23.6 C
Díli
Sexta-feira, Julho 12, 2024
No menu items!
spot_img

Irmãos Nain 48 Simu Batina Iha Seminário Ano Propedêutico Maloa Ailok Laran Dili

DCAD; (28 de Outubro 2023)-Celebração Investidura ba seminarista II Ano hamutuk 48 housi Seminário Propedêutico São João Maria Vianey Ailok Laran Dili ne’e ho missa Ação de graças be preside housi Dom Leandro Maria Alves Bispo da Diocese de Baucau, hamutuk ho Padre concelebrantes hanesan Vigário Geral da Arquidiocese de Dili, Pe. Graciano Santos Barros, diretores housi Seminário Maloa no Seminário Maior Fatumeta Dili no padres sira.

Iha reflexão sira Dom Leandro Maria Alves nian fo motivação ba seminarista sira atu hadomi Maromak, descobre Na’i Maromak nia domin hodi lori domin ne’e ba maluk sira. No labele baruk atu halo oração tanba oração ne’e hanesan base fundamental ba dalan vocação nian.

“Aman-Inan sira ohin contente tanba hare oan sira hakat tan passo ida iha vida vocação nian ne’e, katak oan sira ohin iha Maromak nia Futar oin hatudu sira nia hahalok ida pronto ninian hodi hakat ba oin. Aman-inan no família sira ita labele contente de’it ho ida ne’e, maibe ita buka mos atu reza.

Liu tan ne’e Bispo hateten, Ita nia motivação ida nebé bolu ita atu bele lao los ho Na’i Maromak mak ita nia domin ba Na’i Maromak hodi hatudu Na’i Maromak ba ita nia maluk sira. Ne’e duni maske ita foin remata housi Seminário Propedêutico atu hakat ba Seminário Maior, ida nebé importante ne’e mak ita atu descobre Na’i Maromak nia domin hodi lori Na’i Maromak nia domin ne’e ba ita nia maluk sira.

Dom Leandro mos recomenda katak, Ita buka atu colabora ho Na’i Maromak, buka atu hatan ba Na’i Maromak nia domin ne’e ho ita nia domin. Se ita hatan ho domin Na’i Maromak sei haraik mai ita buat oi-oin, atu ita servi Na’i Maromak. Frater sira buka atu hadomi Maromak liu housi oração no moris tuir regras sira nebé mak Seminário tau ona. Regras sira nee hanesan criteria ida nebé atu halo ita lao iha dalan nee hodi to’o descobre Maromak. Se ita la tuir regra sira ne’e it abele dehan dalaruma ita nia dalan laos ida nee lalika obriga-an. Nine’e mos ba inan-aman sira katak lalika obriga oan sira tuir imi nia hakarak basá MAromak bolu ó laos bolu apa ho ama sira. Nee duni se MAromak la bolu ita nia oan iha dalan vocação ba nailulik nian karik Maromak sei hatudu ba nia ho dalan seluk nee duni apa ho ama sira temque simu realidade ida ne’e, se nia hili dalan seluk ita buka mos atu apoio nia housi dalan seluk atu hadomi Maromak, dehan Dom Leandro”

Iha sorin seluk Diretor Seminário Ano Propedêutico Maloa Ailok Laran Dili Pe. Pedro mos hateten, atan hau hamutuk ho frater Segundo ano hamutuk 48 nebé ohin simu ona batina atu fo hanoin ba família sira katak ho simu batina ida ne’e mak foin hatudu katak sira nia identidade nu’udar frater lolos, laos diácono, laos Padre. Katak sira simu batina ne’e formador sira sei deut sira iha Filosofia, teologia no atividade pastoral sira iha tinan barak nia laran. Wainhira sira liu ona no remata ona housi seminário Maior mak hodi prepara-an ba ordenação. Dehan Pe. Pedro.

Hola parte iha missa ação de graças Investidura ba Seminarista sira nia iha Seminário Maloa Ailok Laran hanesan, Bispo de Baucau, Vigário Geral Arquidiocese de Dili, Padres, madres religiosos no religiosas, famílias no sarani sira.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles