26 C
Díli
Quarta-feira, Julho 24, 2024
No menu items!
spot_img

Mensagem Loron Mundial das Missões

Diretora Missio Arquidiocese de Dili Me. Ines Gomes, FdCC

Nudar Hau Aman haruka Hau mai, nune’e mos Hau haruka imi ba” Jo 20:21.

Cristo bolu ita atu ba, Cristo bolu ita atu serbi no Cristo bolu ita atu fahe Nia Liafuan domin ba maun alin sira, liu-liu ki’ik no kiak sira. Ita nia missão mak atu haklaken Nia Liafuan ba mundo tomak (Mc, 16:15), Kna’ar boot ida nebe Nai Maromak husu ba ita hotu-hotu nebe hanaran-an nudar ema Cristão mak atu ser boa evangelizador/a iha mundo ida nee. Maromak bolu ita tamba Nia hadomi no Domin nee mai husi Maromak rasik. (1Jo. 4:7-8). Jesus bolu ita laos tamba ita merese no soin ba Ninia missão; Jesus bolu ita tamba Nia hakarak ita atu aprende husi Nia, domin ida nebe hatene fo, fahe no serbi. Molok atu Mate, Jesus hameno ba Ninia Apóstolo sira “imi sei hadomi malu hanesan hau hadomi Imi” (Jo.13:34) …no halo ida nee hodi hanoin Hau” (Lc.22:19). Laiha razão seluk nebe motiva ita iha ita nia missão sira, se laos tamba Cristo nebe sai hanesan razão fundamental iha ita nia missão haklaken nian. “Laos imi mak hili Hau, maibe Hau mak hili imi” (Jo. 15:16).


Dia Mundial das Missões – 2023!
“Coração Ardente,Pés ao Caminho” Papa Francisco

Jesus nia knar principal mak haklaken Reino Maromak nian (cf. Mc 1:38; Lc. 4:43). Jesus mai iha Mundo, horik iha humanidade tomak nia le’et, atu haklaken Liafuan ksolok kona Obra Salvação Maromak nian. Jesus nudar Missionario Boot nebe sempre Lao no Ba Haklaken. Ita nudar outro apóstolo/a, nebe Jesus bolu no confia atu hateke ba Jesus no aprende husi Jesus ninia zelo rasik atu sai haklaken nain kona ba liafuan diak Maromak nian nebe lori influência iha fiar sarani povo Maromak nian iha tempo ohin loron.  

Jesus bolu no haruka ita hotu atu hola parte iha Nia missão salvífica. Missão nee laos ema ida nian deit ka ba padres, madres, catequistas,professores sira deit  mak soin no merese atu haklaken; maibe ita hotu nebe mak simu ona sacramento batismo no hanaran an nudar ema “Cristão” katak ita hotu simu knar ida nudar Profeta haklaken liafuan diak, liafuan ksolok no domin Maromak nia ba ema hotu, no sai liurai atu ukun ho domin, ukun ho lialos no justica no sai nailulik atu santifica ema seluk liu husi ita nia moris nebe santo no los no tuir Maromak nia oan lolos nebe moris tuir valores evangélica no doutrinal Igreja Católica nian. Mensagem husi Sua Santidade Papa Francisco ba dia Mundial das Missões (2023), dehan: “Corações Ardentes, Pés ao Caminho” Expereência Emaus lori Apóstolo nain rua la consciente katak sira nain rua lao hamutuk hela ho sira nia Nain no sira nia Mestre nebe ema aat sira kaer, oho no hedi ba cruz. Jesus lori sai sira husi sira nia confusão no tristeza sira liu husi Ninia Futar Liafuan rasik no Silu Pão. Iha momento nee kedas sira matan nakloke, ho fuan nebe nakonu ho ksolok sira Hamrik no Lao ba Jerusalem hodi haklaken ba ema sira katak Jesus Moris Hias fali ona. Ho experêecia ida nee convida ita atu loke fuan no se tilun nafatin hodi hare hetan no hatene si’ik sinal Maromak nian nebe koalia ba ita iha situação moris loron – loron nian. Maromak nia Liafuan moris nebe sai hanesan chave atu loke ita nia fuan nebe dala barak sai hanesan fatuk hodi la fo fatin ba Maromak atu transforma ita; tamba ema nebe hatene rona no simu mak nia bele fo fuan barak. Hakbesik nafatin ba Jesus Eucaristia nebe sai hanesan Fonte no We Matan Moris iha ita nia Missão haklaken nian. “… Hanesan Hau Aman haruka Hau mai, Nune’e mos Hau haruka imi ba” (Jo. 20:21).  Cristo bolu o, hau no ita hotu atu sai nudar Cristo nia apóstolo/a nebe nakonu ho espírito missionário, hodi haklaken Nia Liafuan diak ba Ema hotu liu-liu ki’ik oan sira.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,080InscritosInscrever

Latest Articles