Homilia
Arcebispo de Dili, Dom Virgílio Cardeal do Carmo da Silva, SDB
Festa Padroeiro Paróquia São Atsabe, 2 de Maio de 2026
Ita nia celebração missa lorokraik ida ne’e marca iha momento rua; primeiro ita celebra Festa Padroeiro nian. Tuir lolos ita celebra iha horseik dia 1 maibe ita muda mai ohin e ohin mos tanba aban ita crisma entaun liturgia loron domingo ninian ne’e ita celebra tiha ohin ona, nune’e aban ita celebra de’it missa crisma. Nune’e leitura sira ohin ninian V domingo páscoa ninian.
Maluk doben sira, ohin ita halibur hamutuk iha ne’e primeiro mai atu agradece ba Maromak ba ninia domin. Haleu Altar Santo ida ne’e, Maromak bele halibur ita hotu sai ida de’it iha Eucaristia. Festa Padroeira Festa Paróquia ninian importante teb-tebes labele celebra iha ida-idak ninia Estação, ita hotu mai hamutuk iha fatin ida ne’e hodi celebra ita nia festa Padroeiro. Natal ho páscoa ita ida-idak bele celebra iha ita ida-idak nia fatin. Maibe dala barak tinan tomak ida ita lahasoru malu, tanba ne’e festa ne’e importante teb-tebes ba ita hotu.
Daruak ninian agradece ba Maromak be halibur ita liu-liu fó mai ita São José. Fo ba Paróquia Atsabe nudar ita hotu ninia mahein nebé sai ba iha suco-suco hodi hela iha sarani sira nia le’et durante tinan tomak ida, husi neba ita hotu tau ita nia confiança, ita buka ninia harohan daet. Nune’e iha tinan ida dala ida pelo menus ita halibur hamutuk nudar São José nia oan sira atu hatene agradece.
Ohin loron ne’e dala barak ita hatene husu, maibe ita haluha tiha agradece. Liafuan obrigado ne’e dalaruma susar los atu temi. Dala barak ema dehan ita brani atu tane liman, maibe atu aprecia buat diak nebé ema halo dalaruma ne’e Susar. Entaun iha momento furak ida ne’e mos mak ita halibur hamutuk ohin celebra ita nia loron boot ida ne’e.
Ohin iha introdução ita rona tiha ona koalia mai ita kona ba se mak São José! Tanba sa mak Festa S~ao José ne’e importante ba sarani Atsabe! Tanba sa mak São José ninia figura sai hanesan modelo ba Uma Creda Católica! Ita hotu hatene katak Jesus iha ninia moris iha rai ema hanaran Nia Badaen Ai nia Oan “Filho do Carpinteiro” serviço hanesan badaen ai. José consegue sustenta Santa Maria ho Kosok Oan Jesus to’o boot hodi halao knar ida ne’e. tan ne’e hanaran mos São José hanesan modelo ba serviço nain; padroeiro ba carpinteiro sira. Ida ne’e mos inspira nafatin aman sira atu aman sira mos nunca bele kole atu hanourin oan sira atu serviço. Oan sira mos iha festa São José nian ne’e husu atu ita mos bele hetan mos aman sira nebé pronto atu fahe sira nia matenek ba oan sira.
Ohin ita hahu ona fulan maio fulan virgem Santa Maria ninian. Serviço nain nian hanesan convite ida mai ita sarani atu dehan la to’o de’it atu serviço “serviço ho harohan buat rua ne’e labele haketak malu”. Nudar ema fiar nain ne’e buat rua ne’e labele haketak malu; serviço no ita confia nafatin iha Maromak.
Iha Santo ida dehan hanesan ne’e; ema nebé la confia iha Maromak maske nia iha iha fini musan rua sei hetan de’it fulin ida- maibe ema nebé confia iha Maromak fini musan ida bele hetan nia fulin ne’e rua. Ne’e katak wainhira ita serviço la ho Maromak ita nia esforso ne’e dala barak halo ita sente la to’o hela de’it. Maibe ita serviço no tau ita nia confiança iha Maromak maske ita tau ituan maibe ninia resultado ne’e halo ita mos satisfaz. Tan ne’e buat rua ne’e precisa lao hamutuk.
Iha São José it abele hare ema ida nebé serviço diak no furak e liu-liu iha São José hanourin ita atu tane as dignidade serviço ninian. Ema balun dehan serviço ne’e halo ita sai atan “lae” serviço lolos atu foti ita sai as. Dala barak ema dehan; Atsabe ba iha Dili fan sasan no toba deit iha trotoar leten, maibe mai iha Atsabe iha uma andar barak. Ne’e atu dehan katak tanba nia fo an iha serviço no husi serviço ne’e mak foti ninia dignidade nudar ema. Hanesan São José ita buka halo ita nia serviço ho responsabilidade no fidelidade.
Ohin mos loron ida atu dedica ba ema serviço nain sira maske lolos ne’e iha loron 1 fulan maio maibe ita muda hodi celebra fali iha loron ohin. Tan ne’e keta haluha mai ita sarani Atsabe atu reza mos bae ma hirak nebé fo an ba serviço. Ita temque aprecia sentido no valor serviço ninian duque hare de’it ba iha kole, kosar nebé ita hasae iha serviço. Tau nafatin buat nebé São Paulo dehan; saida de’it mak o halo buka at utu iha ó nia laran tomak hanoin nafatin katak buat hotu nebé ó halo laos bae ma maibe ba Maromak. Ne’e duni, ida ne’e mak buat ituan nebé bele koalia kona ba São José.
Tuir mai ha’u hakarak ita reflecte ituan kona ba loron ida ohin ninian; husi São José saida mak ita bele aprende diak liu tan; husi São José oinsa mak ita bele moris diak liu tan; saida mak São José hakarak husik hela mai ita sarani Atsabe ohin celebra ita nia padroeiro ne’e e bele dehan katak husik hela mensagem ida mai ita iha 2026 ne’e! ha’u hakarak comvida ita boot sira fila fali ba Evangelho nebé ohin ita rona. Evangelho nebé ita rona husi V domingo Páscoa ninian koalia kona ba Jesus começa atu despede ninia escolante sira; discurso ida adeus ninian. Entaun liafuan sira nebé hato’o ba escolante sira iha han kalan dala ikus ninian to’o momento ida Jesus hahu dehan; Imi nia laran keta taridu. Nia dehan mos mai ita iha momento ida ne’e ho drama sira nebé acontece iha mundo, iha ita nia rain, iha ita nia moris dalabarak saida mak ita iha. Ita mos hanesan escolante sira iha tempo neba ita mos iha tauk. Tauk ho saida tanba dader hader mai ne’e buat barak mai iha ita nia ulun katak ita tauk hau nia saúde diak kalae , tauk buat oi-oin, ita tauk mos buat ruma keta acontece ba ita nia família, ita tauk mos hare ba iha crise economia agora ninian, hare ba sasan nia folin começa sae, ita most auk hare ba dalan a’at, tun ba Dili osan transporte nian sae ba bebeik ita lahatene bainhira mak normal hikas fali, ita dalaruma tauk ho buat oi-oin. Ita ida-idak lori iha ita nia fuan tauk nebé ita iha. Maibe maluk doben sira, se hirak ne’e hotu ita continua de’it tauk nune’e saida mak sei mosu! Moris bele estres dalaruma hanoin lato’o bele tara’an. Experiência buat hirak ne’e hotu Evangelho nebé ohin loron koalia mai ita buat a’at sira hotu sei desaparece força Evangelho ninian, odamatan fiar nian sei lakon maibe Maromak nia liafuan mak sei hela. Tan ne’e ohin hatudu mai ita buat rua; primeiro Jesus dehan Fiar iha Ha’u keta laran susar. Ida ne’e conselho ida mai ita atu ita labele comfia an demais maibe comfia iha Nia. Dalan atu liberta susar hirak ne’e mak comfiança no fiar.
