23.6 C
Díli
Sexta-feira, Julho 12, 2024
No menu items!
spot_img

Dom Leandro Maria Alves Encera Atividade Congresso Opiam Iha Lautem

MISSIO-TL (Lautem, 10 Outubro 2023): Dom Leandro Maria Alves bispo da Diocese de Baucau terça foin ne’e (09/10) celebra missa enceramento atividade congresso OPIAM nian iha Diocese Baucau Paróquia Cristo Liurai Lautem hodi entrega mahein MISSIO Timor-Leste São João Paulo II ba Paróquia Atabae, Diocese Maliana.

Dom Leandro Maria Alves bispo da Diocese de Baucau inspira labarik OPIAM sira hodi hateten,

“Ba kikoan oan sira imi keta tauk mesmo imi sei kiik, mesmo imi nia conhecimento kona ba fiar sarani nian uituan hela, maibe keta tauk atu dehan ha’u ne’e ema sarani, ha’u ne’e ema Cristão, ema nebé fiar iha Jesus Crsito, ha’u nee simu tiha ona baptismo. Ne’e duni keta tauk atu dehan hau ema sarani ida, keta tauk atu hase ema nebé mai atu sobu ita nia fiar”.

 Mahein Diocese de Baucau nee haklean tan mos katak atividade sira hanesan formação, animação, nee atu forma ita nia conciência.

“Atividade sira hanesan formação, animação, nee atu forma ita nia conciência. Nee duni, ba família sira, ita nia colaboração nebé haruka ita nia oan sira hola parte iha atividade sira hanesan ne’e buat ida nebé ita bele dehan valor ida as teb-tebes ba sira no ba kiik oan sira hodi forma sira nia an no prepara sira nia an, hodi bele hasoru desafio sira nebé maka agora mosu dau-daun iha ita nia sociedade no iha ita nia comunidade. Desafio sira nee ita bele dehan la bele ses, maibe buka atu hasoru, agora ita atu hasoru nee mak oinsa! primeiro liu husi formação sira nebé mak tulun ita atu ita nia oan sira nee aban bainrua bele brani duni hodi foti dalan ida nebé mak loos hodi hasoru desafios sira nebé mak tama iha ita nia rai” haktuir Bispo de Baucau Dom Leandro Maria Alves.

Iha Missa Enceramento ne’e hetan participação máximo housi labarik MISSIO sira nebé pertence ba Diocese Baucau, Arquidiocese Dili, Diocese Maliana no sarani paroquiano Lautem nian rasik. Remata tiha Missa, Diocese Baucau liu housi Paróquia Cristo Liurai Lautem entrega h ikas ilas mahein MISSIO TIMOR-LESTE nian ba Diocese Sagrado Coração de Jesus Maliana Paróquia de São Francisco de Assis Atabae.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles