DCAD-Dili (30.10.2024) – Organização não governamental GX FOUNDATION hosi Hongkong nebé chefiado hosi Leung Chun-ying quarta feira (30/10) ne’e assina memorando de entendimento sobre cooperação de serviço iha área saúde ho Universidade Católica Timorense (UCT). Assina acordo ne’e halo wainhira Magno Chanceler Universidade Católica Timorense Dom Virgílio Cardeal do Carmo da Silva SDB hamutuk reitor UCT Frei Prof. Dr. Joel Casimiro Pinto, OFM fila hosi Roma no to’o iha Timor-Leste iha sala VVIP Aeroporto Internacional Nicolau Lobato Comoro Dili.
Magno Chanceler Universidade Católica Timorense Dom Virgilio Cardeal do Carmo da Silva SDB Sublinha: objetivo de cooperação ida ne’e ho objetivo liu-liu atu serviço hamutuk iha área escola sira iha medicina ninian.
“Hanesan ita hotu hatene katak Organização não governamental GX Fundation husi Hongkong durante ne’e sira serviço hela ho ita nia governo hodi reduz moras dengue ho nune’e mak ami mos hasoru malu iha Maubise. Husi ne’e kedas ona sira aumenta tan serviço nebé mak sira halo, sira oferece mos oinsa mak atu halo hadia ita nia nutrição hodi oferece maquina sira tau iha escola sira liu-liu ita nia escola católica sira lubuk ida mak sira oferce maquina hodi purifica be’e ida ne’e mak sira halo tiha ona ba ita”,
Magno Chanceler haktuir tan mos katak, cooperação de serviço entre GX Fundation ho UCT atu nune’e tinan-tinan husi UCT bele haruka nia estudante sira ba Hongkong China hodi halo estudo de comparação.
“Assina acordo ne’e acontece atu serviço hamutuk entre UCT ho GX Fundation atu bele haruka estudante sira ba aplica esperiência nebé mak iha ona no atu estudante sira mos bele aprende buat foun balun nebé oras ne’e parte GX Fundation iha.
Tanba ne’e assinatura ida ohin nian ne’e halo tan passu ida hodi serviço hamutuk ho escola medicina enfermagem nune’e mos enfermagem iha escola católica ninian nebé tinan tinan sira sei lori estudantes balun ba Macau, Hongkong máximo fulan 6 hanesan ne’e atu buka esperiência ruma iha neba, atu nune’e buat nebé estudante sira aprende iha ne’e ba mos hatudu iha Macau ka Hongkong tanba ne’e mak ohin acordo ida ne’e hare liu ba passo ida ne’e no cooperação ida ne’e oinsa atu hadiak liu tan changes student iha area medicina nian”.
Remata tiha atividade assina acordo ne’e parte rua oferece presente ba malu hodi sai hanesan memória atu bele hametin liu tan laço amizade sira iha serviço hamutuk ninian entre GX Foundation ho UCT refere.
