Arquidiocese Dili organiza programa Formação permanente ba daruak iha tinan 2023 nee ba Clero, religiosos no religiosas ho diretores sira nebe dirige departamento sira iha Arquidiocese Dili laran durante fulan Setembro nee. Ba sacerdotes sira nebe menus husi tinan 5 vida sacerdotal nian halao uluk ona iha semana kotuk iha dia 18-22 de Setembro no ba naikulik sira nebe liu ona tinan 5 ba leten hamutuk ho pàroco no diretores departamentos sira halao iha semana ida nee hahu loron 25-29 Setembro 2023.
Formação nee hahu ho abertura no introdução husi Pe. Graciano Santos Barros nudar Vigário Geral Arquidiocese Dili nian iha loron 25 kalan no continua ho loron daruak nian 26 de Setembro 2023 nebe participa mos husi religiosos no religiosas sira.
Horador sira ba loron daruak nian mak Frei. DR. Joel Casimiro da Costa Pinto, O.F.M nebe hatoo kona ba “Fè Católica iha contexto Timor-Leste nian”, moderada husi madre Susana FMA; segundo horador mak leigo Católico convidado ida mai husi Diocese Atambua, Indonesia, DR. Antonius Bele, MSI nebe oras especialista iha área pastoral nian no oras nee halao mos knar nudar catequista no nudar docente iha STIPAS Kupão. DR. Antonius Bele MSI ninia palestra kona ba “Pastoral Catequética”, moderado husi Mestre Dr. Marçal Evaristo.
Iha parte loro kraik formação nee sei continua ho discussão de grupos no apresentação resultado husi discussão nee.
