanesan costume iha nação ne’e. Ho Papa nia visita sira iha Mongolia iha loron ikus antes Nia fila ba Vaticano, Papa ba visita no bença Uma Mahon Laran Luak (House of Mercy) nebé hari hodi ajuda ema sira nebé hetan desastre natural, Violencia domestica, deficientes, migrantes no sira nebé laiha Uma. Uma ne’e hari husi Igreja local no hetan mos ajuda husi Catholic MISSION (Pontificias Obras Missionarias) Australia. Depois de benção Uma Mahon ne’e Santo Padre dehan hahalok sira ne’e ita bele hare iha Jesus nia liafuan dehan “ wainhira ha’u hamlaha imi fo hahan no ha’u hamrok imi fo hemu” (Mt. 25:35). Liafuan hirak ne’e Na’I fo mai ita hanesan criteria ida atu ita hatene nia presença iha mundo ne’e no condição ida mai ita atu hetan ksolok reino lalehan nian iha loron ikus. Desde hahu kedan Igreja ho serio hare liafuan hirak ne’e no hatudu husi ação katak Caridade mak fundamental no identidade Igreja nian.

Papa mos dehan : Atu halo buat nebé di’ak lolos, fuan nebé di’ak mak essencial; atu iha comitmento hodi hare ida nebé mak di’ak liu ba ema seluk, comitmento nebé halo hodi hetan fali di’ak husi ema seluk ne’e la’os domin, domin mak ida nebé bele contra egoista no bele halo mundo ne’e nafatin ba oin. Hanesan Sta. Teresa de Calcuta nia historia badak ida, wainhira Jornalista ida hare nia benkok no is de’it ema moras, jornalista ne’e dehan “buat nebé o halo furak los, maibé mai ha’u, ha’u sei la halo maske ba osan millhão ida”. Calcuta hatan, “Ha’u mos la halo ida ne’e ba osan milhão ida maibé ha’u halo ba Maromak nia domin. Papa hatutan ” “Ha’u resa atu domin ida hanesan ne’e bele aumenta valor ida ba Uma Mahon Laran Luak”. Ba buat di’ak sira nebé imi halo ona no continua halo nafatin, ho ha’u nia fuan tomak ha’u agradeçe ba imi, agradeçe, agradeçe tebes no ha’u haraik ba imi ha’u nia benção. No ha’u husu ba imi, favor, iha imi nia caridade atu resa mai ha’u.

Tuir diretor husi Uma Mahon Laran Luak Padre Andrew Tran ema Vietnam dehan Santo Padre nia visita hanesan graça no força ida ba sira atu serviço di’ak liu tan hodi ajuda ema sira nebé precisa sira nia ajuda.. Uma mahon la’os hanesan edificio ida nebé bele halibur ema atu bele descança no han hemu maibé fatin nebé halibuar ema hanesan família ida iha uma ida. Fatin ne’e nakloke ba ema hotu, ema se de’it mak precisa fatin atu hela Uma laran Luak loke odamatan maske Uma ne’e ki’ik hela. No Na’I lulik ne’e hatutan katak tamba buat hotu halo ho caridade nune’e “se ami iha barak ami halo barak”.

No ikus nian nia hateten katak hanesan honra ida ba sira liu husi Papa nia vizita ne’e nia conclui katak fatin ne’e sai hanesan viagem ba 43 iha viagem apostólica: Papa nia presença ne’e hatudu katak nia hadomi no preocupa ba ema kiak sira. Significado boot nebé sira simu mak Papa haraik bença wain ba sira ba edificio no projeto ne’e. No husi Papa nia benção ami continua nia hakarak no domin ba ema kiak.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles