Homilia
Missa Eucarística Solenidade Imaculado Coração da Virgem Santa Maria
e Ordenação Sacerdotal
Arcebispo de Dili, Dom Virgílio Cardeal do Carmo da Silva
Catedral Dili, 13.06.2026
Horseik ita celebra Festa Sagrado Coração de Jesus, Ohin festa Imaculado Coração de Maria. Expressão Imaculado Coração mai ita balun ita bele dehan ita sidauk toman tanba buat ne’e hahu ho definição Dogma Imaculada Coração nian. Buat nebé ita toman karik mak koalia kona ba fuan nebé moos liu hotu, fuan nebé santo liu hotu, fuan nebé lulik liu hotu mak devoto sira hatoman an. Liu tiha aparição iha Fátima no publicação obra sira Irmã Lucia nian mak expressão Imaculado Coração uja iha Liturgia no Creda. Movimento Imaculado Coração de Maria to’o ninia climax ne’e iha tinan 1994 wainhira iha festa ida ne’e celebra iha Uma Creda latina. São João dehan devoção ida ne’e laos laiha fundamento. Ne’e ita bele dehan laiha razão. Devoção ida ne’e hatur iha base ka aliocerce ida nebé metin, sólido, firme. Laiha força ida husi rai ka husi inferno bele sobu devoção ida ne’e.
Celebração horseik no ohin ninian bolu ita sarani sira hotu atu hare ba Jesus no hare ba Virgem Santíssima sira nia fuan atu ita mos hakasan atu ita nia fuan sai hanesan vaso ida nebé bele rai, bele conserva no bele partilha Maromak nia Liafuan ba ema hotu. Furak liu tan wainhira Amululik eh consagrado satan sira nebé atu sai nailulik hanesan ita nia diácono nain rua ne’e. Laos de’it hare maibe tama klean liu tan, continua halo discernimento kona ba mistério boot ida ne’e. Hanesan Jesus ho Maria ita harohan atu ita nia maluk nain rua; Dc. Justino Soares Boavida no Dc. Marcos Apu Colo espírito Santo loke sira nia fuan ba graça boot nebé mai husi Na’i Maromak maske ita la soi ba ida ne’e tuir Santo Inácio nia liafuan.
Saida mak ita bele aprende husi Festa ohin ninian atu moris tuir didiak ita nia vocação sarani? Saida mak bele inspira ita nebé hakarak lao besik liu tan ba Maromak liu-liu ba hirak nebé iha ordenação sacerdotal ninian. Maske ita ema la soi ba dom gratuita Maroamk nian ida ne’e, esforço saida mak necessário. Ohin primeira Leitura Profeta Isaías koalia kona ba se mak sei sai Maromak nia liman rohan. Paulo koalia kona ba rikusoin sira nebé sei rai iha sanan rai ida nia laran atu hosdi halo saida! Saida mak nain Feto rai iha ninia fuan!
Profeta reflecta situação histórica, iha Babilónia ema sira nia hahalok a’at sira no Maromak ninia libertação. Maibe Profeta hare dook liu ida ne’e hodi dehan loron vingansa nian no tinan misericórdia nian sei la lori definição definitiva maibe aponta ba tempo sira escatalógica iha nebé sinal sira; tristeza, aflixão sei transforma iha felicidade no glória nian. Tuir São Lucas Jesus aplica buat hirak ne’e hotu ba nia liafuan sira profeta nian. Jesus nia Inan simu missão ida especial tebes basá buat hotu nebé Maromak hakarak realiza iha nia.
Maria virgem Santíssima mak modelo peregrinação fiar nain ida nebé ema ida halo iha ninia fuan. Nia prepara horik fatin nebé soi ba espírito ba ninia fuan hanesan discípula nebé perfeito. Nia rai iha nia fuan buat nebé nia hare no nia rona husi Jesus. Iha Sagrada Escritura fuan mak base ba ema ida nia relaçionamento religioso no moral ho Maromak. Fuan mak centro ba ema ida moris escológico, moral no religioso. Dispozição ema ida nia forma iha ninia fuan. Nia representa ema ida nia interioridade nune’e mos intimacia nebé klean. Ida ne’e fatin ida nebé hasoru malu ho Maromak. Husi prespectiva ida ne’e mak ita bele dehan Nain Feto ninia fuan hanesan knu’uk hodi medita kona ba Maromak nia mistério sira. Mai ita atu medita iha ita nia fuan katak tau iha ita nia contexto ohin loron nian evento sira salvífico halo sira sai real iha ita ida-idak nia moris.
