DCAD, (Dili-24.04.2025) Primeiro Ministro Kayrala Xanana Gusmão hafoin fila husi Melbourne-Australia wainhira to’o iha Aeroporto Internacional Nicolau Lobato Dili Timor-Leste hatoo ninia mensagem relaciona ho falecimento Papa Francisco nian. Nia relata katak, Presidente da República hatoo mensagem liu housi via telefone kona ba notícia Papa Francisco mate, bainhira nia sei iha Melbourne-Australia. Nia hateten, maske nia nudar chefe do Governo laiha iha Timor-Leste, maibe Governo iha Dili hasai resolução hodi decreta luto Nacional durante loron hitu (7) no hasae bandeira iha rin klaran.
“Ita hatene katak quando acontece hanesan ne’e, ita tem que assina iha documento condolência nian kona ba Papa nia falecimento no entrega ba Santa Sé. Maske ha’u foin to’o no la marca presença, maibe membro do governo sira, deputado sira no sarani tomak assina ona, dehan Primeiro Ministro iha Aero Porto Internacional Nicolau Lobato Dili Timor-Leste quinta ohin, 24.04.2025”.
Primeiro Ministro Kayrala Xanana Gusmão haktuir katak Papa Francisco nudar figura eminente ida ba ema hotu, basá iha ninia jornada moris nian sempre hanourin ema no sarani sira atu hadomi ema hotu nebé kbiit laek.
“Ita hotu triste, wainhira rona kona ba Papa Francisco nia mate. Papa Francisco ita hotu hatene Papa ida nebé mundo tomak aprecia teb-tebes tanba nia coragem ida kona ba Fraternidade humana. Papa ida ne’e sempre hakilar kona ba funu, e nia husu funu nain sira atu hanoin netik ema nebé sofre, tanba imi halo funu, maibe ema seluk mak sofre no ema seluk mak mate” tenik Primeiro Ministro Kayrala Xanana Gusmão.
Primeiro Ministro Xanana fundamenta mos katak, Antes Papa Francisco mate, nia koalia kona ba funu iha Gaza, Ucrania ho Palestina, tanba Direito Internacional ne’e aplica de’it ba Ucrania no la aplica ba Palestina. Ida ne’e tanba interesse rai bobot sira nian, sira lakohi hatene semak mate, labarik se mak mate. Papa Francisco coragem boot sempre koalia kona ba ida ne’e.
Primeiro Ministro Xanana relembra katak Papa Francisco sempre hanourin sarani sira hotu atu hare kona ba ema hotu nebé kbiit laek.
“Papa Francisco sai exemplo diak ida iha Igreja – exemplo ida ba emvez de nia reza de’it no halo de’it missa, maibe atende sociedade nia precisa iha moral, política no buat oi-oin. Tanba ne’e Papa Francisco sai figura no imagem diak ida iha mundo”, Haktuir Primeiro Ministro Xanana.
Iha expressão Primeiro Ministro Kayrala Xanana Gusmão nian kona ba Papa Francisco nia mate nia dehan, Hau acompanha processo tomak cerimónia sira Papa Francisco nian iha Vaticano liu husi media sira, ema hotu expressa centimento triste tanba lakon lider igreja diak ida. Foin dadauk Papa Francisco mai iha ita nia rain, nia mai atrai sarani sira e mundo tomak admira wainhira sarani sira halibur iha tasi Tolu liu rihun 600. Iha Papa Francisco ninia visita iha ita nia rain Timor-Leste Papa Francisco husik hela lia murak mean ba ita. Ba comunidade Muçulmano, jovem sira, ba timoroan tomak, liu-liu ba ukunain sira e nia fó hanoin kona ba povo ida ne’e tanba povo ida ne’e mak ita nia rikusoin. Ba jovem sira nebé matenek ituan ona, hetan tiha osan tem que hadomi inan-aman.
