DCAD, Roma, 22.05.2025 : Iha audiência nebé concedida iha dader quinta-feira, 22 Maio, ba participante sira iha Assembleia Geral Pontifícias Obras Missionária (POM), Papa Leão XIV dirige liafuan reconhecimento no encorazamento nian ba representante sira nebé husi nação liu 120 iha encontro anual nian. Pontífice hahu ninia discurso hodi agradece ema hotu ba sira-nia serviço evangelização nian:
“Ha’u expressa, uluknanain, ha’u nia gratidão ba ita boot no ita-boot sira nia colaboradores ba serviço nebé essencial tebes ba missão evangelização nian husi Igreja, hanesan ha’u bele fó sasin rasik husi ha’u nia ministério pastoral nian iha Peru.”
Papa Leão XIV confirma katak POM constitui nafatin “meio principal sira atu desperta responsabilidade missionária batizadu nian”, especial iha regiões nebé Igreja sei iha hela fase de formação.
Papa Leo XIV iha ninia dircurso menciona especificamente Obra Pontifícias haat: Propagação da Fé, Infância Missionária, São Pedro Apóstolo e União Missionária:“Promoção zelo apostólico ba povos sai nafatin hanesan aspeto essencial ida ba renovação Kreda nian nebé prevista ona iha Concílio Vaticano II, no ida ne’e urgente tebes iha ohin loron. Ita nia mundo, kanek tanba funu, tan violência no injustiça, precisa rona mensagem Evangélica kona-ba Maromak nia domin no experimenta Cristo nia Graça nudar kbiit reconciliador nian.”
Hanoin hikas nia omilia iha início pontificado nian, Amu-Papa repete Creda nia vocação atu sai “missionária, nebé loke liman ba mundo, haklaken Liafuan diak… hodi sai fermento de concórdia ba humanidade”. Nia mós hanoin hikas Papa Francisco nia liafuan sira iha Evangelii Gaudium: “o Senhor venceu o mundo e sua permanente conflituosidade, tendo-o ‘pacificado com o sangue da sua cruz”.
Ikus mai, Pontífice fó hanoin katak celebração Tinan Santo ida ne’e nian desafia ita hotu atu sai “peregrino esperansa nian” no, hodi foti liafuan sira nebé Papa Francisco hili nudar tema ba Loron Mundial das Missões iha tinan ne’e, nia encoraza nafatin ba hirak nebé presente iha Assembleia Greral ne’e atu nafatin sai “missionário esperansa nian ba povo sira”.
https://www.facebook.com/share/p/1SVeFGusGm/