Nain Feto mak iha centro reflexão Cristão nian mistério sira Jesus nia infância. Iha profecia Simão hatudu Maria nia interioridade nebé klean nia Oan nia obra salvífico. Terus hotu nebé nia simu iha nia isin nia rai iha ninia fuan. Maria nia fuan hanesan vazo ida nebé rai, conserva mistério sira hotu. Tan ne’e Santo Agustinho dehan; Maria molok kous Maromak Oan iha ninia Knotak, nia kous tiha ona iha ninia Fuan. Devoção ba Maria nia fuan mai kedas ona iha festa fátima nian, anjo sira iha Fátima aparição sira dehan; Sagrado Coração de Jesus e Maria projeta ninia misericórdia ba ó. E aparição terceira nian nia anjo comvina reparação Jesus nia fuan ho reparação Maria ninian. Ba Irmã Lucia nain Feto mos dehan; Jesus hakarak ó nia kna’ar sira halo ema hatene hadomi ha’u. Nia hakarak hari iha mundo devoção ba Imaculado Coração.
Maluk doben sira, liu-liu ba maluk doben nain rua; sai amululik iha tempo ida ne’e, sai amululik iha era ida neb ema hanaran IA nian saida mak necessário? Ha’u hanoin festa loron ohin nian atu fó hanoin furak lubun boot ida atu ita rai no hakiak. Atu forma amululik ida ohin loron katak atu configura presbítero ao sagrado Coração de Jesus Cristo o bom pastor. Formação ida ne’e laos apenas iha ita nia kakutak ka matenek, sim transformação espiritual, humano fundamenta iha domin no serviço.
Iha Santo Cura da Ars expressa frase furak ida hodi dehan; o sacerdócio é o amor do coração de Jesus. Hau hanoin nia koalia ida ne’e tamba amululik ida nia hahalok hanesan dehan agir impersona Cristi. Iha Cristo mak nia santifica, nia hanorin no nia guia povo Maromak nia iha mundo nebé ohin loron ita hare. Missão amululk ida ne’e laos meramente cargo funcional ou ita bele dehan burocrático, dalaruma ita haluha tiha ita nia an katak ha’u ne’e amululik, maibe a’at liu tan ita exerce ita nia função sira hanesan fali empregado igreja ninian ka congregação ninian, maibe lae hanesan ohin dehan; uma comfiguração ontológica à Jesus como o bom Pastor katak ita sai ida deit iha nebé deit ita amululik nafatin laos deit iha tempo nebé atu halo kna’ar maibe ordenação halo ita sai alter Cristo. Tan ne’e furak mos tau hanoin nafatin Santo Inácio Loyola nia liamenon: lalaok sacerdócio nian hafutar iha centralidade amar e servir a Deus em todas as coisas. Fundador compania de Jesus ne’e dehan; ministério sacerdotal laos privilégio ida, honra ida, maibe missão ba salvação projeto espiritual klamar sira nian ba creda no ba ema hotu. Ne’e katak ita sai amululik laos deit ba congregação, laos deit ba grupo a ka b, maibe ita sai amululik ba mea hotu. Ita la sai amululik ba deit ema sira nebé ita gosta ka sai amululik ba deit ema nebé ita hakarak.
Maluk doben sira, Imaculada coração de Maria mai ita hanesan espelho ida, modelo, referência pureza, laran diak no hanorin los, rectidão nebé ita hotu precisa tebes hakiak atu nune’e ita bele iha moris ida nebé santo no alegria Maromak nia reino nian.
Papa Leão fulan ida liu ba nia lia menon ba sira nebé nia ordena nia dehan; caríssimos ordenados quanto mais profundo por o vínculo com Cristo tanto mais radical a sua pertença a humanidade comum. Não ao posição nem competição entre o ceu e a terra em Jesus eles se unem para sempre. Este mistério vivo e dinâmico compromete o coração no amor indusolível compromete-o e ense-o. Celebração ohin nian comvida ita atu continua loke ita nia an hodi continua loron ba loron rona espírito Santo nia lian ho haraikan renova nafatin ita nia domin ba Imaculado Coração de Maria. Devoção ba Maria nia fuan sai nafatin we matan interior nebé riku tebes ba sira nebé pratica duni. Maria mak exemplar ba sira nebé rona Maromak nia Liafuan no rai buat hirak hotu iha nia fuan. Nia hanorin ita atu hatene hao hospitalidade ba Maromak iha ita nia fuan. Ne’e katak comvite ida mai ita hotu nebé ohin comemora festa Imaculado Coração de Maria nian ne’e atu ita loke ita nia fuan, halo ita nia fuan fatin ida ba Maromak. Fo han ho Maromak nia liafuan, buka rai iha ita nia fuan didiak. Ita harohan atu ho Imaculado Coração de Maria hakbiit hatudu dalan no acompanha ita nafatin iha ita nia moris no ita nia dalan ba Maromak nia reino. Mai ita reza atu ita hotu hetan graça hirak nebé ohin celebra festa Imaculado Coração de Maria ninian e liu-liu ba ita nia díacono nain rua atu sira hanesan vazo ida hodi cuida Maromak nia liafuan ba nia emar sira.
