DCAD (6-9.06.2025) Tinan Jubileu ida-ne’e oferece mai ita oportunidade único ida atu hamoris fali ahi-lakan esperança nian iha ita-nia laran. Ida-ne’e maka tempo ida atu examina ita-nia moris rasik, atu reconhece ita-nia falta sira, no atu compromete ba transformação pessoal. Ida-ne’e mos tempo ida atu hakbesik ba ema seluk, atu oferece apoio no solidariedade, no atu serbisu hamutuk hodi hari mundo ida nebé justo no equitativo liu.
Padre Pároco da Paróquia de Nossa Senhora de Fátima Ainaro Pe. Alberty Franco Morato haktuir katak, peregrinação ba fatin sira designado hodi bele manan Indulgência Plenária.
“Peregrinos husi Paróquia Nossa Senhora de Fátima Ainaro hamutuk 184 hala’o Peregrinação ba Santuário Oe-Cusse ba peregrino sira Esperansa nian atu hetan indulgência plenária. Pe. Alberty Franco Morato haktuir katak Atividades peregrinação nian halao iha loron 9/6/2025 ho dalan peregrinação nian hahu husi Igreja Numbei termina iha Igreja tuan fatin Porta Santa. Lalaok tuir manual catequese tinan jubileu nian katak hahu ho preparação ba Confissões no Adoração Santíssimo. Tanba ne’e, depois de confissões continua kedas ho procissão ka peregrinação hahu tuku 11 husi Igreja Numbei no termina jam 4 loraik iha Porta Santa Igreja tuan ho santa Missa nebe sei preside husi Padre Pároco hamutuk ho padres concelebrantes.
Pároco Paróquia Ainaro Pe. Alberty Franco Morato esplica mos tan katak peregrino sira iha Domingo sei continua ho santa Missa iha igreja Nunbei, Depois de Missa sei ba visita monumento estátua Santo António no termina ho passeio iha tasi ibun monumento Lifau.
Tanba ne’e iha Segunda 9/6/2025 peregrino grupo terreste no avião sei fila uluk ba Dili no continua ba Ainaro no Peregrino grupo ro nian sei sai husi Oe-cusse loron quarta acompahado husi Me.Canossiana, Me. FMA Cassa, Pe. CRS Cassa no frater estagiado, no Br.FIC.
