23.6 C
Díli
Sexta-feira, Julho 12, 2024
No menu items!
spot_img

Assembleia dos Catequistas Nacional de 2023

DCAD; (DARE, 28-OCT-01 NOV 2023) Iha Celebração Domingo das Missões tinan ida ne’e nian 2023, MISSIO Timor-Leste realiza Assembleia dos Catequistas Nacional iha Uma Retiro Dare hahu housi loron 28 Outubro to’o loron 1 Novembro ho nia tema “CATEQUISTA SIRA NIA PAPEL IHA MISSÃO EVANGELIZADORA CREDA TIMOR-LESTE NIAN HODI COMPROMETE DIAK LIU TAN NU’UDAR CATEQUISTAS ATU HATAN BA OBSTÁCULO SIRA OHIN LORON NIAN”. Hanesan ita hatene participa iha Assembleia Catequistas Nacional ne’e mak (Direção Nacional no Diocesanas MISSIO Timor-Leste nian hamutuk ho Departamento Catequética Diocese tolu nian: Arquidiocese Dili, Diocese Baucau no Maliana no Catequista sira housi Arquidiocese Dili, Diocese Baucau no Maliana. Atividades fundamentais sira iha Assembleia Catequista Nacional nia ne’e mak Celebração Eucarística no Adoração Santíssimo, conferências; Trabalhos e discussão iha grupos.

Iha loron dahuluk, Diretor Nacional MISSIO Timor-Leste nian Pe. Bento Barros Pereira introduz kona ba assembleia Catequista Nacional nian ne’e katak,Housi história nebé naruk Uma Creda Timor-Leste nian ita hatene katak iha uma ida ne’e ninia-an iha fatuk inan nia leten mak; missionarios, catequistas no sarani sira ninia leten. Husi ne’e ita hatene momos katak Catequista sira sai Segundo pilares importante iha fatuk inan no airin sira ne’e; barak mos sai mártires hamutuk ho missionários no sarani leigos sira nebé fo ona sira ninia moris ba Creda no rai Timor-Leste.

Nune’e depois de tempo hirak ne’e, iha Celebração Domingo das Missões nebé ita foin celebra dadaun ne’e husi MISSIO Timor-Leste ami hanoin katak catequista sira Timor-Leste ninian ne’e sira mak sai missionário boot tebes depois de missionário Nailulik Dominicano no Diocesano sira (Dom António Medeiros be hahu mai iha fim do século 19). Iha kedas século be tuir mai, século XX Catequista sira ninia papel importante tebes iha Creda ninia moris no iha ema Timor sira ninia moris, liu husi catequese no educação.

Ba ne’e hotu mak iha Celebração Domingo das Missões tinan ida ne’e nian 2023, MISSIO Timor-Leste hakarak hamutuk ho ita boot sira halao Assembleia ida ne’e hodi ita hare no reflete hamutuk fila fali ita ninia PAPEL IHA MISSÃO EVANGELIZAÇÃO CREDA TIMOR LESTE NIAN hodi compromete diak liu tan ita ninia-an ba ita ninia moris nu’udar catequista atu hatan ba obstáculo sira ohin loron nian.

Iha loron tuir mai Pe. Gonçalo Filipe da Cunha nebé sai hanesan orador iha Assembleia ba Catequista sira nee ho nia tema ANTIQUUM MINISTERIUM. Pe. Gonçalo Filipe da Cunha esplica katak Antiquum ministerium, mak carta apostolica ida, mak Papa Francisco hasai hodi institui ‘o Ministério de Catequista’. Documento Papa Francisco nian em forma de Motu Proprio. Fo sai iha Roma, dia 10 de maio 2021. Wainhira nia halo aniversário ba dala 9 nu’udar Papa.

Pe. Gonçalo Filipe da Cunha haklean tan, Papa Francisco hanaran documento de instituição do Ministério de Catequista ne’e: Antiquum ministerium. Antiquum ministerium katak: serviço sira nebé antigo liu. Iha ninia surat ne’e, Papa fo hanoin katak, catequese iha nanis ona; ho catequese mak comunidade cristã moris no sai buras iha seculo sira uluk liu. Teólogo sira concidera katak ministério sira hanesan ne’e existe ona iha Novo Testamento, por exemplo: serviço ka knaar atu hanorin, hetan ona nia modelo iha figura Maestri ka Mestri sira ka manorin-nain sira (cfr AM, nu. 1-3) Ne’ebe Apóstolo Paulo menciona iha nia carta ba 1 Corinto 12, 28-31 (a gerarquia dos carismas. Hino às caridades).

Loron tuir mai Pe. Mateus Afonso, Presidente CONECTIL nebé sai mos orador iha Assembleia ne’e hateten, CATEQUISTA IDA NINIA MISSÃO ATU EDUCANune’e sai catequista atu hanorin Maromak ninia futar liafuan, hanorin Cristo. Ne’e mak Catequista sira ninia natureza ne’e sai apóstolo.Fundamento atu sai catequista ne’e mak tem que ema sira nebé sarani. Iha ne’e nia simu knar at hanorin; santifica no ukun. Wainhira ita hare mai realidade contextual ita sarani Timor-Leste nian nebé hatudu katak maioria povo Timor-Leste ohin loron lori sinal Cruz ne’e ita tem que reconhece katak tamba Catequista sira ninia serviço.Nune’e Catequista sira ninia missão atu educa ne’e tem que mak lori Cristo ba ema no lori ema ba Cristo.

Tama ba palestra loron datoluk nian nebé hato’o housi Pe. Juvito Rêgo de Jesus Araújo konaba “MODELO PASTORAL NO MODELO CATEQUESE BA EVANGELIZAÇÃO IHA TEMPO OHIN LORON”  hateten,Obrigado ba Catequista sira tamba halo igreja presente iha comunidade nia leet. Presença ida ne’e selu labele hodi diocese nia naran. Ha’u husu desculpa nu’udar nailulik ida hodi maluk nailulik sira seluk tamba falta de respeito ba imi, la considera imi.

Koalia kona ba modelo pastoral ita percisa fila ba modelo pastoral nee rasik. Pastoral mai husi substantive, PASTOR katak bibi atan, mahein. Ezequiel Cap 34, oráculo ba bibi atan sira. Maromak ninia lamentação hasoru BIBI ATAN sira tamba la halao sira ninia knar no la moris tuir sira ninia moris. Maromak hafoin dehan: Ha’u rasik mak sei tau matan ba ha’u nia bibi sira no tau ha’u nia interese ba sira.

Assembleia dos Catequistas Nacional ne’e encera ho missa agradecimento be preside housi secretário executivo CET Pe. Carlos Roben iha Casa Retiro Dare.

Related Articles

DEIXE UMA RESPOSTA

Por favor digite seu comentário!
Por favor, digite seu nome aqui

Stay Connected

4,600FãsCurtir
27SeguidoresSeguir
5,060InscritosInscrever

Latest Articles