DCAD, (09.06.2026) – Liu hosi Secretariado-Câmara Eclesiástica Arquidiocese Metropolitana de Díli hala’o Assembleia Avaliação Pastoral ida atu haree no avalia atividade pastoral sira nebé realiza durante fulan neen liubá. Encontro ne’e abertura hosi Arcebispo Dom Virgílio Cardeal do Carmo da Silva.
Iha biban abertura ba Assembleia Avaliação Pastoral Arcebispo Dom Virgílio Cardeal do Carmo da Silva sublinha katak Objetivo principal hosi assembleia ne’e maka atu sukat progresso programa pastoral sira, identifica desafio sira nebé hasoru durante implementação atividade sira, no buka estratégia foun atu fortalece serviço evangelização no formação fé ba comunidade católica nian.
Iha oportunidade ne’e, partisipante sira mos fahe esperiência, sucesso no dificuldade sira nebé hasoru iha serviço pastoral durante semestre dahuluk. Resultado hosi avaliação ne’e sei sai base ba planeamento no orientação pastoral ba fulan neen tuir mai.
Assembleia ne’e reflete comitmento Igreja atu continua hadia qualidade serviço pastoral, hametin unidade entre pastoral sira, no responde di’ak liu ba necessidade espiritual no social povo Timor-Leste nian.
Nune’e, Iha Assemleia ne’e mos iha apresentação Livro manual extraordinário do serviço Cartorial.
Participantes iha assemleia ne’e hosi Padre Paroco sira, Madres, religioso/a no reprezentante pastoral hosi paróquia no instituição igreja sira iha arquidiocese nian.
